[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
يفرج الله لذكرته كل هم وكل كيدي=وابتدي باسم الله الرحمن واسجد وانحني له
واذكره واعوذبه من كل شيطان مريدي=يرتجي عون القوي عبد ضعيف قل حيله
ماتهنا في الحياه وعاش في الدنيا زهيدي=القصايد راس ماله والقدر كف يشيله
يابنات الفكر وش باقي ماقلته في قصيدي=ذكريني لانسيت وهاجس الشاعر دليله
أطوي الصفحه وراجعها وهقواتي بعيدي=واحسب حساب العواقب والمسافات الطويله
وانت ياهاجوس شعري عبدي الطايع وسيدي=ياونيس السامر اللي كل براق يخيله
تطوي سنين العمر والموت في حبل الوريدي=سنةالخالق بخلقه ما من المكتوب حيله
أتسأل وش بقالي من حياتي وش رصيدي= واعتراف النفس بالحق الصحيح اسمى فضيله
أدري ان اخر مطاف اعيش في قبري وحيدي =لاجليس ولاونيس ولاخوان ولاقبيله
مابقا غير العمل والله له عقاب شديدي=واترجا واسع الرحمه عسى همي يزيله
يهدي الله من يشاء والله يفعل مايريدي=يالله ثبت عبدك اللي مامعه حيل وحيله
لي سئل في القبر والسائل عصاته من حديدي=منهو ربك من نبيك ويش دين تنتمي له
يالله وسع قبري الضيق يارزاق العبيدي=مايخاب العبدلاوالله مادام انك وكيله
ياعظيم العرش مامن ظل في يوم الوعيدي= سعد من يغنم بعفو الله ورحمته الظليله
شيب الطفل الرضيع ويذهل العقل الرشيدي=في نهار ماطوله ماله مدى يابعد ليله
والعباد حفاه متعرين والله الشهيدي=ولابي حسابه دقيق بالعدل مافيه ميله
من خذا بيمينه كتابه فذا حظه سعيدي=ومن خذا بشماله كتابه تعيس الحظ ويله
كل يلقامايقدم لانقص ولايزيدي=وتفتح ابواب الجنان وتسأل النار الكليله
هل ملئتي ياجهنم قالت لاهل من مزيدي=هاويه من طاح فيها ياعبادالله حليله
مات من عمره قصير ومات من عمره مديدي=ويل من ضيع حياته والعمر ما ينثني له
بعد مانحيا نموت ونبعث بخلق جديدي=والبقى للي على عرشه ملائكته تشيله[/poem]