++صــوت++و++صــدى++بين الشاعر جوهر الحربي والشاعر شعيل بن ثقل آل بلعان الهاجري


إضافة رد
قديم 10-09-2005, 04:27 AM
  #1
ضيغم
عضو
تاريخ التسجيل: Sep 2005
المشاركات: 34
ضيغم is on a distinguished road
Thumbs up ++صــوت++و++صــدى++بين الشاعر جوهر الحربي والشاعر شعيل بن ثقل آل بلعان الهاجري

السلام عليكم ورحمة الله وبركاته.....................................وبعد
اقدم لكم اجمل ما قراته من صوت وصدى وهي قصيده لشاعر جوهر الحربي عن حال الشعر هذه الايام وصور الشعر على انه رجل مسن ومريض بمستشفى الاعصاب وانه قام بزيارته واجرى معه هذا الحوار............................................
صدفه لقيت الشعر في قسم الاعصاب .... يبي يشق الثوب ومحجزينه
واسمع وراه بغرفته صوت وطلاب .... احدن يبي يحماه واحدن يدينه
وسألت عنه اهل العنايا والاطباب ....ويش صاب حال العود يا معالجينه
قالوا مريض ودخل شهار منصاب .... والظاهر انه مقفياتن سنينه
قلت ابا زوره عجلوا فكوا الباب .... قالوا مريض ويزعجك في ونينه
قلت ان هجرته عمد يلحقني عتاب .... تكفون لا تقفون بيني وبينه
قالوا تفضل دون تقييد وحساب .... لو ان حال العود ماهي بزينه
وجيته وهو من ضجة الناس مرتاب .... وقام وتنهض في وقار وسكينه
جسمه نحيف ولحيته كلها تراب .... وبعض الكوايا واسماتن جبينه
معروف ما بين القرايب والاجناب .... شكل بدوي معروف مله وطينه
عليه من لبس العيادات جلباب .... وسلك المغذي رابطه في يمينه
وقلت انت وشلونك عسى مالك اسباب .... وقام يتلقف عبرته في يدينه
قلت انت لا تبكي ترى عندك اقراب .... قرابت المولود من والدينه
ومش الدموع وقال ويش انت يا شاب .... فلان وابن فلان وفلان وينه
ناس ثنوا من دون حقي ولا غاب .... يوم انهم حيين متوارثينه
متوارثين الصيت والصيت ماخاب .... ياطيب صيتي عندهم شاهرينه
حاميني من كل جاهل ونصاب .... من مد كفه للعبث خاصمينه
واليوم شوه سمعتي كل مغتاب .... يلعب على الحبلين محدن يهينه
الا قليلن من كثير العرب طاب .... تالي رجايه عقب ذقت الغبينه
لعلهم يبنون بيتي بالاطناب .... في وجه صلفات الليال المتينه
وحقي عليهم ذبح تسعين كذاب .... ومن فوق هذا شرهتي بالثمينه
وان ما فعلوا هذا فانا مالي اصحاب .... بكره تبي تصبح عظامي دفينه
بلغ لي الشعار في كل الاشعاب .... تراك في حكم الوصيه رهينه
وانته تنوب وكل شاعر ليا ناب .... يصبح كما الربان فوق السفينه
اما قدم ولا هفا هفيت غراب .... والشعر ما هو شي لولا سمينه
بلغ شواعير النبط تصدر كتاب .... عن عالمن شعر النبط ظالمينه
قلت الوصيه واصله مابها طلاب .... ابدا تطمن والمراسيل امينه
وقام وتلحف وانسدح وغلق الباب .... وبعد المرض عادت عليه السكينه

ورد عليه شاعرنا شعيل بن ثقل آل بلعان الهاجري وقاله انه زار الشايب عقب جوهر ولقاه في حال آخر

