~*¤®§][§][(الحوار الساخن وطائرت الاوكس صوت وصدى)][§][§®¤*~ˆ

السلام عليكم ورحمة الله وبركاته

المقدمه والموضوع كامل للشاعر /السنعوسي والقصيده رقم (1)
القصيده رقم (2)لمحمد العاطفي

وامنيتي ان ترقى هذه المشاركه لذائقتكم وان ينفع الله بها

الصوره رقم (((( 1 ))))[

[]هذا ماذا تتوقعون ان يكون 00 ولد ام بنت مع التركيز على الحواجب والكفين والاظافر


الصوره رقم (((( 2 ))))


وهل تصدقون ان هذه الصورة لفتى مع امنيتي ان يضيف الصورة احد الاخوان الاداريين ويحذف الرابط ان كان يستطيع ذلك لكوني حاولت اضافة الصوره فقط ولم استطع ولذلك وضعت الرابط


الصوره الثانيه ومع الاسف الشديد هي لاحد ابناء الخليج بعد ان تم القبض عليه في احد مدننا الخليجيه كما تلاحظون الدورية من خلفه

حسبنا الله ونعم الوكيل

هذا الانحطاط والشذوذ في شبابنا من المسئول عنه

الحقيقه انا لاالوم هائولا الشباب انفسهم بقدر ماالوم ذويهم وابائهم بالذات

اين هم عن هذه التصرفات التي يرون ابنائهم فيها

اين متابعتهم لهم

هل يعقل ان الابن يخرج من امام والده بهذا الشكل خصوصا في الصورة الثانيه ولايحرك والده ساكن

والادهى والامر مانسمع عنه بالايام الاخيره من انتشار ظاهرة القبابيع وما ترمز اليه لدى الشباب بكل الوانها وخاصة القبابيع الحمر اعاذنا الله

بالاضافة الى اللبس المخصر

حسبنا الله ونعم الوكيل




[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياهيه يالبّاس قبعه بالالوان=ترمز لسيلٍ ماعرفنا مغنه
يامن لكم درب الخنا صار نيشان=جاكم بلا شحذه ولازود منّه
مليان مثلك بالدرى دوم مليان=وكم واحدٍ يالهيس بك خاب ضنه
هو ليه لدروب الردى صرت عطشان=تختار نارٍ موقده دون جنه
لبسك مخصّر والشعر فوق الامتان=حمرٍ خدودك والكدر ماشكنه
تشبه بزولك ميل عوده والاغصان=حتى بهرجك صار مليون كنه
من بعد ماجدك يسمى بليهان=اقفيت عن عرفٍ وفرضٍ وسنّه
يابايعٍ للمرجله دوم غلطان=يابايعٍ للدين ماسال عنّه
يامخطيٍ في مشيتك كل عنون=عذاب ربي نال انسه وجنه
لو انفتح لي صوب شرواك بيبان=مالوم انا مثلك ولااصد عنّه
الوم ابوك وكل حيك والاخوان=دام الحكم يلغيه باللعب صنّه
وينه عن اللي لعوج الدرب شفقان=وينه عن اللي باع عمره وسنه
وينه عن اللي بين مطرب وفنان=ليله قضى مابين طبله ودنه
وينه عن اللي بين صاحي وسكران=امسى يلاعب بالمواويل شنه
وينه عن اللي صار صبحه مسيان=والليل مثل الصبح يطرب لفنه
وينه عن اللي ماتدارى ولاصان=ذكرٍ لشيبانه بهيله وبنه
وينه عن الغادي عن الدرب يافلان=ابوه وينه مادرى العيب عنّه
ياجعل ابو شرواه يمسي بالاكفان=عاجل ولاهو اجلٍ يازننه
وان عاش حي وسار من بين الاوطان=جعل العكايز دوم هن ينقلنه
مشلول واعمى ماتقديه الاعيان=اطرم ولايسمع لمن يندبنه
مدام من صلبه لفى اليوم شيطان=ياجعل شيطانه يدمر مغنّه[/poem]

