الشاعر العلم / الهذيه بن شيبان الدوسري

(( الهذيه بن شيبان ))

هو الشاعر مبارك بن شيبان آل ضويان الوداعين الدوسري

الملقب بالهذيه

وهو شاعر الحكمه والنصح

وهو كفيف البصر ويمتاز شعره برصانة وقوة المعنى

ويعتبر من اكبر شعراء الدواسر

من أهالي السليل وبالتحديد في منطقة خيران وقدعاش بها توفي سنة 1170 للهجره

واليكم هذه القصيده المشهوره له

وهي في الحكمه والنصح






يالله يـا بانـي سبـع السمـا بامـره=ومنين ما قال له يا نـون كـن كانـي
طالبك ياملتهم يـا خيـر مـن نزهـم=يا كاشف الضر يـا عـلام حيلانـي
اجعل حياتي على الدنيا علـى رخـى=واجعل مماتي على عفـو ورضوانـي
من أولٍِِ داله مـن الهـم مـا درى بـه=والهـم ماهـوب فـي بالـي ولا جانـي
أشـوف دنيـا علـى الله يـا مزينهـا=تاخذ على الناس غارات بالارسانـي
راحـت بنـاسٍ تشوقنّـي عجايبـهـم=امن اولٍ كـان لـي ربـع وخـلانـي
راحو رجالٍ على الدنيـا وحـل بهـا=ناسٍ يعيشـون فـي كـذب وبهتانـي
فأول ما أوصيك به رفقة هل الطاعـه=من غر منها فهـو ندمـان خسرانـي
ثاني ما أوصيك به عـن رفقـة الخايـب=لو هو غني تـرى مـا فيـه ميدانـي
واحذرك تجلس بمجلس تاجـر فاجـر=ايقلطـك لأجـل شهـادات واديـانـي
ولا تضـم أحمـق ترجـي منافيـعـه=الأحمق يغرك واذا جا الصدق ما باني
الاحمق سوى او برثّ الحيض فتركهم=مثل الربا يمحق ولو كان براني
ساس الـردى لايغـرك منـه نفشاتـه=لا حتجت نفعـه تبيـن علمـه الثانـي
الناس مثـل الشجـر ساتـرته اوراقـه=لا حت واهجر غدا شـوك وعودانـي
والحظ يكسـي رجـال لا ثيـاب لهـم=لو يسلـب الحـظ مايسـوون ديوانـي
لا تحسـب الـدار زينتهـا مبانيـهـا=ترى اصلها يافتـى طيـن وجدرانـي
الـدار مـا تستقـيـم الا باهاليـهـا=ولا لـهـا زيـنــتن الا بسـكـانـي
أمـا سخـي بمالـه واقـف فيـهـا=ينفق على الناس ويدري كل شي فانـي
والا مطيـع لربـه راهــب فيـهـا=يتلوا علـى النـاس آحاديـثٍ وقرآنـي
والا أسـود معفـيـن جوانـبـهـا=بسيوف هنـد توطـي كـل شيطانـي
مـا ودك ان عقبـهـم الا رحايلـهـا=والا فتالي العـرب جـول وخرفانـي
أشوف ذا الجيل مـا تبطـي محبتهـم=رفقة اسبوعٍ وعقـب الولـف شتانـي
وياويـن ابلقـى صـديـقٍ لي يشاكيـنـي=لا ضاق شاكيته ولا ضقـت شاكانـي
يضحك حجاجـه يبيـن لـك سهالاتـه=ما هو مسلجم وكنـه منـك زعلانـي
شفـي رفيـقٍ اذا رافقتـه ارفقـلـي=وان جيت له فز في المجلس على شاني
ياليت قصره احذا قصري يشاكينـي=لا ضاق شاكيته ولا ضقـت شاكانـي
كم مرة جيت ابيه وعدت مـن دونـه=مـن ذلتـي مـن مشاذيـب تقفانـي
طاري يقول رح له وطاري يقول ارجع=مذاهب الناس شانـت يابـن شيبانـي
تر في العرب ثعلب ما ينعـرف وجهه=همـاز لمـاز فيـه انـواع شيطانـي
ياخالـي المعرفـه بالـك تعاتبـنـي=ياناقص العقل ماشانـي لـك بشانـي
عاين نجوم السما ما اكثـر تلامعهـا=أي نفعهـا كلهـا والجـدي لا بـانـي
أيت سيـوف الهنـادي حيـن صقلتهـا=أيهـا وعباسـي كلـه صـدى دانـي
واي الطيـور الـذي ترجـى منافعهـا=أيهـا وبيـض الجناحيـن ام عثمانـي
يا علـة طاولتنـي مـن قريـب لـي=أوحي وحمها على الأنجاف يصلانـي
لا جيـت ابا اكنهـا تلـهـب ملايلـهـا=وان جيت ابفضي بما عـراه عرانـي
أحد تجي زرقتـه علـى بنـي عمـه=واحد تجي زرقته في الجـار والدانـي
زاحد يعرض بني عمه نبوب الخطا0واحدٍ يعرض بني عمه شحـم ضانـي
تظهـر قـرودٍ ولا تـدري عواقبهـا=وتبرز أسودٍ تخيـط الفتـق لا بانـي
تلقـى أسـود مبطـحـةٍ مذارعـهـا=تذخـر ظفرهـا ليـومٍ فيـه عنكاني
وتلقـي قـرودٍ منفـشـةٍ مناخـرهـا=تذخر ظفرها على الجيـران والدانـي
وأحـدٍ الا مـات مـا ينفقـد موتـه=يدفن ويمسون ربعـه نومهـم هانـي
واحدٍ الا مـات يـا وسـع فرجتـه=تسهر عيونٍ وهي من فقـده احزانـي
من وده ان الثعـل والهـر ربـع لـه=والثالث النيـص والرابـع ضرمبانـي
ومن وده ان الأسد والنمـر ربـعٍ لـه=والثالث الذيب نعـم الذيـب سرحانـي
وأختم جوابـي بصـلاة علـى النبـي=محمد الهاشـمـي من نسل عدناني




وتقبلوا تحيات بحر

__________________

الاخ بحر يعطيك العافية على القصيدة الشبه نادرة وشعراء الدواسر يتميزون بقوة الشعر وخاصة الحماسي ولاننسى

من شعرائهم الكبار الشاعر الكبير : سعد بن هتيل الدوسري

بيته المشهورة يقول :

مانيب اميرن مير طيب جماعه _ _ _ سيفن لربعي فالمواجيب مسلول

لاقدموني لابتي ظرف ساعه _ _ _ قدمتهم مقدار خمسة عشر حول


رحمة الله عليه وعلى اموات المسلمين

ودي وتقديري

__________________
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="1,black""]
طرفنا ورى تثليث غرب وربعنا = على الطارف الشرقي ورى ديرة الياسي
تغازو بها يوم العدا يرهبونها = على قاطعات البيد من كل عرماسي
[/poem]

لا تحسـب الـدار زينتهـا مبانيـهـا=ترى اصلها يافتـى طيـن وجدرانـي
الـدار مـا تستقـيـم الا باهاليـهـا=ولا لـهـا زيـنــتن الا بسـكـانـي

__________________

ارحب يابو بندر

ولاهنت على إيراد هذة القصيدة الجزلة ورحمه الله على شاعرها رحمه واسعه .

__________________


http://www.qahtaan.com/works/up/get....fmnp1261962149

حياك الله يبو بدر كل عام وأنت بخير ...

__________________

مرحبا يا بو بندر

قصيدة رائعه لشاعر كبير

رحمة الله عليه


لاهنت

الله لا يهينك يا البحر