قصيدة غزلية بعنوان : (( الحب الأول )) أخوكم الشاعر/علي الحبابي ((الشاعرالطرقي))

[poem=font="Simplified Arabic,6,green,bold,normal" bkcolor="transparent" bkimage="" border="none,medium,green" type=4 line=0 align=center use=ex num="0,black"]
هموم المـــــعـــنا ولّعت داخل الصدر=ضميره من هموم الزمن باح مكنونه
وأنـــــا والله إنّي ماأقبل الضيم والغدر=ومهما جرى نفسي عزيزه ومصيونه
صبـــــور على صكّات الايام والقدر=وفرقاء وليـــــف حالوا الناس من دونه
أبـــــو وجنــــة بيضاء مثل شعّة البدر=و حـــــجّـــانه الثنتين قوسين مقرونه
وتفـــــــــاحتين بيض في مقدم الصدر=ولـــبّة وردف وخصر والخد وعيونه
يا سبحان من سوّاه هرجه عسل سدر=وســـاوى جديل يكسي الردف ومتونه
بعــــــد غيبته ومفارقه صابني كدر=وقلبـــي من اللوعات يا مكثر حزونه
ولـــــيف شبيهه فــي جميع البشر ندر=غــريب بكل الوصف في شكله ولونه
لو يشوفه الميلاف يا أهل الهوى خدر=مــصيبة لـــو إن الناس مثلي يشوفونه
أحـــبّه وحـــبّه فالحــــشا عالي القدر=أحــــــــبّه ونـــفسي فيه شفقه ومجنونه
أنـــا أسست جدر البيت لايهدم الجدر=بنيته عسى المجــــمول ما يهدم ركونه
عسى إن السحاب اللي بروقه سرت حدر=على دار ملهوف الحشا يرخي مزونه
كـــلام سمعته منه فـــي غيبته صدر=مسامح عليه وعارف ويش مضمونه
تـــرى من ورد عـــدّ المحبين ما صدر=بيتعب ويشقى و الله يكون في عونه
وخبيث النوايا لــو بذل جهد ما قدر=يا ليته مثل ما قيل يمشي على هونه
عسى الحب الأوّل بينا ما مضى هدر=وعسى الزين يفهم زبدة الهرج ويصونه[/poem][/poem][/poem]

__________________

ارررررررررحب يالطرقي

صح اللسانك مددبلاعدد فالله درررررررك على هالشامخه بشموخك يالقرم واشهد بالله انها قصيدة

وافيه من شاعررررجزل وافي وانت يالطرقي كفو كفو كفو كفو كفو ،،،،،،،،،،،،،

تقبل تحيلتي

اخوك/محمد بن عبيان الفهررررررررري

الاخ العزيز/ محمد بن عبيان
الله لا يهينك على المرور
والله يبيض وجهك ويجمل حالك

ولا عليك زود

تقبل تحياتي

__________________

خطيرررررررر يالطرقـــــــــــي

بيض الله وجهك على القصيدة الجزلة وعلى هذا الوصف والتشبيه النادر
من نوعه والله يبعد من حال من دونك ....

.لا عدمتك يابو صالح وتقبل مروري

ياسلام ياسلام

ياالطرقي

صح الله السانك وننتظر ابداعاتك ..

الاخ عامر والأخ رايد
االلله لا يهينكم جميع
على المرور

تقبلوووووووووووا تحياتي

__________________

سلمت يآعلي ع القصيـد الزيــن . .


عنـدي لك ملاحــضه ع البيت الخامس

وتفاحتين بيـض فـي مقـدم الصـدر ولبّة وردف وخصـر والخـد وعيونـه

ـالبيت مكـرر .. لو أنـك قلت :

عليـك الله أكبـر يآهـوى النــود وش بـدر &&& عسى مارماك اللي رماني من عيونــه . .

كـآن أصبحت متكآمــله . . وتقبل ملاحضتي ولك جزيـل الشكرررر ...

__________________

مشكورين على المرور

والله يعطيكم العافية

ولاهنت على الملاحظة

يا بن جليد

__________________

ترى من ورد عدّ المحبيـن مـا صـدر بيتعب ويشقى و الله يكون فـي عونـه
وخبيث النوايا لو بذل جهـد مـا قـدر يا ليته مثل ما قيل يمشي علـى هونـه

صح السانك يالحبابي تعبير شاعر من مشاعر صادقه

اشكرك بعنف يالطرقي تقبل

تحيااااااااااتي

__________________

ا

الاخ الشاعر عبدالله العلياني

عاصي الشعراء

لاهنت على المرور على القصيدة

شرفتني والله يعطيك العافية

تفبل تحياتي

__________________