السنعوســــــــــــي

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

ليله خميس وسهرتي والوعد حان =في كهف ليلٍ فيه زنه وحنه
سهرة طرب لا لا علا عالي الشان=لاعود لا مرواس لا قوس شنه
انا غريب وغير انسان ونسان = انا فتى الحاضر وشايب نسنه
نسنه سهوم المنايا الى الآن=وسنه قبل ميلاد عيسى لانه!
من عالمٍ ثاني له اشكال والوان = لاوى العصور الغابرات ولونه
بروي حكايه قصتة كان ماكان=آسف نسيت استاذنه زعل كنه!
كنك زعلت ولا انبسط ونت زعلان ؟=ينطق يتمتم تي وتي زعلنه
اها وها هي هي اهاها يامرجان =سُهى ونهى من غيهن مرجنه
حنا اربعه فى المآد من لانس والجان=لجنة حوار العقل لنسه وجنه
وكرسي سباء عندي وخاتم سليمان= سُهى و نهى بيدينهن سلمنه
أخذته بحكمه وحجه وبرهان = فلجت ابوهم والبنات ارهننه
لست بنبي ولست ساحر وكهان=ولا نافثات في العقد كهننه
الفضل لله واحمد المعطي المآن=ولاقبل من اي انسان فضلٍ ومنه
قُب المهار تعسف بسرج وعنان= وانا لها لا لافخن بل الاعنه
اطوع الصعبه وتخدم وانا حصان =لامن صهل بين الرمك يعرفنه
أرجع لمحور سالفتنا والاوطان =الله يحش اقدام ناسٍ وطنه
مرجان اشوف الوضع مزري وخربان=وايدي الحسد بدرانها خربنه
طيب لو نحث الركايب والاضعان=مسير عام الحمل ماوضعنه
مانستفيد ونكشف الخاين ان خان=ولا نعرف الي فيه هنه وخنه
وش رايك بطياره تحدد الجان= من طائرات أوكس تكشف مغنه
ردارها يفتر والكبتن اركان=برتبة فريق اول وونقه يقنه
ولجنه تقصى للحقايق وشيخان=شيخان قوم ودين عرفٍ وسنه
تقلع من طريف لجنوبي نجران =ومن جده لشرق الخُبر يمسحنه
تمسح ربوع المملكه دون نقصان=شبر شبر بر وبحر جات منه
وتهبط على ارض العاصمه بمن وامان=واستقبل اللجنه بفنجال بنه
وحجز جناح بشيرتون جوك ضيفان=مدة ثلاث ايام بليا لهنه
ونحر جمل واربع ذبايح من الضان=ولا تسئل الضيفان قدر ومحُنَه
وكُرم لحاهم هذي سلوم قحطان=عند الخوي والضيف والجار فنه
فن الكريم الله ومده لكرمان =واعطى القبايل والقبايل خذنه
كان الشجاع مجارفن السخي معان=الله وفزعات الكرم عاوننه
والطيب قسمه بين حضرٍ و بدوان= وابنا الحمايل حضها يقسمنه
والحين يامرجان تو الخبر بان=اللجنه وتقريرها بيننه
مصايب ونكبات وحقاد وضغان=وكذب وحسد ورماح غدرٍ مطنه
حتى الحسد والكره من بين الاخوان =كثر الفساد وشق نابه وسنه
ياكثر قال وقيل لفلان وفلان=وحشة عراقيب المقفى مصنه
يا مصدق النمام لاجاك غلطان= بيروح للثاني بعلمك يقنه ِ
قدره ومثله ربع نضره وسفهان=هذا ضعِيف والعجايز ربنه
لو رخمه مايحتمل هرجة لسان=اقلق بحكيه عالم مرجهنه
ياكل لحوم الناس ضلمٍ وبهتان= عسى اليالى بالطرم يبهتنه
للباطل انصاره وللحق ميزان=وترجح كفوف الحق لا وازننه
وللشر اعوانه وللخير اعوان=وتقصر يدين الشر لو ساعدنه
هذي بلاوي من قديمات الازمان = واليوم جا جيلٍ بفكره وطنه
معا معا الموضه ولو وسط بركان=عقل أمعه لو ونونو جر ونه
جيلٍ يقلد صِيع الغرب فسقان=لادين لا شيمه عرب يردعنه
مايعرف اليورو خسف بالمريكان=ولا يعرف اليابان يارخص ينه
تقليدهم قمة تخلف وحقران=قدر العرب سود الوجيه أ نقصنه
ومثل الحمام الي يباريه غربان=تبغى تقلد مشيها ماعرفنه
وضاع التطبع والطبع خرب مازان=وصارت تناقز والمشي ضيعنه
قال التطور في (هلو)و(ايام مان)=قالت (ايام قيرل وولكم )بغنه
والشعر (فرزآتشي)و(وكاريه)نسوان=قصه مصاخه والحجاج أنمصنه
ولا لبس أسواره وجنز فتان=والبنت( برمودا وبدي)قصرنه
وسلامهم (هاي) ونسو خمس الاركان=وداعهم (باي)بغنج ينطقنه
(الباي) اسم راهب وقسيس وش كان = وتقليد الاعمى ينصح العقل عنه
تشبهو في بعض اناثي وذكران=بالشكشكه والولف زوكه ودنه
عليهم اللعنه وشرمان درمان=وهواشهم يبدى بدقه ورنه
اسباب ضعف العقل فى ضعوف الايمان=تبغى التقدم والرقي خالفنه
هيضني السنعوسي بزين الا لحان=وصوتي صدى صوته وذوقه وفنه
استغفر الله والسفر شعشع وبان=حتى النجوم الساريه صافحنه
وفرع عمود الصبح ساهر وحيران=بين القلم والطرس من آن لنه
والصاحب الي صار شعله ودخان=سبع الاراضي شربته وبلعنه[/poem]

