..:: شاعر ::..
مشرف مجلس المحاوره والألغاز
تاريخ التسجيل: Oct 2005
المشاركات: 1,157
(( كبش الفــــــــــــــــــــدا ))
[poem=font="Simplified Arabic,6,black,bold,normal" bkcolor="transparent" bkimage="backgrounds/23.gif" border="double,thick,chocolate" type=2 line=0 align=center use=ex num="0,black"]
البارحه ضاقت علي الأرض من كل إتجاه= قمت أجذب الونه ورا الونه ونا مالي جدا
العين تذرف دمعها والقلب جاه اللي كفاه= خطر(ن) عليه يطير من بين الحنايا لقردا
يسريبي الطارئ واسابر كل نجم فـي سماه= تزيد نار الهاجس اللي طول ليله ماهدا
اشوف لي فالوقت هذا شي متعدي مداه=بس الزمن عيا وعاند كل ما اعطيته مدا
جانا زمان يشّيب الطفل الصغيّر في رباه=والمشكله حنا غدينا للغزو كبش الفدا
يالله صبرني على هذا الزمن واللي وراه=مغيرك احد(ن) يا إله الكون نرفع له ندا
اصبر واصابر كن ماني بسمع الصوت وصداه= وانادي بصوتي لكن الصوت ماجاله صدا
ياعزوتي يابو(معيض)الهم واصل منتهاه=هذا زمانٍ كثر فيه أهل الفتن وأهل الردا
العين شافت جيل يارجال ماشي في عماه=كل الجهود تضيع معهم يالله الخيره سدا
إن قلت له عان الطريق الصح لقاني قفاه=شبحه قريب والمدا ماهو بيبعد فالمدا
جيل مخالف نهجنا واللي يشد الانتباه=خالف حياته والعشى فالليل سماه الغدا
مايدري انه هادم بيت المعزه ما بناه=والمرجله ظلع صعيب مثل ظلعان الهدا
لي نظرة ياخوي في الرجال واعرف ماوراه=والذيب ذيب(ن) بينٍ لامن عوا ولا عدا
فقد الرجال اللي معرفتهم على الدنيا غناه=فيهم من الابطال يجلى الهم لامنه بدا[/poem]
__________________
[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="1,black""]
لاكثرو الشعار والمستمع قل = فنشهد إنا بالقصائد نضحي
الكيل زاد ولا بقي شئ يعقل = واخير من قول القصيد التنحي
سعيد بن فالح آل مهدي =[/poem]