[poem=font="Simplified Arabic,5,black,bold,normal" bkcolor="transparent" bkimage="backgrounds/8.gif" border="ridge,medium,gray" type=4 line=0 align=center use=ex num="0,black"]
سلام يهدى لرجال الطحاطيح = اللي ينومس ذكرهم لا ذكرناه
ريح الخزامى والنفل فيه والشيح= والعود الازرق فال مثله وشرواه
البيض ترفع فوق لبن شليويح = حمد هو اللي يرفع الراس طرياه
له فزعة(ن)تشفي الكبود المجاريح = عون(ن) لمن حده زمانه على اقصاه
ولا نسينا راعي الفطر الفيح = اسعيد ابن جادع ترا مانسيناه
راعي نياق(ن)كالمزون المراويح = ومبروكه وعبوده ابذكر الله
استر عليها من عيون المشافيح = والله يبارك اله فيما ربي اعطاه
امدح بني هاجر قروم وزحازيح = هم درعنا اللي للشدايد ذخرناه
هم ذخر من دونه قفول ومفاتيح = وهم مزبن الخايف وملجاه وحماه
من زارهم يقلط على هبة الريح = ياحيهم في ساعة الضيق حياه
اضويهم فالجوع مثل المصابيح = لا جالها الطرقي لقا ما تمناه
فبيوتهم هيل(ن)وطيب ومفاطيح = ويشوش راس الهاجري من حماياه
عدوهم في الهيه يقوم ويطيح = خيل الهواجر بالحذاه اتوطاه
هم نصرة العذرا ليا قامت اتصيح = وكم شيخ قوم(ن) للذيابه تعشاه
ذكرت فعل اوجيه جنب المفاليح = والمعذره لو حقهم ماوفيناه
واعداد من صلى قيام وتراويح = صلوا على المبعوث والدين وفاه
الشاعر / عايض بن دشن =
[/poem]

__________________
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]
لاكثرو الشعار والمستمع قل = فنشهد إنا بالقصائد نضحي
الكيل زاد ولا بقي شئ يعقل = واخير من قول القصيد التنحي
سعيد بن فالح آل مهدي =[/poem]