وجــــهـــت من ضــيـقـة ٍ بالصدر عـــصـريّة

أرحبوا يارجال


وعيدالله عليكم مبارك وكل عام وأنتوا إلى الله أقرب







[poem=font="Simplified Arabic,6,indigo,bold,normal" bkcolor="transparent" bkimage="" border="none,medium,gray" type=2 line=1 align=center use=ex num="0,black"]
وجّهت من ضيقة ٍ بالصدر عصريّة=أدور علاجها في صحصح ٍ خالي

من فوق شاص ٍ من خيار البريميّة=شاريه من حُر مالي نقد بريالي

ماجا عطيّة ولا من الغير عاريّة=ومن الشحاذة وأهلها تكرم سبالي

وجهتبه والتوانك فل ممليّة=ومكمل ٍ عزبتي بالمر والحالي

وعن البشر رحت في دار ٍ خلاويّة=وأبعدت عن ذبذبة الإرسال جوّالي

أبعد عن أهل النمايم والنقيليّة=ضعوف الأنفس وراع القيل والقالي

ووقفت في ديرة ٍ بالوبل مسقيّة=على يميني الضنط والباطن شمالي

وشبيت ضوّي لكيف الرأس بريّة=ضو ٍ حطبها حطبته جزل وجلالي

ونزّلت لي من خيار الفرش زوليّة=وفرشتها عكس صفق الساعر الصالي

والشنطة اللي لحفظ أشياي مشريّة=الكيف فيها وفيها كل معمالي

وقننت ماء دلتي في وسط خمريّة=من صنع بغداد جت مع من جلبهالي

وجذبت جمر ٍ من أسفل ضوّي الحيّة=وفرشته لدلتي تقطع بالإمهالي

ودنّيت نجر ٍ قديم ٍ صنع سوريّة=لاسمعه اللي حزين يون ويلالي

ودقيت به قفرة الكيف الخليطيّة=مابين هيل ٍ وعود وقرف سنغالي

وقربت من تمر بيشة نوع صفريّة=وقدعت سبع وعددها وتر فنجالي

وبعد العشا طاب لي لعب الهجينيّة=ألاعب القاف من جزلات الأمثالي

ذي ونستي لاحصل بالصدر تكيّة=أروح في صحصح ٍ ماغير أنا لحالي

تحتدني للخلا نفسي الشقاويّة=واللي بينقد عليّه ماله ومالي[/poem]


الضنط المذكور بالقصيدة جبل علم يقع في المهمل بين بيشة ووادي الدواسر

صح الله لسانك يا شجاع

ما نستغني عن مثل ذي القصايد

أشكرك ع المشاركة

__________________
سُبـ ح ـان الله وبحمده .. سُبـ ح ـان الله العظيم

~ًًًَََُ

صح لسانك




لاهنت


يعطيك العافيه

تحياتي

__________________

ارحب يالأكلبي

وصح لسان قصيدة رايعة

وتقبل مروري

__________________


http://www.qahtaan.com/works/up/get....fmnp1261962149

ارحب يابوعمر

وصح الله لسانك

مبدع هنا وهناك
ونطمع في تواصل مستمر


اخوك

__________________



ممصمنا المبدع
تركي العلياني
ألف شكر لك

صح لسانك....وبيض الله وجهك.......شاعر جزل

ارررررررررررررررررررررررررررررررررررحبو يا رجاااااااااااااااااااااااااااااااااااااااال اررررررررررررررحبو


يالله حي ابو عمر


اررحب اررحب تراحيب المطر

والله يحيك بين اخوانك في شبكة قحطان

وانت مكسب طال عمرك

وصح لسانك ملااااااين

وانا متابعك

لا تقطعنا من جديدك

تقديري

بارك الله فيك ..

مشاركه جميله


تقبل تقديري

صح لسان الشاعر مشاركة طيبة

وتقبل مروري