هيض غرامي واشغل الفكر باعجاب .... شاعر من حروب القرى والمدينه
حربي من حروب لهم سجل وكتاب .... اهل المواقف والعلوم السمينه
ساعي بريد الشعر من مرسله جاب .... رسالتن لاهل القلوب الفطينه
رسالتن فيها تعجاب واعجاب .... داخل مثانيها جواهر ثمينه
جوهر تمثل بالمثل والمثل صاب .... عز الله انا كلنا مايدينه
يقول صدفه صادف الشعر وامصاب .... من شلتن صابوه ومشوهينه
ومصاحبه روع وسبب جن وارعاب .... داخل شهار وتذرف الدمع عينه
وسلم عليه وخاطبه باطيب اخطاب .... من مرهف احساس ولطفن ولينه
والعود قام يسال عن ناسن غياب .... والحربي الحاضر من مناصرينه
قال اطلب اللي تطلبه غاب من غاب .... انا من اللي واجبك حافظينه
قال الكهيل احمل وصيه للاحباب .... اللي هواي ومطلبي عارفينه
والعود ظن بجوهر الطيب ما خاب .... وصل وصاة العود والله يعينه
وصية من شايبن عارضه شاب .... رسمة خيالن فوقها راسمينه
بيديه مسباح وله دقن واشناب .... كنهم تحلوا فيه ومصورينه
ودريت عنه ورحت للعود نباب .... بشوف حاله جعل ماهي بشينه
ولا لقيت بغرفته غير الاسلاب .... حتى العقال وغترته حاذفينه
وضنيت بانه مات والموت غصاب .... ولا انهم عن وجهي مغيبينه
ولقيت قدامي دكاتر وكتاب .... نشدتهم واليا انهم فاقدينه
وجابوا ملف العود من وسط دولاب .... واشوف اسم جوهر ضمن زايرينه
وطلعت منهم مونسن ضيق واتعاب .... من خوف موت العود ميته مشينه
وصدفه لقيته مع صعاليك واغراب .... على عجل من غرفته خاطفينه
ومبدلين لبسه بلبس الاجناب .... ومجودين ساقه وكاسرينه
وبدلين غترة العود بالكاب .... قلت السبب قالوا لي مطورينه
قلت التطور كسر ساقه بمشعاب .... ياالشلة اللي بالخطا مبتلينه
احسابكم بعدين ندبكم إداب .... لين الخدين يقوم يشمت خدينه
باصيح لشعار في راس مرقاب .... واعلن بحربن ضدكم محتسينه
ولا غدا حقن وللحق طلاب .... الحق ما يغدي على طالبينه
ياللي تجمعتوا جماعات واحزاب .... واتعجنون الشعر مثل العجينه
الزيف يذهبه من الريح هباب .... يذهب ويبقى الصح لمصححينه
هذا بعد وصلت شبابن وشياب .... وصية الشايب بلهفة حنينه
ينخابها قومن يفكون الانشاب .... يبنون له بيتن حصونه حصينه
قلته وانا شاعر وناقد ولي جاب .... مالوم جوهر يوم بيح كنينه
وصح لسان الشاعرين المبدعين وارجو ان يحوز على اعجابكم ما قدمته لكم من صوت وصدى
ضيغم غير متواجد حالياً  
رد مع اقتباس
قديم 12-09-2005, 10:34 PM
  #2
بن مزهر
عضو فعال
تاريخ التسجيل: Dec 2004
الدولة: ديار قحطان واجد
المشاركات: 484
بن مزهر is just really niceبن مزهر is just really niceبن مزهر is just really niceبن مزهر is just really nice
افتراضي

شكراً لك اخي الكريم على هذا المشاركة
__________________
اخوكم بن مزهر القريشي
بن مزهر غير متواجد حالياً  
رد مع اقتباس
قديم 20-11-2005, 05:50 AM
  #3
بن لبده
عضو
تاريخ التسجيل: Nov 2005
المشاركات: 89
بن لبده has a spectacular aura aboutبن لبده has a spectacular aura about
افتراضي

الله يعيك العافيه على هذى المشاركه
بن لبده غير متواجد حالياً  
رد مع اقتباس
قديم 20-11-2005, 02:36 PM
  #4
محمد الحياني

.: مشرف ســـابق :.

 الصورة الرمزية محمد الحياني
تاريخ التسجيل: Aug 2005
الدولة: k . s .a
المشاركات: 8,767
محمد الحياني has a reputation beyond reputeمحمد الحياني has a reputation beyond reputeمحمد الحياني has a reputation beyond reputeمحمد الحياني has a reputation beyond reputeمحمد الحياني has a reputation beyond reputeمحمد الحياني has a reputation beyond reputeمحمد الحياني has a reputation beyond reputeمحمد الحياني has a reputation beyond reputeمحمد الحياني has a reputation beyond reputeمحمد الحياني has a reputation beyond reputeمحمد الحياني has a reputation beyond repute
افتراضي

