الفزعة ياعيال الشايب

السلام عليكم ورحمة الله وبركاته

هذي امانه حملني إياها احد زملائي من قبيلة البهشة بللحمر ووجب علي إيصالها الى محزمي وعصابة راسي قحطان.

وهي عباره عن قصيده للشاعر عبدالرحيم محمد البهيشي الاحمري
ينخى ال سعود وكافة شعب اللملكه بالتدخل في قضية قصاص الشيخ سعيد بن لافي البهيشي شيخ البهشه بللحمر

ويعتذر الشاعر اشد الاعتذار عن الامراء و الشيوخ والقبايل اللتي لم ترد اسمائهم ليس بقصور فيهم ولكن لم يلهمه الحظ وهم معنيون بالقصيده كما الشيوخ والقبايل اللي ذكر

ووينخاهم جميع المذكور وغير المذكور فكلهم اصحاب مواقف وشيم من شيم العرب







[poem=font="Simplified Arabic,4,blue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
ياربنـا يالواحـد المطلـوب رب العالمـيـن=بيديـك حـل المعظـلات دقاقهـا وجلالـهـا
ياكاشف الكربه وياجالـي همـوم المكربيـن=يوم ادلهمت واستـدارت ثـم هبتنـا قبالهـا
تجرت الدنيا علينا مـن يسـار ومـن يميـن=والنفس ضاقت من حمول في ظهور جمالهـا
وش حيلة الي يحتري موته وهو باقي سجين=احدى عشر عام وهـو يمكـث ورى زرفالهـا
يهل شيبـه والبـلاوي تستفـزه كـل حيـن=احيـان تلقالـه وبعـض احيـان مايلقالهـا
يصك بالكفيـن فـي زنزانـة مالهـا سكيـن=الا الهموم الي خـذت فـي خاطـره مدهالهـا
يذكر صغير مامضى من سيرته كـود اسنتيـن=ويذكر محاذيـف البـلا لا حتمـت بوصالهـا
لامن طلع في ساحة والقيـد فعظـام اليديـن=والموت يمشي تو عينه في عظيـم اهوالهـا
العون ياهل العون كل العون من كف العويـن=حكامنا الي كـل الامـه فـي كنـاف ظلالهـا
ياسيـدي ياخـادم البيتيـن بالحـق المبيـن=يلي طويل النايفـات تتـوق فـوق اطلالهـا
ياسيدي صقـر العروبـه ياامـام المسلميـن=ياحاكـم الدولـه تـديـر امورهاوحوالـهـا
انت المليك ابن المليك ابن الملـوك العادليـن=الشجره الي مـن حـرارة شمسنـا نلجالهـا
ياراعي الجاه العظيـم الـي يجيـر الخايفيـن=النـاس مماصابهـا صوبـك تشـد رحالهـا
وياسيدي سلطان يامهجي نفـوس الجايعيـن=ياراعـي الكـف النديـه تنعـرف بافعالـهـا
ياسيد سادات الكرم مالـك شبيـه ولا وزيـن=معروف سلطان الكرم داخل نفـوس اجيالهـا
قالوا ان حاتم واحدي واقـول حاتـم حاتميـن=ولاشك سلطان الكرم يرجـح علـى معدالهـا
دايم وفزعاتـك سريعـه فالمواقـف ماتليـن=تعتق رقاب من سيـوف فـي يـدي سلالهـا
وياسيدي سلمان واسمك يحمل المعنى المتيـن=سلمـان ميـزان العدالـه مابخـس مكيالهـا
كم مرة تعتق سجين وتمسح دمـوع الحزيـن=كـم حرمـة منعتهـا مارمـلـت باطفالـهـا
وجه وجاه وطيب فال وهرجكـم در(ن)ثميـن=وعنـد الفجيعـه ترتكـي لخفافهـا وثقالهـا
وياسيدي فيصل ولد خالد ولـد ذرب اليميـن=اميرنـا حليمنـا كــل الحمـايـد نالـهـا
وجهك وجاهك يالامير الي مع الفزعـه تبيـن=وتجيـر مـن دارت عليـه الدايـره بحبالهـا
فزعاتكـم يـال السعـود العادليـن الطيبيـن=بالوجه والجـاه العظيـم الـي يفـك اقفالهـا
من يستجيـر بظلكـم يلقالـه ظـلال وكنيـن=ومن يستعين بعونكم يبشـر بزيـن اعمالهـا
ومن بعدكم يال السعود انخا هل الهرج السمين=انخا شيـوخ المملكـه وواجاههـا وعقالهـا
انخاك يابو ساق ياشيخ القيـوف الصامديـن=ماخاب من جاه الوزى في يـام لـى نادالهـا
انخاك يابن دليـم تكفـى ياوريـث العامريـن=شيخ قحطان الي علـوم المرجلـه تسمالهـا
وانخا بن ربيعان وابن حميد والمنصى متيـن=شيوخ قومن ما يخيـب الـي طلـب مدقالهـا
وانخاك يابن مشيط والداعي يجيب الرد زيـن=ياشيخ شهـران العريضـه والمعـزي جالهـا
وانخا بن مفرح عسير والعسبلي وابـو ثنيـن=والمتحمي وابن الدويش اشفق على ميصالهـا
وانخا الشريف اليا حضر بالوجه والجاه المكين=وانخاك ياراكان بـن حثليـن مثلـك شالهـا
سعيد بن لافـي نخاكـم يالشيـوخ العارفيـن=دارت عليـه الدايـره ولالـهـا الا رجالـهـا
من خلف قضبان الحديد يحاكي العقل الفطيـن=تكفون ياصحاب الوجيه الي زبن مـن جالهـا
تخرصت الانظـار فينـا وابتلتنـا كـل عيـن=وسود الليالـي درهمـت بيمينهـا وشمالهـا
بالوجه والجاه افزعيلـي يانفـوس الخيريـن=والله يطيـب فالهـا والله يجـمـل حالـهـا
وفي النهايـه ياصـلاة الله لخيـر الشافعيـن=يوم القيامه لا استـوت بسهولهـا واجبالهـا [/poem]


وارجو من الادارة الموقرة حذف اي ردود يخالف المقصود من الموضوع لان الموضوع نريد به الخير وايصال الامانه.

الفزعة الفزعة تكفون ياعصابة راسي