[poem=font="Simplified Arabic,7,black,bold,normal" bkcolor="blue" bkimage="backgrounds/17.gif" border="double,thick,blue" type=4 line=0 align=center use=ex num="0,black"]
الرجل يتعب في حياته على شان = لاذكروا أهل الطيب يذكر لحاله

وأنا أفتخر في معرفة رجل وانسان = يسعى لكسب الطايله والجماله

سلطان بن سلمان من راس راكان = سلالة ماهيب أية سلاله

شيخ محلف رمز له المجد عنوان = تواضع يذكر ودين ودلاله

زيزوم قوم وللمواقيف برهان = وضلع اذا مال الزمان أرتكاله

كم واحد وقته يتله بالأرسان = سجين دم ومحكمين عقاله

خانوا به الأدنين والموت ديان = وباروا به أصحاب السعه والسهاله

ثم صاح بأعلى الصوت سلطان .. سلطان= والسيف والموت المحقق قباله

ثم جاه حمال الثقايل بليهان = ووقف له بوجهه وجاهه وماله

شيخة فعل ماهيب خرابيط ورعان = وختم يقصونه من أطرف بقاله

أرحب عدد ماأطلقت من كف سجان = سجين دم ودمعته رأس ماله

وأثني الترحيب من دون نقصان = بكل رجال لحاله ... لحاله[/poem]

__________________