قصيدة في الطير اعجبتني

هذي قصيده في وصف الطير لشاعر / مبارك بن عيينان الهاجري



وين انت يانايف وسيـع البـــنــايــد
هيضتنــي في صورتـك جنب عـزام

0 0 0

ذكرتني راع الفعول الفرايـــــــــــد
زود ٍ على فعله غدا حبه هيـــــــــام

0 0 0

اشقر قصير الساق صافي وصايـــد
جبـــر الثنادي بــارزه منــــه قــدام

0 0 0

حجل ٍ وراسه أبيض ٍ منه نايـــــــــــد
إن قلت من فارس أو أنه من الشــام

0 0 0

سواد عينه وسط راسه يشايـــــــــد
دقات شام ٍ في نحر ترف الاقــــــدام

0 0 0

في كل جو ٍ له مهد ومصايــــــــــــد
وإليا إنطلق لو كان في الحر ماحـام

0 0 0

دم الحباري فوق صدره قلايــــــــــد
والقاع عقبه كنها ساحة اعــــــــدام

0 0 0

ماعاد من جول الحباري شرايــــــــد
اقسى من الكافر على ورث الايتــام

0 0 0

وطلعه بعيد وكل طلعه وكايــــــــــد
وزد ٍ على طلعه سبــــــــوق ٍ وجزام

0 0 0

افعول طيري يابو بندر جدايــــــــــد
فعله جديد ولحقه فعله العــــــــــــام

0 0 0

ياما وياما جاب لي من فوايــــــــــــد
لاكنهم ساموا ولا كنـــــــه انســـــام

0 0 0

اقفى وخلى عروق قلبـــي بدايــــــد
من يوم مات وقلب راعيـــــــــه منظام

0 0 0

زاد النكايد عقب موته نكايــــــــــــــد
وخيم على قلبي من الحزن خيـــــــام

0 0 0

يا لايمي في حب عزام بايـــــــــــــــد
ماعضتنـــي لو جبت ساطور وحــــزام

0 0 0

لولا المخافه قلت وسط الجرايـــــــــــد
ان العزاء في الطير من شرع الإســـلام

__________________
يـــا عويـــنــــه يحـســب ان قــد ذا جـــدانـــــا ,,,,

مــادرى ان عـــســـر الـحــديــد الــنــا يــلــيـــنــا ,,,,

الاخ الكريم عبد الله العنبسي

السلام عليكم ورحمة الله وبركاته وبعد :

وفقت في إختيار هذه القصيده الجزله التي إنبعثت من وجدان صادق يحاكي فيها هذا الشاعر الجزل والمتمكن

غياب طيره بل رحيله من الدنيا إن الصقور والحرار بالذات يوصف بها العربي الأصيل وتتكرر دائما في قصائد

الشعراء وفي وصف الرجال الطيبين أنا أشيد بخيال هذا الشاعر الواسع وأكرر هنا شكري وتقديري

لك أخي عبد الله في إختيار هذه العذوبه مثلما أنت عذب ومحترم في طرحك وفي أسلوبك الرائع والجميل

أهنيئك ع أدبك وع الحكم التربويه التي طرحتها في هذه المجالس بارك الله فيك أخوي عبد الله وإلى الأمام

دمت بخير ................

__________________

حر وتحب علوم الحرار



حياك وبياك ياعنبسي

حد لنا وحد على غيرنا لاهنت وسلم القايل

لاهنت


يعطيك العافيه



تحياتي

__________________

لاهنت


يعطيك العافيه

__________________

ارررررررررررحب يابو فيصل والله لا يهينك واشكرك على الاطراء اللهم اجعلني خير مما يضنون واستر علي ما لا يعلمون
والمواضيع وانتقائها سبقتنا يبو فيصل ما خليت لنا في الطيب قسم لكن دامها بسمك فكن حن مشاركين وطالما فيه مشرفين ورجاجيلن طيبين يحثونك على القدا شبرك بغدي مع شبرهم مثلك وشرواك وشروا من يقرا ونت قدوه لنا وحن في اثرك وحبل الجود بين الاجاويد طايل الله يطول عمرك ويحييك على الطاعه يبو فيصل واثني لك الشكر


اخوك المحب / عبدالله

__________________
يـــا عويـــنــــه يحـســب ان قــد ذا جـــدانـــــا ,,,,

مــادرى ان عـــســـر الـحــديــد الــنــا يــلــيـــنــا ,,,,

اررررررررحب يالظور ما عليك زود وسباق بالعلم الغانم وقايله ما يهون واشكر مرورك

__________________
يـــا عويـــنــــه يحـســب ان قــد ذا جـــدانـــــا ,,,,

مــادرى ان عـــســـر الـحــديــد الــنــا يــلــيـــنــا ,,,,

الله حي ابو بندر دكتور قحطااااان دايمن مرورك عطر واثني لك الشكر

__________________
يـــا عويـــنــــه يحـســب ان قــد ذا جـــدانـــــا ,,,,

مــادرى ان عـــســـر الـحــديــد الــنــا يــلــيـــنــا ,,,,

ارحب يالسعدي تراحيب المطر والله لا يهينك على المرور

__________________
يـــا عويـــنــــه يحـســب ان قــد ذا جـــدانـــــا ,,,,

مــادرى ان عـــســـر الـحــديــد الــنــا يــلــيـــنــا ,,,,

عبد الله العنبسي

ابدعت في اختيار موفق يدل على ذائقه شعريه عاليه

صح الله لسانك ولسان القايل