آسف على الاطاله000

تحياتي

محمد العاطفي

__________________
قلت انا عضم النحر راس البعير ***من بني قحطان بن هود ومجار

صححححححح الله لسانك يالعاطفي

أشهد ان به قصيده تستحق الإشاده بها
كل بيت يسوى قصيده
الصراحه اني قريتها ثلاث مرات والرابعه بالطريق

مقدر أقول الاّ صح لسانك ولا تحرمنا من قصايدك الجزله

ملحوظه:

أخوي محمد ما أشوف لا صور ولا رابط ؟؟


وتقبل كل الشكر والتقدير

أخوك فارس الشواطي

__________________

وكُرم لحاهم هـذي سلـوم قحطـان =عند الخوي والضيـف والجـار فنـه
فـن الكريـم الله ومـده لكـرمـان= واعطـى القبايـل والقبايـل خـذنـه
كان الشجاع مجارفن السخـي معـان =الله وفـزعـات الـكـرم عاونـنـه
والطيب قسمه بين حضـرٍ و بـدوان =وابنـا الحمايـل حضهـا يقسمـنـه
موضوع جميل
سامحني ماكتبتلك عن مشاعري حول الموضوع ولكن اكيد جياشه

ياااااااااااااااااااااااااااااااااااااااااعااااااا اااااااااااااااااااااااطفي انت شااااااااااعر من الطراز النادر وانت تتعتبر من الشعراء المفضلين لدي بدون مجامله

انامتااابع لجديدك ياسليماني

فارس الشواطي

مرحبابك يافارس وحياك ربي ياولد الشايب

لاهنت طال عمرك مرورك وردك على المشاركه يشرفني

صح بدنك

تقبل

تحياتي

__________________
قلت انا عضم النحر راس البعير ***من بني قحطان بن هود ومجار

__________________
الحمد لله رب العالمين

عاشق الوطن هلا وغلا

حياك ربي ومرحبابك ولاهنت

موفق

__________________
قلت انا عضم النحر راس البعير ***من بني قحطان بن هود ومجار

مشكوووووووووور على القيده وصح السانك وصح الساااااان الجميع.

وننتضر منك المزيد اخووووووووي العاااااااطفي.

اخووووووووووووووووكم/ كحيلان

ابن عاصم

ارحب وهلا وغلا

لاهنت

حياك ربي من طيبك لاعدمتك



تحياتي

__________________
قلت انا عضم النحر راس البعير ***من بني قحطان بن هود ومجار

صححححححح الله لسانك يالعاطفي

أشهد ان به قصيده تستحق الإشاده بها
كل بيت يسوى قصيده


صوت وصدي جميل جدا جدا جدا

مقدر أقول الاّ صح لسانك ولا تحرمنا من قصايدك الجزله




وتقبل كل الشكر والتقدير

__________________