الله وحده بيامرني وينهاني للشاعر المبدع حامد السمحة

الله وحده بينهاني ويامرني
لامره تعالى بقول السمع والطاعه
غيره لوانه امر ماهو بجابرني
حتى لو ان اكبر الباشات مطواعه
اقدر اللي من العالم يقدرني
وحشمة هل الطيبه في صدري وداعه
واغلي رجال الكرم واللي تزاورني
لاصارت النفس من الاقدار ملتاعه
واناصر اللي على العليا يناصرني
اللي يوقف معي لادقت الساعه
وافرح بقرم لما ان الهم حاصرني
جاني وخلا عناي يصفط شراعه
اللي لما اني تمنيته يباشرني
كن بين قلبي وقلبه وصل سماعه
عساه يبقى معي ولا يغادرني
شوفته تجلى عماس الراس وصداعه
وعسى رفيق بفعل الطيب خابرني
لما نصاني وجاني يشكي اوضاعه
بدعي على نفعته ربي يقدرني
وان ما قدرت انفعه مازود اوجاعه
عساني اظفر بناس ما بتغدرني
ترد عني ثعال الوقت وسباعه
ما هي بشذب العراقيب بتسامرني
اللي لرغبة بليس تعيش منصاعة
وان ضاق صدري فلي رب يصبرني
لاشفت الاصحاب كل غير اطباعه
لن الثقة كلها في عايض القرني
وامثاله اللي بتالي الليل ركاعه
اللي بهمي ولوعاتي تخاشرني
دكاتر القلب لامن كثرت اوجاعه
اللي لدرب الهدى دايم تنورني
على طريق النبي والصحب واتباعه
فالله وحده بينهاني ويامرني
لمره تعالى بقول السمع والطاعه

__________________
مايشاف الرجل بالعين الوسيعة
كود لامنه فزع لعيال عمه