مشـــــــــــــــــــكور اخووووووووووووووي


ضيغم مشاركة جداً رااااااااااااااااااااائعة



لاهنت يالغالي
__________________
« اللهم كما أحسنت خَلقي فحسن خُلقي »
محمد الحياني غير متواجد حالياً  
رد مع اقتباس
قديم 29-11-2005, 03:22 AM
  #5
سليمان القحطاني
..:: شاعر ::..
تاريخ التسجيل: Nov 2005
المشاركات: 609
سليمان القحطاني is just really niceسليمان القحطاني is just really niceسليمان القحطاني is just really niceسليمان القحطاني is just really niceسليمان القحطاني is just really nice
افتراضي

أرحب شكراً لك اخي الكريم على هذا المشاركة
سليمان القحطاني غير متواجد حالياً  
رد مع اقتباس
قديم 25-12-2005, 10:02 PM
  #6
علي بن شافع العنبسي
. . : : باحث تاريخي : : . .
 الصورة الرمزية علي بن شافع العنبسي
تاريخ التسجيل: Nov 2005
المشاركات: 787
علي بن شافع العنبسي is a name known to allعلي بن شافع العنبسي is a name known to allعلي بن شافع العنبسي is a name known to allعلي بن شافع العنبسي is a name known to allعلي بن شافع العنبسي is a name known to allعلي بن شافع العنبسي is a name known to all
افتراضي

شكرا لك ياضيغم
__________________
أرجو ممن يقتبس من مواضيعي الإشارة إلى المصدر
وسيكون المخالف محلاً للملاحقة الإعلامية والقانونية
علي بن شافع العنبسي غير متواجد حالياً  
رد مع اقتباس
قديم 10-07-2007, 05:00 PM
  #7
متعب الهاجري
عضو فضي
تاريخ التسجيل: Mar 2006
المشاركات: 1,334
متعب الهاجري is a splendid one to beholdمتعب الهاجري is a splendid one to beholdمتعب الهاجري is a splendid one to beholdمتعب الهاجري is a splendid one to beholdمتعب الهاجري is a splendid one to beholdمتعب الهاجري is a splendid one to beholdمتعب الهاجري is a splendid one to behold
افتراضي رد : ++صــوت++و++صــدى++بين الشاعر جوهر الحربي والشاعر شعيل بن ثقل آل بلعان الهاجري

صـــــــــــــــح ألسنتهم


وجزله من ظهر جزل يا ابونا شعيل

عسى لك الصحه يابو سااالم





لاهنت اخووي
متعب الهاجري غير متواجد حالياً  
رد مع اقتباس
قديم 10-07-2007, 10:45 PM
  #8
آل شـــوآط
عضو جديد
تاريخ التسجيل: Oct 2006
المشاركات: 2
آل شـــوآط is on a distinguished road
افتراضي رد : ++صــوت++و++صــدى++بين الشاعر جوهر الحربي والشاعر شعيل بن ثقل آل بلعان الهاجري

يـعـطـيـك آلـف عـآفـيـه
آل شـــوآط غير متواجد حالياً  
رد مع اقتباس
قديم 11-07-2007, 06:58 PM
  #9
ناصر السنحاني
عضو ذهبي
 الصورة الرمزية ناصر السنحاني
تاريخ التسجيل: Jan 2007
الدولة: الأمم القحطانيه !!!
المشاركات: 4,659
ناصر السنحاني has a reputation beyond reputeناصر السنحاني has a reputation beyond reputeناصر السنحاني has a reputation beyond reputeناصر السنحاني has a reputation beyond reputeناصر السنحاني has a reputation beyond reputeناصر السنحاني has a reputation beyond reputeناصر السنحاني has a reputation beyond reputeناصر السنحاني has a reputation beyond reputeناصر السنحاني has a reputation beyond reputeناصر السنحاني has a reputation beyond reputeناصر السنحاني has a reputation beyond repute
افتراضي رد : ++صــوت++و++صــدى++بين الشاعر جوهر الحربي والشاعر شعيل بن ثقل آل بلعان الهاجري

لا هنت على الموضوع


وبيض الله وجهك


وتقبل مروري...
__________________



تــــــحـــــيـــــاتـــــي لــــلـــــشـــــعـــــب الـــــســـــعـــــودي



ناصر السنحاني غير متواجد حالياً  
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 01:33 PM

سناب المشاهير