... مرثية شقيق ...

السلام عليكم ورحمة الله وبركاته

مشاركة تعبر عن نفسها

هذي ثمان سنين حسبه وتحسيب = وانا فتوق جروحي اوساع واكبار
اقول مع طول الليالي يبا يطيب = حالي واشوفه كل يوم ابتحدّار
مرحوم يا راسٍ حوى كامل الطيب = يا الله عسى مثواك جنات وانهار
مثلك فقيده يا عطيب المضاريب = لا شك حكم الله وتصريف الاقدار
ما فالقضا شكٍ ولا فالقدر ريب = ما قدر المولى علينا جرا وصار
ارزاق خلق الله على عالم الغيب = وآجالهم بيده طويلات وقصار
والله خلق كلش بحكمه وترتيب = وعند المصايب من صبر فاز بالكار
ويا خوي من بعدك دموعي سواكيب = وكن الحشا يسهج بحربه وشنكار
وكنّه تخالف به رماح وكلاليب = ويرجف كما رجف الطبل ليلة الزار
ويا خوي من بعدك جروحي معاطيب = والقلب من بعدك تفطّر تفطّار
والجوف تلعب به سموم اللواهيب = ويقطّع عروق المعاليق منشار
بديت في رحلة متاهه وتغريب = وعلى طريق الهم قلب العنا سار
لولا الحيا والله لقنب كما الذيب = واهج بهمومٍ طوتني من الدار
غدت لي همومي ضيوف ومعازيب = انا الضحيه والحزن زند جزار
عليك يا راع الونس والتعاجيب = يا كاسب الجزلات يا واف الاشبار
يا درع جنبي لا تحدو لجانيب = ويا عزوتي حزات زوغات الابصار
خوتك مكسب . والردي خوته عيب = خوتك تاج . وخوته للوفي عار
ما سرت بدروب الردا والعذاريب = ولا اشتكى منّك رفيقٍ ولا جار
ولا كليت اعراضهم بالاكاذيب = وما انته برعديدٍ ولا انته بثرثار
وما انته بنمامٍ يحش العراقيب = ما بين قيل وقال وشهو ووش صار
وبين الجماعه ما تشب المشاهيب = ولاْ شربوا بسبة فعايلك الامرار
وتخضع لشيبانك جناحك بتهذيب = وياالله عسى برك شفيعك عن النار
تخضع الـ/راع الصلب وراع الترابيب = لين انهم رضيوا عنِك سر وجهار
وعسى الله الـ/دعواتهم سمْعْ ويجيب = يدعون لك سر وجهر يا الوفي البار
ما شفت منك إلاّ محبه وترحيب = أخوتك فزعه وحشمه ومقدار
والحال واحد والتكاليف والجيب = والراي واحد عند تقديم الاشوار
انت الاخو اللي يرفع الراس ويثيب = وخطوا لخو يامال قصّاف الاعمار
ما كل ولْد امٍ يصف المشاريب = لخوان فيهم من يجرعك الاكدار
علة زمانٍ ما يعرف المواجيب = ما بين نار تصير باسبابه وغار.
ما انساك لو الزير يدله عن كليب = ودام الحرم ينصاه محرم وزوار
وما دام به رجلٍ تذب المراقيب = وما دام يذكر فيه طرقي وعبّار
وما دام يكتب بالقلم فالمكاتيب = وما غرد القمري على روس الاشجار
وما تغيب عن عيني ولو زولك يغيب = حفرت بافعالك مكانه وتذكار
ارّثت طيب ورحت منا على طيب = ما ارّثت لا درهم ولا ارّثت دينار
والعمر يطوى والليالي تجاريب = والموت يطلبنا كما طالب الثار
الموت واحد لو تعدد لساليب = ما يرحم ضعيّف . ولا هاب جبار
ومن حان وقته كلبشته المقاضيب = ماله مفر. لو نط. لو سار. لو طار.
ويا شيب عيني بعد فرقاك يا شيب = ويا صرم حالي عقب فرقاك يا البار

وسلامتكم

عبدالله بن عايض بن رده الفهري

__________________
[poem font="Simplified Arabic,4,white,bold,normal" bkcolor="chocolate" bkimage="" border="double,thick,chocolate" type=2 line=0 align=center use=ex num="0,black"]
روسٍ خلقها الله الـ/شيل النواميس = وروسٍ خلقها الله الـ/شيل الطواقي
هذي ابعرش المجد مثل القرانيس = وهذي عليها الذل حط العراقي [/poem]

صح الله السااااانك وانا اخوك

يابوبندر

واسال الله العلي العظيم ان يعوضه في حيااااته بالجنه

ويصبر قلوبكم ياالغااااااااالي

__________________

صح لسانك يابويندر ورحمة الله على فقيدكم وجميع اموات المسلمين



تقديري

__________________

احد(ن) فعوله تجمل بني عمه..........واحد(ن) على ربعه شرهه ومنقود

ارررررررررحب يابو عايض


وصح الله لسانك


سبق وأن قرأتها وأستمتعت مرة آخرى بالتواجد والحضور

__________________



ممصمنا المبدع
تركي العلياني
ألف شكر لك

ارررررررررررحب يابو نواف

صح اللسانك على هذه الجزالة

__________________
محمد بن عبيان آل سالم الفهري

ارزاق خلق الله على عالم الغيب = وآجالهم بيده طويلات وقصار
والله خلق كلش بحكمه وترتيب = وعند المصايب من صبر فاز بالكار
ويا خوي من بعدك دموعي سواكيب = وكن الحشا يسهج بحربه وشنكار
وكنّه تخالف به رماح وكلاليب = ويرجف كما رجف الطبل ليلة الزار
ويا خوي من بعدك جروحي معاطيب = والقلب من بعدك تفطّر تفطّار
والجوف تلعب به سموم اللواهيب = ويقطّع عروق المعاليق منشار ------------------------ صح لسانك يابو نواف والله يصبرك يالقرم تحيا تي

__________________

اررررررررررحب يابن عايض والله يتغمد الفقيد بواسع رحمته

وصح لسانك على القصيده ولا هنت ومدد بلا عدد

بيض الله وجهك القصيدة كفو

[

__________________






لسماع قصائد الشاعر : عبدالله بن عايض الفهري
اضغط هنا

صح الله لسانك
مرثيه مكتوبه من مشاعر صادقه

__________________
faisal