هنالك مواقف محرجة و أخرى سعيده تحدث للشخص في أيام العيد و لا ينساها ما حي و من خلال هذا الموضوع و للذكرى لأعضاء الشبكة نضع هذا الموضوع ليسجل كل عضو موقف حدث له في العيد و لا زال عالقاً بذهنه و لا يمكن نسيانه .. و سأبدأ أنا بذكر موقف حدث لي ..

أتذكر قبل كم سنه و أنا صغير عمري تقريباً ( 9 ) سنوات تسلطت على حلاوى العيد اللي جايبينها الاهل ليوم العيد يبون يوزعونها على الاطفال صباح العيد المهم إني طول الليل ( ليلة العيد ) و أنا طايح في ذا الحلاوى اكل لين أنفقع بطني ما عاد شفت و يوم اصبحنا و صلينا العيد ورجعنا و أنا تعبان ذابحني بطني و أطرش الله يعزكم و طوال اليوم و أنا على ذا الحال ( في الأخير أكتشفت أن فيني تخمه ) من الحلاوى اللي كليتها و من عقب ذاك اليوم و أنا ليالي العيد كلها آليف مع الحلاوى و لا أكثر فيها .. توبة .. هذا موقف ما انساه من اللي شفته من وجع البطن .