[poem=font="Simplified Arabic,4,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يابدر بلغ سلامي مع تحياتي = للشيخ ابن ختله اللي قام وانهاها
عزالله انه كسب كامل قناعاتي = ودك على نهجه الشبان ممشاها
ساعة نصيناه في وقت المعاناتي = ما قال كيف ولماذا ويش فحواها
قال ابشروا يامطير وحلها ياتي = وبالفعل قام السنافي ثم سواها
شيخٍ ولد شيخ ويحل الصعيباتي = المعضله لاستحالت عنده دواها
تقضى على يديه للعربان حاجاتي = يودع جموع وجموع يتحراها
في صدر بيته وسيعات المضيفاتي = وقولة هلا في جبينه يشرق ضياها
يوم ان غيره يباهي للدعاياتي = ولاستعصت المشكله روح وخلاها
الخنفري نعم به في كل الاوقاتي = تهون شم الدعاوي لاتولاها
لو انها اثقل من جبال السراواتي = عنده بسيطه وهوماته تعداها
يقدح من الراس رايه طيب الذاتي = والاذن لاهل الحكي ما عمرها اصغاها
ولا يدرج العذر من ضمن الخياراتي = مولم الطيب والقالات ينصاها
فوق الثريا مع نجوم المجراتي = له سيرةٍ في سفوح المجد مرساها
الطيب يفخر بمثله فالمهماتي = وقحطان تفخر من ادناها اليا اقصاها
شامخ كما تشمخ طوال المناراتي = ومشوهقات المراجل عزم عداها
رام الشكاله ولا هاب المسافاتي = رجله على درب ابوه وجده احفاها
تصغر اليا قاموا كبار المطماتي = رجالهم يدرك الحاجه اليا جاها
فالحرب فريس يقدون المغيراتي = وان عودت منكفه يثنون فتلاها
وفالسلم مجلاسهم صدر المنصاتي = شيوخ قول وفعل والمدح يزهاها
ابطال عصر الاشده والمساماتي = من لابةٍ فالشدائد ترعب اعداها
من رؤس قحطان والامجاد زافاتي = قبيلةٍ شامخه والكل يخشاها
اهل الشيم والكرم واهل المرواتي = ونفوسهم طيبه من طيب مبداها
والله لو فيه نمقت العباراتي = ومن الذهب والزمرد شعر ننقاها
عن ما في صدري حشا ما تكفي ابياتي = لكن عبرت والمعذار يبراها[/poem]

لاهنت بداية رائعة

__________________

يستاهل عبدالرحمن بن ختله

وآل ختله اسرة معروفة ويستاهلون المدح
وفزعاتهم مشهوره ومعروفه
وعلومهم دائماً ترفع الرأس


شكرا لك ياصقر المطيري

__________________
مجموعة من صوري





مدونتي

ارحب ياصقر المطيري

الله يحييك في مجالس قحطان


وصح الله لسانك ولسان الشاعر

وابن ختله يستاهل المدح


لاهنت وتقبل التحيه

لاهنت ياصقــــــــــــــــــــر ومشكـــــــــــــــــــــــــــــور وتقبل مروري

__________________
ابو نواف ابن جريب

أخوي صقر بيض الله وجهك ووجه إبن عمك الهجله

وشهادة لله قبل البشر أن هذه القصيده في محلها وأن أخوي عبد الرحمن أبو تركي مهما كتب فيه من القصيد

لن نوفيه حقه على مايقوم به من العلوم الغانمه والمرجله وإكرام الضيف والفزعة للفقير والمحتاج والبيت المفتوح

وألف والله نعم في أبو تركي وفيك وأرحب فيك أجمل ترحيب وأشكرك وأشكر إبن عمك الهجله على قصيدته

التي في محلها وليس بغريب عليكم ياحمران النواظر رد الثناء في الثناء والمعروف بين الرجال سلف ...

__________________

مرحبا ترليون ياصقر المطيري

الله يحييك في مجالس قحطان

وصح الله لسانك ولسان الشاعر

وابن ختله يستاهل المدح ..

__________________

أخوي صقر بيض الله وجهك ووجه إبن عمك الهجله

وشهادة لله قبل البشر أن هذه القصيده في محلها وأن أخوي عبد الرحمن أبو تركي مهما كتب فيه من القصيد

لن نوفيه حقه على مايقوم به من العلوم الغانمه والمرجله وإكرام الضيف والفزعة للفقير والمحتاج والبيت المفتوح

وألف والله نعم في أبو تركي وفيك وأرحب فيك أجمل ترحيب وأشكرك وأشكر إبن عمك الهجله على قصيدته

__________________

ياهل ومرحبا ياصقر المطيري انشهد انه اسم على مسماء

الله يحييك في مجالس خوالي قحطان


وصح الله لسانك ولسان الشاعر وابن ختله يستاهل المدح

وشهود الله في ارضه

رفعت راسي ياصعوط المجانين ++ في ماقفاً يحسب كلام الرجالي

لي اشرف انني انتسب لكم

ولك مني اجمل تحيه