بسم الله الرحمن الرحيم
السلام عليكم ورحمة الله بركاته
كما وعدناكم في خبر سابق بعدما اوعدنا الشاعر الكبير عيد محمد القرقاح بنشر قصائده , اليكم هذه القصيده والتي خصنا بها
شاعرنا ,

الذيب ما يأكل بنابه إذراعه

[poem=font="Simplified Arabic,5,blue,bold,normal" bkcolor="transparent" bkimage="" border="none,medium,gray" type=1 line=0 align=center use=ex num="0,black"]
قبل ابتدي بالقاف واصخر مثايله = ابدا بذكر اللي علينا فضايله
الواحد الفرد الصمد خير والي = محيي الديار المسنيه من مخايله
من بعد ذا عبرت معنى قصيدتي = في وقتي اللي جار واقفت رحايله
وقت(ن) تحداني ودنيا عنيده = مالت لياليها والايام مايله
دنيا وقفت لها بشتا الوسايل = والوقت حلحلني وانا كنت احايله
واصبحت في حالاً يشمت بي العدا =والقلب كنه فوق حامي ملايله
مما جرالي قل حالي وحيلتي = مابين غار ونار والحمل شايله
ماكنه الا طويق واجى وسلمى = واثقل من العارض ومنحت مسايله
ان صحت بلوى وان سكت البلاوي = احتار فكري في الزمان وفعايله
جا كسرها من جبرها ذي مصيبتي = قول المثل صحى الله لسان قايله
الذيب مايكل بنابه اذراعه = صحيح هذي خصلة من خصايله
قلته وانا ما اقول همي من العدا = يمناي بأمر الله على اعداي طايله
ولا اشتكي عن نقص مالي وثروتي = المال يا اهل العرف ما اشكي قلايله
المال قله مايرد النشاما =مايرد راعى المرجله عن جمايله
ولاخير في من لا يسد النوايب = ولاخير في من لا فعوله دلايله
ولاخير في رجل رضى بالمهونه = عليه والا في حد(ن) من قبايله
ولاخير في من لادمح لأبن عمه = زلاته اليا جات لو هي مهايله
ولاخير في من لا براسه شجاعه = في ساعة(ن) الشر ولع فتايله
ولاخير في من لايدوس المخاطر = الارزاق قالو بعطف الشر هايله
الموت واحد والمنايا عديدة = ولابد من يوم تصيدك حبايله
ولاخير في رجل(ن) ليا شاف ضيفه = ماقام وليا قام قدم هزايله
ولاخير في رجل(ن) شكى منه جاره = الجار عزه لاتبين خمايله
ولاخير في رجل(ن) خذا الكذب عاده = لو طال وقت الكذب بانت فشايله
ولا خير في من ود من صد واقفا = من صد عنك فصد لا لا تخايله
ودواء الجفا الابعاد لابين الجفا = في دار فرحل عنه تلقا بدايله
واعرف ترى فجوج النشاما وسيعه = سج القدم والحظ تجني حصايله
وصلاة ربي عد من حج واعتمر = على النبي اعداد منشأت مخايله[/poem]

صح السانه ولاهنت على القصيدة الرائعه
تحياتي لك

ارحب يا بو معتز وحيه وحي ما جاب ..

صح الله السانك و السان عيد بن محمد مدد بلا عدد ..

وبيض الله وجهك يا القرم ..

وجهة نظر :: يستحسن نقل قصايد الشاعر عيد بن محمد في ( مجلس عذب الكلام ) بكون مكانه افضل من هنا ..

واكيد الخيار لك يا الذيب ..

تقبل مروري نفداك ..

__________________

أرحب يا بو معتز ..

وبيّض الله وجهك يا الغالي ..

وصح الله لسان الشاعر عيد القرقاح ..

وليس غريب عليه الجزالة ..

فهو من أسرة أصبح عندهم الشعر متوارثاً ..

لاهنت على الطرح الرائع ..

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

ارررررررررررحب يبو معتز

بيض الله وجهك

وصح الله لسانك ولسااااان ابومحمد

وابو محمد يعجز التعبير عنه

تقبل مرور اخوك

__________________

ارررررررحب يا ابو معتز


وصح الله السان الشاعر عيد القرقاح

وسلمت يمناك من العطب على ذا النقل الوافي

وآل ريفه كلهم وافين وشعار وينومسون قحطان


وبعد اذنك يا الفهري ابأنقل القصيده لمجلس عذب الكلام حتى يصبح الشاعر عيد عضو معنا
وبعدها يتم نقلها لمجلس الشعر المختص بشعراء قحطان .......

ولا هنت يا ابو معتز جعل عمرك مديد

ولا تحرمنا من سمانك انت وابن ريفه يا القرم

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

أنا اشهد انه شاعر صح لسانك ولسانه يبو معتز لاهنت,,,,,,,,,,,

بيض الله وجهك يابومعتز وقصيده جزله من راعيها....