[frame="2 80"]

السلام عليكم ورحمةالله وبركاته
ارحب بكم جميع
ارسل شاعر القلطه والنظم المعروف
قصيده

ذيب بن سعيد ال كناد العبيدي

الى

الشيخ
محمد بن مرعي بن هادي ال دواس العبدي الحبابي
حفيد الشيخ / فرحان بن شايع ال العبد الحباب

قصيدة
ذيب بن سعيد ال كناد العبيدي

[poem=font="Simplified Arabic,4,black,bold,normal" bkcolor="transparent" bkimage="backgrounds/17.gif" border="none,medium,gray" type=4 line=0 align=center use=ex num="0,black"]

والنعم ياجار السعد يابن دواس = انا اشهد انك من من خيار الرجاجيل
محمد ولد مرعي مقامه على ساس = من روس قوم في المواقف مشاكيل
تاريخهم يذكر ويشكر مع الناس = وامجادهم عدت على الجدي وسهيل
عود يحل العقد في حزة الياس = ومجالس بيوته لربعه مداهيل
ولجاره وعانيه ولطيب الناس= دايم مراد للرجال الحلاحيل
ساس الكرم ضيفه لو الحال حساس = يقلط على الخرفانوالعود والهيل
ولايشتكي جاره هموم ولا اتعاس = لو حمله وقته حزون وغرابيل
هو عزوة اللي ظامه الوقت وانحاس = له فزعة تشفي القلوب المغاليل
وانجب اسود ذكرهم يرفع الراس = وقفاتهم في النايبه تعدل الميل
ورث لهم في قمة المجد مجلاس = ومتوارثين الطيب جيل بعد جيل
عسى قصور العز تسلم من الباس = ذخر السنين الماضيه والمقابيل[/poem]

صح لسانك
وبيض الله وجهك يابو سعيد على علومك الغانمه


مسفر بن عايض ال دواس الحبابي /قطر


قصيد الرد للشاعر مسفر بن عايض ال دواس

[poem=font="Simplified Arabic,4,black,bold,normal" bkcolor="transparent" bkimage="backgrounds/17.gif" border="none,medium,gray" type=4 line=0 align=center use=ex num="0,black"]
سلام يارجل الفطانه والاحساس = اعداد ماهلت مزون وهماليل
جتنا بيوتك كنها جوهر الماس = حيا الله المرسل وحي المراسيل
المدح من شرواك عز ونوماس = ياشاعر صخر جزيل التماثيل
الطيب ياذيب الرجاجيل نبراس = وربعك سنام الطيب ذباحة الحيل
ياوجه قحطان المعاني لها انفاس = تفخر بذكرك في جميع التفاصيل
علمك وفعلك مثل عنتر وجساس = ودرب الوفاء لك فيه كسب ومحاصيل
الحال واحد والمراجل على ساس = وقلوبنا لهل المراجل مداهيل
في واجبك ياذيب مع كل قرناس = درع الوطن مثل السيوف المصاقيل
النصر فالك والمذله للنجاس = انشهد انهم يالسنافي مهابيل
الله يحميكم من الشر والباس = وعسى النصر فال القروم الحلاليل
بهرت لك دله من افكار حساس = تساق لك ياذيب منها فناجيل[/poem]

صح لسانك يابو سعود وبيض الله وجهك
اخوكم
مرعي بن علي ال دواس الحبابي

[/frame]

__________________

إذا أصابك هم فلا تقل
يا رب ... إن همي كبير
ولكن ..
قل يا هم ... إن ربي كبير

سبحان الله وبحمده سبحان الله العظيم

ارحب يا ابو علي

الله يبيض وجهك ويجمل حالك على نقل العلوم الغانمه

الشيخ محمد غني عن التعريف الله يطول عمره على طاعته

والكنادي شاعر جزل ولا يجي منه الا الطيب الله يبيض وجهه وعلومه تجمله دايم

وابو سعود وفى وكفى جعله يسلم

الله لا يهينك ويرحم والديك وسلم لي عليهم كلهم

تحياتي000000000اخوك

__________________
[frame="7 80"]

صدق من قال يازين العلوم ان سلمت التكرار

وكذب من قال ترديد السوالف ما يسمجها

[/frame]

تستاهلون المدح وانتوا اهله ياابوعلي

وصح لسان الشاعر ذيب ال سليمان

والكلام الطيب لايستحقه الا طيب

لاهنت ياابوعلي وتقبل ود بحر

__________________

صح الله لسانك ياالشاعر ذيب الكنادي

وابن دواس يستاهل المدح وسلامة

الجميع

__________________
للتواصل:

fahad_alhababi@hotmail.com

صح الله لسانك ياالشاعر ذيب الكنادي..

وابن دواس يستاهل المدح..

يستاهل ابن دواس المدح والثنا هم اهله وماهله

والشاعر

ذيب بن سعيد بن سوده شاعر ومن بيت معروف بالشجاعه والكرم

كنت انا وهو واخوه مذكر جيران وخويا في تبوك وسبعين نعم بذيك الحى دين ومرجله وذرابه

لاهنت ياخوي مرعي على النقل

تقبل تحياتي

__________________

إذا أصابك هم فلا تقل
يا رب ... إن همي كبير
ولكن ..
قل يا هم ... إن ربي كبير

سبحان الله وبحمده سبحان الله العظيم

__________________

إذا أصابك هم فلا تقل
يا رب ... إن همي كبير
ولكن ..
قل يا هم ... إن ربي كبير

سبحان الله وبحمده سبحان الله العظيم

تستاهلون المدح وانتوا اهله ياابوعلي

وصح لسان الشاعر ذيب ال سليمان

والكلام الطيب لايستحقه الا طيب

__________________

إذا أصابك هم فلا تقل
يا رب ... إن همي كبير
ولكن ..
قل يا هم ... إن ربي كبير

سبحان الله وبحمده سبحان الله العظيم