@@@ دخول الســــــــــــــــــــــــــــــــاحة @@@

أبـوي من قرص الـزمن من عـادني ورع شـلف
لــي منه و أثقـل كاهلي والـعرض ما سـاواه طـول

وأدري الـطرق إن سيـدت لا بـد مـا حصـل ملـف
لـكن مـاهم المـلف لا صــرت سيــل مـن السيـول

مـن دون مـــوال ولـحــن ولا مـراو يـس وزلـف
(ابـن دبـــاره) من (عنم) يعلن على الساحة دخول

هـــذا أنا يـا سـامعي مـن دون معـروض و مـلـف
والـمعركـة بـــ ختـامهـا لـو سبقهـا قـرع الـطبول

الـجزل عنــدي هــاجسي بــ النـادرة هـــام ولـف
مـن قبـل تصفـق لـي كفوف أحـرك أفكـار الـعقول

وخل الصلف يا هـاجسي لوضاع راعين الـصلف
ومـا جمـع أرجـال السبـق إلا مـراكيض الـخيـول

شعــري ومـده من بحر ما جـاء بطـالبات وسلـف
افرح يـا راعـي ألأولـه ألـسيف جاتـك بـه ذلـــول

(اليــــا) مـا هي لأولـه لـو شفتهـا قبل (الإلف)
وإلـي أهـم مـن الـشعر مـن واحـد حسـن الـقبــول

مـن حبــه حببـه فـي النــاس مـا فيهــــــــا كـلـف
والله يـجعـل لــي مـع منهــم تـحبــونـه مـيـــــول

مأني بحالف عـ الشعر لو كان غيري قـد حـلـف
غيـري يقـوله مـن قبـل يـطـري علـى بالـي أقـول

أهم السـلـف وحنـا علـى درب الـنقى خير الخـلـف
وهـذي الليـالـي يا بشـر تـدور و الـمشـراف دول

وبـن دبـاره عـنهـم مـا فـيــه شـي مـخـتــلف
لـكـن لـه شعـر يـقـول الـحـق وذراع يـطــــــول