[[أشيل من الأيام وأحط وأشيــــل ]]

بسم الله الرحمن الرحيم

هذه إحدى قصائدي أمل أن تنال إعجابكم ....


[poem=font="Simplified Arabic,6,blue,normal,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
أشيل من الأيام وأحط وأشيــــل =وأشيل ماشالت ظهور الجمالــــي
لي هقوة (ن) أصعد بها الجدي وسهيل =ولي موقف (ن) يطلق وجيه الرجالي
الحمل قاسي والليالي محاميل =وسود الليالي فرقت كل غالي
ماللوفاء بين الثعالب مقاييل =النيس والهرباج وأم الحلالي
وأن قصرت عن رؤوس بعض الحلاحيل=زحول الرجال معربين الخوالي
هل وقفة (ن) تشفي قلوب المغاليل =حصن (ن) حصين والمواقف جزالي
ولاتسند علومك على فاتر الحيل =لأنذال تقصر عن فعول الرجالي
لأنذال تنقل حكي وتحط وتكيل =أهل الحسد في خبثها ماتبالي
الله يطهر لأرض من شلة الفيل =أهل النفاق مفرقين الحلالي
اللي لهم في الشر منزال ومحيل=معقدة صفو البشر بالهوالي
وعلى رسول الحق سجدة وتهليل =شفيعنا يوم الحشر والزوالي[/poem]

__________________

ابو فيصل

ابيض وجه وصح لسانك

__________________

أجمل شي في ألانسان قلب صافي يدعو لك

صح لسانك واعتلا شانك ياابوفيصل

قصيده معبره وفي محلها من الاعراب

دائما مميز وطرحك جميل

لاهنت ويسلم راسك

وتقبل من بحر كل الود

__________________

ابداااااااااااااااااااااااااع يبوفيصل


سجل اعجااااااااااااااابي

ومروري

__________________
][®][^][®][ماعاش راس صدم له راس قحطاني===========في حاضر الوقت ولاسابق المده][®][^][®][

صح لسانك يالذيب

واسمح لي عندي ملحوظة على الشطر الاول من البيت الأخير


وعلى رسـول الحـق سجـدة وتهليـل

شفيعنـا يـوم الحـشـر والـزوالـي

السجده والتهليل لله وحده إلا إذا كان هناك معنى يعنيه شاعرنا ومشرفنا الغالي فآمل ايضاحه نور الله قلبك وشرح

صدرك ومنك نستفيد

__________________

إطلاله مانعدمها يبو ريان الله يبيض وجهك ...

__________________

الجميل والجميل مرورك الجزل يبو بندر الذي أعتبره وساما على صدري

وتصفحك لقصيدتي وإشادتك بما أكتب وأنت من شجعني على الشعر وأنا

لست بشاعر بيض الله وجهك .....

__________________

حضورك هنا وردك وسام ....

بيض الله وجهك ....

__________________

شكرا لك وشكرا لحضورك هنا وأتشرف بملاحظة من أخي الصادق

المناضل السليماني في الحق بيض الله وجهك ...

الكلام هنا في مساقه ضمني فالطاعه لله وحده ولكن دخلت هذه الكلمه

بمثابة كأنك تصلي على رسول الله وليس له ....

ولكن المضمون والنيه لله وحده لاشريك له ......

بيض الله وجهك على الملاحظه مع أملي أنه زال اللبس ....

__________________

ارحب يابو فيصل

قصيده ورساله توضح العلم الغانم ياراعيه

ولاشك ان المواجيب تتعب الرجال يابو فيصل وانت والله تتعب لها

وفعل يمناك الكريمه يمضيك ------------------ان عدوا اهل الطيب فسمك طرالي

ماهي غريبه والكرم خصلةً فيك -------------- فترا الكرم ذخراً لسود اليالي

تحيات خوك يابو فيصل

__________________
ربنا اتناء في الدنياء حسنه وفي الآخرةِ حسنه وقنا عذاب النار
<<<<<<<<<<<<<<>>>>>>>>>>>>>>>>>
يارب قدم اليك عبدا نحبه ويحبنا فاوسع مدخله واكرم نزله اللهم ارحم عبدالله بن عبدالعزيز

اللهم يارب العالمين
ان تحقظ لنا ولات امرنا
وان تمد ملكنا سلمان الحزم بالنصر والظفر
اللهم ان تقوي عزائم المحمدين على طاعتك
وسلطهم على كل فاسق ومنافق واصلح بطانتهم