للشعراء والنقاد فقط

هل يوجدكسور في هذه الابيات ارجوا الرد والتوضيح ولكم جزيل الشكر

سبحان رب من خلايقه معبود
علام سر ابن ادمي والنوايا
يحل حبل من عقادته معقود
ولاهي سواته مثل كل السوايا
اصبر على الدنيا ترى العمرمحدود
...لو كان جمرة يشعلن الشوايا
كم حالي يتغير مع هبة النود
وكم عوديبس عقب وقت الروايا
ولابد من وقت محدد وماعود
بأمره وتدبيره تسير السرايا

__________________
faisal

هاذي الابيات عليها تحدي من 5 الالف ارجو المشاركه

__________________
faisal

كم حالي يتغير مع هبة النود
وكم عوديبس عقب وقت الروايا

لو استبدل (مع ) بحرف الباء لأصبح البيت موزون
يصير(كم حالي(ن) يتغير بهبة النود)
والشطر الثاني موزون لكن ماخش مزاجي "عود يبّس"..
وباقي الابيات ما عندها مشكلة....
شكراً أخوي فيصل...

اشكرك على النقد البناء ونتطلع لاي نقد من اي شاعر

__________________
faisal

وهاذي القصيدة الثانية هل يوجد بها كسور ارجو التعليق على القصيدتين,
مايذبح الرجال ويكن بوحه
غلطة رفيق هو يعزه ويغليه
لا خير في رجل قصار شبوحه
ولاخير في سيف نثر دم راعيه
ماجيت ابي مد اليدين الشحوحه
ولا جيب ضامي في رجا الغير يسقيه
سرتني اقدار الليالي اللحوحه
لو كان مسرايه على شئ ماابيه
والهم وطعون الزمان وجروحه
تجمعت في خاطري واسكنت فيه
واللي غموضه يختلف عن وضوحه
اجبرني اركب مركب التيه واتيه
استاذنك ياخاطري والسموحه
لاعاد تلحقني ملام ومشاريه
سري وسرك لازم انا نبوحه
ونودع التوديع غالي وغاليه
لو ان دمعات الموادع فضوحه
تطري علي البعد وانا ماادانيه
لكن ياسر(ن) توفت طموحه
نقضك يعذبني ولاني قاويه
ركزت في صدري سهوم ذبوحه
وعلمتني في شئ ماني بناسيه

__________________
faisal

القصيده الثانيه كااااااااااااااااااااايفه من وجهة نظري ..

في انتظار النقاد والشعرااااء ..

للمعلوميه بما انك نزلت الموضوع للنقد فيرجى سعة الصدر سواء كان النقد مع او ضد ..

طبعا لانريد الا النقد البناء الذي يصب اولا في صالح الشاعر صاحب القصيده والمتلقي معاً ولا نريد النقد الجارح ..

اخوي فيصل بيض الله وجهك علة فتح مثل هذا الباب من جديد ..

تقبل مروري ووجهة نظري التي قد سبق وذكرتها ..

اخوك / فلاح

__________________

بالنسبه للوزن والقافيه

فلا باس عليها

اما المعنى فلك عليه

السبك لايوجد

الباك ر اوند لايوجد


اضافه الى تغيير بغض المعاني

بعد عديل كتابتها


مثل :-
ابن ادمي

وعقادته

والصحيح

ابن ادم

عقدته

واضافة حرف اليا في حال اصبح حالي

اعتقد انها خطاء في الاملاء

لان مفردة حالي مالها مكان في الجمله

اتمنى لك التوفيق


اقسم التحدي النصف بالنصف


العبيدي

__________________

[

__________________

اشكر كل من شاركنا براية وافادنا
ونتقبل جميع الاراء وبدون مجاملة ونفيد ونستفيد والمجال مفتوح

__________________
faisal

ابشر بالخير ياابن جليد

__________________
faisal