( الشعر قفّى في يدين المهبّل .... كل" يقول أصبحت شاعر محنّك ) .... ."الشاعرالطرقي"

"الشعر قفّـى"

[poem=font="Simplified Arabic,6,green,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
الشعر قفّى في يدين المهبّل=كل" يقول أصبحت شاعر محنّك
فلان صاغ القاف وفلان طبّل=واللي يطبّل قال يا حيّ فنّك
وأنا من اللي شفت صعب آتقبّل=ما نقبل اللي صار يا هيه منّك
يا اللي عفست الشعر خلّك مطبّل=دامك تخبّط فأترك الشعرعنّك
اللي سواتك بالسلاسل مكبّل=وأنا لما إنّي جيت طيّرت جنّك
إن طعتني يا مخلف الشعر ذبّل=الناس ما يبغون هيلك وبنّك
اعقل وهوّن وانتبه لاتخبّل=تظنّ يا غاوي وخيّبت ظنّك
من فوق رأسك وابل المزن سبّل=و الله ما نرحمك و لا نحنّك
أفلح قبل يأتيك ضرب مدبّل=وخّلك على البيلوت حكمك وصنّك[/poem]

"الشاعرالطرقي"

ودمتم بخير .......

__________________

ارررحب يابوصالح


صح الله لسانك قصيده رائعه وشاعر رائع


تقبل مروري

__________________

صح لسانك يا الشاعر الطرقي ولاهنت على القصيده اللي فيها هجوم على المهبل والشعر بخير ان شاءالله

ما دامك من انصاره انت وشرواك من الشعراء الحقيقيين بيض الله وجهك والقصيده هادفه تعالج موضوع باسلوب شاعرنا الخاص , تحياتي لك من القلب

صح الله السانك يالشاعر الطرقي



وتسلم يمناك وعزالله انك صدقت



وافيه وانت وافي

أرررررحب يابو صالح تراحيب المطر

وصح لسانك مدد بلا عدد وافي وقصيدك وافي وجزل وكلك ذووووق

كما أبارك لك من أعماق قلبي بمناسبة تأهلك في شاعر العرب

والله يوفقك أنت والشاعر هادي بن جليغم فأنت والشاعر هادي

من نجوم شعراء الجزيرة العربية وشعراء قحطان خاصة

والله يوفقكم وشكرا جزيلا.....

__________________


والله إنه صادق

صح لسآنك
يعافيك ربي ع القصيده

__________________
عَبْدِالْلَّه بْن مُحَمَّد بْن فَلَاح بْن شَدَّاد

ارحب يابو صالح تراحيب المطر ولاهنت على القصيدة اللي سكتت المستشعرين

أفـلـح قـبـل يأتـيـك ضــرب مـدبّــلوخّلك على البيلوت حكمك وصنّك

صح لسانك

قصيدة جميلة وسلسة وذات معنى يحاكي أوضاع المتعلقين بالشعر والشعراء في الساحه الشعرية

تقبل تحياتي وتقدير ي

__________________
خيلا الشدقاء ابن عياف

كم هي جميلة شبكتنا .. وكم هي كبيره بكم
فشبكة قحطان بكم ولكم
فلننهض بها
بصدق وأمانه
وبلا تذمر


قحطان في شبكة قحطان

((يداً بيد ))

(( قلباً بقلب ))

(( لترتقي شبكتنا وتتطور ))

صح لسانك يا بو صالح

لاهنتوا على المرور

والله يعطيكم العافية

ولكم خالص الشكر والتقدير

وأخصكم واحد واحد كل باسمه

تقبلوا تحياتي وتقديري

__________________