مديرة مدرسة تزوجت زوج إحدى مدرسات مدرستها

تدور القصة حول مديرة مدرسة عزباء غابت عن المدرسة يومين

ولما عادت لمدرستها قابلتها المدرسات سلامات وينك يامديرة ؟

قالت باركولي تزوجت

قالن مبروك يامديرة ولكن منهو زوجك ؟

قالت بصراحة زوجي هو زوج إحداكن !!

المدرسات تكفين علميننا أي وحدة منا ؟

قالت المديرة والله ما أعلمكن

المهم لزمن عليها فقالت أنا منيب متكلمة اللي تبي تعرف هل هو زوجها وإلا لا

تجيب بكرا معها خمسمية ريال وإذا جت توقع تحط الخمسمية على الطاولة

واللي آخذ خمسميتها فهي مهو زوجها

واللي أخلي خمسميتها على الطاولة ولا آخذها فهو زوجها

عيب علي أتزوج زوجها وآخذ بعد منها خمسمية ريال

وافقن المدرسات على الطريقة

ويوم جاء بكرا وكل وحدة مزهبه معها الدراهم

جت الأوله والثانية والثالثة والرابعة حتى العاشرة والمديرة تاخذ الدراهم

يوم جت المدرسة الـ 11 وبدت المديرة تأفف .. المهم حطت الدراهم على الطاولة

وقالت لها تكفين خذيها يالمديرة قالت

المديرة اعذريني قالت المدرسة كأنها قليلة حطيت ألف بدال الخمسمية

قالت المديرة أووووووووووووه معليش أثرك أنتي جواهر

والله إني آسفه غلطت يوم تنفست المدرسة وقالت الحمد لله يعني بتاخذين الفلوس

المهم أخذتها المديرة

ودخلن بقية المدرسات حتى الـ 23 والمديرة تلعب بأعصاب كل وحده

وفي النهاية تاخذ الخمسمية

المهم بقي مدرسة وحدة فقط ماجت يوم اتصلن عليها المدرسات هاه وينك ياأستاذه

قالت والله اني تعبانه وماني جايه

قالت المدرسة الغايبة : هاه من صار زوجها اللي متزوج المديرة ؟

قالن لين الحين مابين شي والمديرة عيت تاخذ الفلوس لين نحضر كل المدرسات

( يلعبن عليها بس يبونها تجي عشان يتطمنون إنها هي لأنه مابقى إلا هي )

وقالن المدرسات لازم تجين تكفين

المهم جت تسحب رجليها بالقوة ويوم جت تدخل المدرسات كل وحده مبسوطة أنها مهي هي

وبدن يسمن على المدرسة الـ 24 عشان ماتنصدم

دخلت المدرسة الأخيرة غرفة المديرة وحطن باقي المدرسات أيديهن على قلوبهن

وحطت المدرسة الخمسمية على الطاولة وضفتها المديرة

يوم طلعت لقنها عادية وما صار شي وفلوسها أخذتها المديرة

قالن يابنات فيه وحده منكن ماخذت المديرة دراهمها ؟

قالن لا والله كلنا أخذت دراهمنا

ودخلن المدرسات على المديرة وقالن أخذتي الفلوس من كل المدرسات تلعبين علينا

!! منهو زوجك !!

قالت المديرة المهم الدراهم ( 12000 ريال ) ماراح ترجع

وأنا والله لا تزوجت ولاشي لين الحين عزوبية ووالله كنت مريضة هاليومين

ولكني اطلبكن قبل شهر تدفعن على مية ريال نصلح المصلى

ولا وحدة منكن دفعت .. قلت والله لأدفعكن 500 ريال

نصلح المصلى ونشتري مصاحف وقف للمسجد

قالن المدرسات بردها الله بالعافية فداك الدراهم ولو تبين زود عطيناك

هو صدق بس رجالنا ماتزوجوا علينا



مايستفاد من القصة

1- المرأة تدفع فلوس الدنيا كلها ولا يتزوج زوجها عليها

2- المدير الناجح هو من يفكر في عمل مفيد إجتماعياً ويستطيع فرضه بإقناع

3- عمل الخير موجود في النفس المسلمة ولكن يحتاج إلى إيقاظ في بعض الأوقات

4- من واجبات مدراء ومديرات المدارس والمدرسين الاهتمام بالمصليات

والله انك سحبتني يامطوع الين طاحت عيوني اشفل الشاشه


اشكرك يابو محمد

تقبل مروري وتحياتي

ذكيه هالمديره يازينها لو اتزوجها توسط لي يامطوع

__________________
FF0000

ابداع والله يعطيك العافية

__________________

ريوووووووووود شكرا على هالقصة

رهييييييييييييييب يابن نملان

هذه القصة ولا بلاش

تسلم

__________________
وطني لو شُغِلتُ بالخُلدِ عنّه * * * نازعتني إليه في الخُلدِ نَفسي

يالله لك الحمد ناقصات عقل و دين

.

سلمت ايدك يارايد



الله يعطيك العافيه ولا يهينك



اسعدتني هذه المشاركه المسليه والتي تبين لك جزء من حواء وافعاها




ان كيدهن عظيم





يبون يحكمون الارض بس اصبر شوي الله يستر




قصه معبره ومفيده



تقبل احترامي لك شخصيا ولمواضيعك عامه واشكرك



من امثالك ومعهم نستفيد ونتقدم الله يكثر من امثالك ويهدينا لما فيه الخير والنفع



مشكوووووووووووووووووووووووووووررر


والسلام


.

ذكيّة جدًّا ..

لاهنت يا بو محمد ..

الشيخ رائد جعلك الله من رواد الحق
كم اشتاق لمقالاتك الهادفه الجميله !!
المطليه بالآختصار والمعنى
مشكور جدا

__________________
«®°·.¸.•°°·.¸¸.•°°·.¸.•°®»

ابـــــــومــــــــــــــاجـــــــــد

m.altoom9@hotmail.com

«®°·.¸.•°°·.¸¸.•°°·.¸.•°®»