مساجله بين ( بن لمدان وبن شايق )

[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
((((((((((((((( مساجله بين عملاق الشعر ناصر بن لمدان والشاعر الكبير محمد بن شايق ))))))))))


الرفقه اللي ماتعمر على ساس = الصبح لاجات الهبوب اتهدمها
لامرظي(ن)نفسي فدوررظى الناس = اللي يرفرف لزرايا علمها
أقايس الدنيا على كل مقياس = أمور تحسم لي ومور احسمها
واليوم وظع الناس لناس حساس = كل(ن) يدور فرصة(ن)يغتنمها
آسف لاكن وظع العرب يخلف الراس = اللي على لاشي تحفي قدمها
وش كلف الرجال بهنود مدراس = لاقوت راعيها ولا ارعى غنمها
السوق يدخل مثله ارباع وسداس = يجلب معاياها ويفطم بهمها
الله عطاك الفاس ياطابخ الفاس = اللقمه اللي ماطعمنا طعمها
أرحل ويرحل عني الهم والباس = وآفارق أعجاف السنين ؤوهمها
يمولع الفتنه على كل مقباس = يامبتلي بعض الحروف أبقلمها
أعآيسك لاشك مثلك ماينعاس = مصر العزيزه عزها من هرمها
يقفي رفيقك منك ياقاطع الياس = وتّكسر اعظامه وتاكل لحمها
وزود(ن)على شذب العراقيب بلاس = وتشب نيران الحسد من فحمها
دامك مليت الكاس فشرب من الكاس = الحيه أم اجنيب سمك نسمها
في رفقتك ماني بطارش وعساس = رجلي عن القاع الطمان آعصمها
يمناي ما عاشت على فّلس وفّلاس = منشد عن الهامل ولامن وسمها
أمجمع الخبلان في شارع انكاس = ولاالنشاما جعلني ما عدمها
خذلك على درب المعاويد مرواس = تزرع صباخيها وتجني سلمها
واجعل على باب الصحيحين حراس = وآقيد اشهود الحكي وآخطمها
قاع البحر مادنسه طبع لنجاس = طبع المنافق ظحكة(ن) يبتسمها
لك كلمة(ن)محصورة(ن)بين لقوآس = أربع حروف وكل شاعر فهمها
ماني بداني هرجة (ن) مالها راس = ينبيك عن تمر المخارف عجمها
للجيش ركابه وللخيل سواس = وللمعركه رمح(ن) يخاشر سهمها
والرفقه اللي ماتعمر على ساس = قظية(ن) وابغا بن شايق حكمها

>>>>>>>>>>>>>>>>>>>>>>>>>>>>>>>>>>>>>>>>>>>>>>>>>> >>>>>>>>>


((((((((((((((((((((((((((( وهذا رد محمد بن شايق )))))))))))))))))))))))))))))







ناصر غدا به تالي الوقت هوجـاس=بين همومه في بيـوت (ن) نظمهـا
ياناصـر الدنيـا غرابيـل واتعـاس=والرفقه اللي مثل ذي مـا اهضمهـا
والطبخه اللي تنحمس وسط محماس=ماتنكتـب لـك كـان مالله قسمهـا
اضنك اغتريت في شكـل الألبـاس=والناس يعرف طبعهـا مـن قيمهـا
ترا الطيور اشباه في شكل الأقواس=واليا اشتبهت بها تحقـق وسمهـا
لاتنخـدع فالبـاز تحسبـه قرنـاس=محد (ن) بماشي خطت (ن) مارسمها
رافق هل الشيمه ترا العرق دسـاس=اهل الفعول البيـض منـذو قدمهـا
اللي مراجلهـم جـداد (ن) ودراس=واهل المراجل تقتبس مـن كرمهـا
من رافق اهل الهون يرجع بالأفلاس=اللي علـى الدنيـا تضيـع شيمهـا
الله خلق للآدمـي فكـر واحسـاس=والعقل يحسب نعمة (ن) من نعمهـا
الوقت فيه شكوك والعالـم اجنـاس=لانــي مبريـهـا ولا متهـمـهـا
وش صار بين الزير سالم وجساس=الناس تتحسب علـى مـن ظلمهـا
اللي على شذب العراقيـب لسـاس=لاماتـت الفتنـه بضـوه شعمـهـا
معاد لك في ديرة الهـون مجـلاس=ترا ديـار الوخـم يوخـم وخمهـا
هاجر ديار الذل وابعـد بالأرمـاس=لفجوج نجـد اللـي تلقيـك فمهـا
وترا العرب عاشو على كتم الأنفاس=كم واحد (ن) عنده قضيـة كتمهـا
قضية (ن) فيها رعى الفكر ينحـاس=لانيـب قاضيـهـا ولا مستلمـهـا[/poem]

ماشاء الله عليك يا نايف بيض الله وجهك ويعطيك العافية

ارحب يانايف صح السان الشاعر بن لمدان وبن شايق

سلمت ودمت ع النقل المميز تحياتي

__________________

الله الله ..

ومحمد وبن لمدان والله لبداع ..

قصايد جزله من جزآل ..

جعل يمنآك ماتعطب يا القرم ..

صح الله السان الناقل والقايل مدد بلا عدد ..

تقبل مروري نفداك ..

__________________

بيض الله وجهك يا السمي


لاهنت

__________________
غنيت ما قصدي طرب في حياتي لاشك من دورات الايام غنيت
يالله ياللي تعلم الخافيـــــــــاتي انك تمشـيها على ما تمنيت

الله لايهينك ومشكوور

البقى يابوفراج وصح بدنك مرورك عطر متصفحي

ارحب يافلاح وصح بدنك شرفتني بمرورك الجزل

ووجهك ابيض ويعطيك العافيه مشكور

اخي نايف مشكور على القصايد الجزلة
وفقك الله

__________________