•● الـعـذر يـا وقـت مـاعـنـدي جـواب ●•

السلآم عليكم ورحمة الله وبركاته ..

\\
\\

أول مشاركة وأول موضوع لي بهالقسم وعساها تجمّل


\\
\\

أقول :

ساد صمتي واعتلى جوي ضباب
.........وضاق بي كون على العالم رحيب

ماهقيت الشمس تبطي بالغياب
............وماهقيت النور عن عيني يغيب

لين شفت الجور من وقتي وذاب
...........حزن قلب من عناء وقته عطيب

في غيابك كم تجرعت العذاب
..................عايش بالدار لكني غريب

وكل حلم صار بعيوني سراب
..................وكل هم زاد عيا لا يطيب

للصبر طقيت لي مليون باب
...............وبالأمل ظنيت بإفراج قريب

وكان حلمي دايمآ فوق السحاب
............واطلب المولى دعائي يستجيب

آه ياعمر تلاشى بالشباب
.............مابقى بي حيل وظنوني تخيب

العذر يا وقت ماعندي جواب
.............. ما لصدماتك بعد هذا طبيب .

\\
\\

وسلآمتكم
أخوكم / أبوسعد العبيدي

.
.
ملاحظة /
اللي تسول نفسه من النفوس الضعيفه أنه ينقل قصيدة لمنتدى ثاني .. ياليت يتذكر أنه إذا أنا أو أي شاعر ثاني مادرى عنه فالله سبحانه وتعالى لايخفى عليه شيء .. وإذا باقي فيه ذرة رجا ياليت يذكر اسم الشاعر تحت القصيدة على أقل تقدير