شاعر الجزيرة - عسى الله يسمح دربكم يا أهل الدمام

عسى الله يسمح دربكم يا أهل الدمـام
مشيتوا ومعكم واحد مانـوى الروحـه

وانا جيتكم عاني من اقصى مناطق يام
اعيد النظر وأسكن معاكـم بمنفوحـه

وفجأة تغير وضعكم للظـروف احكـام
تركتوا صلاة الفجر الأبواب مفتوحـه

قريب من المنزل مشيتوا على الاقـدام
وجدنا دموع فـي مناديـل ممسوحـه

وصبيت دمعي فوق دمع الـذي قـدام
لأنه مشى معكم وروحي مـع روحـه

وكانت مشاهد لوتوفـق بهـا رسـام
تميز برسم أصدق عبارة على لوحـه

وخلوني ابكي راعي الحـب ماينـلام
وجودي مع وجده ونوحي مع نوحـه

عسى مايسوى في وليفه سواة العـام
ترك في الرياض أكباد وقلوب مجروحه

وشكواي لك يالواحـد العالـي العـلام
على غيرك الشكوى ذليله ومفضوحـه

وكانت مشاهد لوتوفـق بهـا رسـام
تميز برسم أصدق عبارة على لوحـه



صح لسانك يالهامور ولسان الشاعر


لاهنت

اررررررررررررحب يالهامور

الف الف الف الف شكر على النقل المميزوصح اللسان الشاعر الكبير /علي محمد القحطاني

__________________
محمد بن عبيان آل سالم الفهري