قصيدة مسابقة شاعر العرب

[poem=font="Arial,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]



هذه قصيدة مسابقةشاعر العرب في الكويت الشقيقه قبل ايام
يامبدعين الشعر ياجمهوره=يالجنته يادارسين عصوره
صبح القصيد الجزل بانت شمسه=على رهاد"ن"توها ممطوره
بالذوق والحس الرهيف الناقد=والنادرات الشّرد المغروره
اللي تبختر بالجمال الباهر=ولا تداني ناقل الباكوره
غنّو بها بين العرب واحيوها=واخذو بها فوق الكواكب دوره
برنامج التصويت قفل بابه=كل يبين موقفه وشعوره
ماعاد به وقفت رفيق وافي=ياقف بجنبك وقفت مشهوره
ولاتحمل كاهلك بديونك=وتشق ثوب احوالك المستوره
ماينفعك ذاليوم غير ابداعك=اقلط بشعرن مايهمّش دوره
اقلط بشعر يعجب النقّاده=عليه من واسع خيالك صوره
هذا ينزه شعرنا ويعزه=ويفك عوق الساحه الممروره
اللي لها سبع سنوات واكثر=تشكي صواب غايب دكتوره
لولا مقام اهل القرار الصايب=راحت طعام ذيابة مسعوره
وقّفت يابن دمخ وقفت مخلص=واعلنت في الشاشات رد الثوره
عز الله ان فعلك يبيض وجهك=رايك سديد ودعوتك منصوره
شعر العرب باغلى الثياب ملبّس=في مجلس نقش الذهب ديكوره
اشم طيبه قبل اوقع بأرضه=ولادهاني مثل شعّة نوره
له هيبة منها يفر الداجي=فر الوحوش السبق المذعوره
يغار منه البدر بين ابراجه=وايغيب قبل الصبح يرفع زوره
مجلس عرب في دولة مسميه=بأنواط مجد ماتموت اجذوره
مجد تحلا به صباح الاحمد=اللي ورى الكايد تطول شبوره
شيخ الكويت الله يديم افراحه=محبته في قلوبنا مفطوره
جار نعزه وانحفظ غراته=وايزورنا في المملكه وانزوره
ياجار جينا والغلا يدفعنا=دفع الهوى للمزنه الماموره
من مهبط رسالة نبي الامه=اللي هدانا الله على دستوره
من ديرة المجد القديم الشامخ=والرايه اللي بالفخر منشوره
دار الملوك مفرجين الضيقه=عن شاحب قلبه وصل حنجوره
يامن بمان الله تحت هيبتهم=وايعيش في قصر طويل سوره
آل السعود مناصرين السنه=محاربين البدعة المحضوره
وقفاتهم تازن جبال الدنيا=واتصد جمع هايج طابوره
تاريخهم بين الشعوب مخلد=ماهوبلامسرح ولا باسطوره
الله يجعل من توفى منهم=في منزلة خلد تباها حوره
وايديم حكم الباقي من الاسره=اللي عهدهم ماشكينا جوره
ولانسيت ابن الصباح وشعبه=الله يجعل دارهم معموره
ولايفرّقنا ولايفرقهم=ولايرد صفوفنا مكسوره
وازكى صلاتي للنبي الهادي=اللي هدانا الله على دستوره

هادي بن محسن بن هميجان بن جليغم[/poem]

ارحب يا أبو محسن

وصح لسانك ولاهان راسك يابن جليغم

وأنتم أهل الشعر ومناهله يالذيب

كفيت ووفيت وجملت ربعك ودولتك

وفالك التوفيق

__________________

الله الله

ارحب ياهادي وصح لسانك ملايين

قصيده وافيه وجزله من شاعر ٍ جزل

وتستاهل الناموس

والله يوفقك انشالله

__________________
[center]



alsamey2010@hotmail.com

قصيدة مميزة من شاعر مبدع وفالك النتوفيق
لك دعواتي وتقبل تحياتي

__________________

هادي ابن جليغم بيض الله وجهك بيض الله وجهك وبالتوفيق

تحياتي وتقديري ودعواتي لك

أرررررررررحب يابو محسن تراحيب المطر

وصح الله لسانك يالقرم وبيض الله وجهك أنت وافي وقصيدك وافي

ودائما أطرب إذا سمعت قصائدك والشاهد الله وشاعريتك الفذة

وأستمتع بالجزل اللي يجيبه شرواك وشروا الحاضرين

والله يوفقك يابو محسن وألف مبروووك التأهل للمرحلة الثالثة

تقبل مروري...

هادي بن محسن أبن جليغم

بيض الله وجهك على هالواااافيه

ولاهي غريبه فالطيب ما يجي منه الا طيب

أبيات أعجبتني كثير:

ولاتــــــحـــــــمـــــــل كـــــــاهـــــــلـــــــك بـــــــديـــــــونـــــــك

وتــــــشــــــق ثـــــــــــــوب احــــــوالـــــــك الـــمـــســـتــــوره

مــايــنـــفـــعـــك ذالـــــــيـــــــوم غـــــــيـــــــر ابـــــــداعـــــــك

اقـــــــــلـــــــــط بــــــشــــــعــــــرن مــــايـــــهـــــمّـــــش دوره


اقـــــــلــــــــط بـــــشـــــعـــــر يـــــعـــــجـــــب الـــــنـــــقّـــــاده

عـــلـــيــــه مــــــــــن واســــــــــع خـــيــــالــــك صـــــــــــوره


هــــــــــــــــذا يــــــــنــــــــزه شـــــعـــــرنــــــا ويــــــــعــــــــزه

ويــــــفــــــك عـــــــــــــوق الــــســــاحـــــه الــــمــــمـــــروره


الـــــلـــــي لـــــهــــــا ســـــبــــــع ســـــنــــــوات واكـــــثــــــر

تــــشــــكـــــي صــــــــــــــواب غـــــــايـــــــب دكـــــــتـــــــوره



والقصيده جميله بشكل عاااااااااااااااااااام

__________________

[grade="008080 008080 008080 008080"]لا اله إلا انت سبحانك إني كنت من الظالمين[/grade][grade="DC143C DC143C DC143C DC143C"]beshry@hotmail.com[/grade]

ارحب يابن جليغم

وانا يشهد الله من متابعينك ومبروووووووووك

التاهل للمرحلة الثانية

وقصيدتك تجمل قحطان كلهم

لاهنت ياوجه كعب

هادي بيض الله وجهك وصح الله لسانك
اشهد الله انك قدمت قصيده وافيه وجزله ولا يكتبها الاشاعر متمكن مثلك
شاهدتك عبر قناه رواسي واعجبتني جدا يابن جليغم
واجبرتني علي متابعتك والبحث عن جديدك
وتستحق الوقوف احترام لشاعريتك المميزه
فانت شاعر محل الاهتمام والمتابعه وسيكون لك شان عظيم

__________________

صح لسانك ياهادي

قصيده فاخره وحبكة معلم

بالتوفيق ياذيبان والى الامام

وتقبل تحيات بحر

__________________