قصه محمد بن ناصر بن كدم وضيافته علي بن شديد ال مخثله السعدي

بسم الله الرحمن الرحيم

كان محمد بن ناصر بن كدم رحمه الله واموات المسلمين اجمعين مسافر على ذلوله من الجنوب الى الرياض وذلك قبل توحيد المملكه بتاريخ بسيط

ويوم وصل جنوب الرين امساء في مكان ويوم اصبح سرح وعند الظهر شاف راعي بيت وعدل عليه ولاوعى راعي البيت الا وراعي البعير يبركه تو البيت والرجال جالس على الضو وعنده كيس فيه طحين فقام واخفاء كيس الدقيق وقلط نخران عند الرجال يبغى الغدا ولايوم قام الرجال وجاب تمر يابس ملموم وكنه حجر وقال تغد غداك ولم يسوي قهوه ونخران يعرف هذا الشخص معرفه سطحيه

فقام نخران وتركه وركب بعيره وواصل سيره وعقب العصر شاف عرب وعدل عليهم ويوم نوخ الا الترحيبه يوم شهرها راعي البيت باعلى صوته

ولم يكن صاحب البيت هذا الا الفارس والشيخ علي بن شديد ال مخثله السعدي المعروف بشجاعته وكرمه بين العرب حيث ان بينهم معرفه من معركه حجلاء الاولى وماتقابلو من عشر سنوات وقام علي بن شديد وذبح حايل من الضان ودعا الي حوله وتعشوا ويوم تعشوا عطاهم محمد بن ناصر علمه وتذكر معزبه الي في الظهر فقال هذه الابيات



يوم الــ ؟؟؟ ماظفر في قرانا ----------- ياجعل راسه يضربه حد شومان

ماشب ضوه خل مابه غدانا ------------- خش الطحين وقيس التمر عقبان

ياجعل خو حمساء يمينه تغانا ----------- قرب لنا عقب الطوى خيرة الضان

اسئل المولى ان يتغمد الشيخ علي بن شديد بواسع رحمته ورضوانه فانه على ذلك قادر

ودمتم بخير

لاهنت


يعطيك العافيه


مشكووووووور


تحياتي

__________________

أرحب يا بن كدم ..

بيّض الله وجهك على إيراد السالفة ..

ورحم الله كلاً من محمد بن كدم وعلي بن شديّد ..

بيض اللة وجهك

ارحب يابن كدم

وبيض الله وجهك ياقحطاني على القصص الثمينة والسوالف الذربة

انت وافي من وافين ولايستغرب الوفاء والطيب من اهله

الشيخ علي بن شديد والشيخ نخران بن كدم - رحمهم الله - الكل منهم يفعل الطيب ويستاهله

عاشوا في عصر يبين فيه الكريم من البخيل والشجاع من الذليل والطيب من الردي

وتنزل الرجال بمنازلها على قدر مكانتها وافعالها، والصدق يعدونه لايمدح إلا ممدوح ولا يذم إلا مذموم.



اخي الكريم

تقبل مني خالص الشكر والتقدير

الأخ الظور

بيض الله وجهك ع حفظ هذه القصص التي تبيض بالوجه عن هذين الفارسين الفارس بن مخثله رحمه الله .. والفارس بن كدم

رحمهم الله جميعا كلاهما فرسان وشيوخ قبايل شكرا لك ع هذا الطرح الغير عادي ..........

__________________

ارحب ياخوي عايض

اشكرك على مرورك

لاهنت يابو بندر

ارحب اخوي مشاري

والله يرحب فيك ووجهك ابيض

والله يسمع منك

اشكرك على المرور ولاهنت

ووجهك ابيض ياخوي حمد ولاهنت على المرور

ارحب يابن شديد تراحيب الحيا

الحقيقه انا شخصيآ مااعرف احد من ال مخثله لاكن علم الحيا والطيبين يبين

وعلومكم ياقحطاني تروس الريع

عساء شيبانك في جنات النعيم

اشكرك على مرور العطر لاهنت

تحاتي