ارررررررررررحب ملايين

ارررحب ملايين

[poem=font="Simplified Arabic,7,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
اتهم حبيبي ويطلع مني مبرا=وأنا ادري انه يبديني على عمره
ان كان حكمت لا دبل ولا ثرا=وان كان زمجرت جاني مسلم (ن) أمره
وان جاء يعاتبني اتحرج ولا تجرا=يخجل ويغشاه من كثر الخجل حمره
يا لبى والله ذيك الوجنه الغرا=وذيك العيون الوساع اللي شربت سمره
وذيك الثنايا الرهاف الكمل الدرا=وذاك الجديل اللي توصف به الخمره
ان غاب عني جلست لحالي اتحرا=ادرج السبحه مكني على جمره
وان دق جوالي اخمه ولا اتورا=ةاناظر الاسم والا آخر النمره
اليا طلع غيره انسى عنه واتبرا=من العالم اللي ما اوطي منهم الشمره
واليا طلع هو ارحب والعن ام الرا=ارررررحب ملايين لو الارض مندمره
أقوم من مجلسي واكلمه برا=واقول يا والله اللي زانت السمره
احساسنا مع بعضنا دايم معرا=وان جيت ابنهي حديثي جاتني غمره
اتقول جوالي بقوس اذني مغرا=اطمر (توصيني بخدمه ) مية طمره
كنه بتاريخ اساطير الهوى مقرا=متصفح (ن) ذكرهم زمره ورى زمره
وكنه بديرة عيال الشايب مذرا=لو كان ما داج من صبحا ليا الحمره
ما هو على الكذب لا مدرس ولا مضرا=بالعكس كنه من أهل الحج والعمره
يزعل واراضيه لو تلحقني الضرا=حتى يروح الزعل ويبادر بضمره
ان قلت مره يجاوبني بدلع مرررررررا =وليا زمر ما تليق بشكله الزمره
يا لبى والله ذيك الوجنه الغرا=وذيك العيون الوساع اللي شربت سمره
وذيك الثنايا الرهاف الكمل الدرا=وذاك الجديل اللي توصف به الخمره[/poem]

عوض بن شفلوت المناديه

السلام عليكم ورحمة الله وبركاته


صح لسانك يابوعبدالرحمن
لاجديد لا جديد

قصايدك دايم مميزه
وقافيه رووووعه

قصيده غزليه من الطراز الأول


[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
أقـوم مـن مجلسـي واكلمـه بــرا=واقول يا والله اللـي زانـت السمـره
احساسنـا مـع بعضنـا دايـم معـرا=وان جيت ابنهي حديثي جاتني غمـره
اتقول جوالـي بقـوس اذنـي مغـرا=اطمر (توصيني بخدمه ) ميـة طمـره[/poem]

__________________

مشكور على القصيدة الطيبه

__________________
الحرتكفيه الاشاره

عوض بن شفلوت
الله عليك
مبدع في جميع الاغراض

قصيده جزله ووافيه
صح لسانك ملايين
والله لا يهينك
ولا تحرمنا من جديدك

صح السانك على هذه القصيدة الجزلة وبيض الله وجهك ولا تحرمنا من جديدك

[frame="7 80"]من طول الغيبات جاب الغنايم
بيض الله وجهك يابوعبدالرحمن وجمل الله حالك
صح لسانك وعلى شانك
ولا تحرمنا من ابداعك

تقبل تحيات متابعك
اخوك المهداني[/frame]

__________________
[poem font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=sp num="0,black"]
معوض خير ياحي خدعك من الرجال اشكال= تشوف أشكالها وتحطها ارفع من منازلها
تعلم من زمانك لا تصير من أجهل الجهال= ترى في كل يوم تجيك عبره لا تجاهلها
إذا ربي وهب لك عقل تلقى في الرجال رجال= تعرف اللي يطلع قيمتك واللي ينزلها
ترى من بعض ما يندي الجبين ويحرج الرجال=ليا ساق الميانه في نفوس ما تقبلها
ومهما شفت في صاحبك من نخوه وطيبه فال= ترى بعض السجايا كثرة اللإلحاح يقتلها
[/poem]



تجربة شاعر في الحياااااااااة

قصيدة جميلة وغير تقليدية في معانيها وقافيتها

في انتظار جديدك

والقادم أحلى إن شاء الله

صح لسانك ياعوض بن شفلوت

قصيده جزله يالجزل

__________________

تركي الفهري

لاهنت يا بو عبدالرحمن وبيض الله وجهك على القصيده الزينه وقول لك انك اطلق شاعر شافته عيني يا صبي قحطان

السلام عليكم

صح لسانك وسلم بنانك

والله لا يهينك

قصيدة جزلة خفيفة تحمل من الصدق والواقعية ما يستحق ان يذكر

وتستاهل يا ابو عبدالرحمن اني اوقف واضرب لك تحية على ما ابدعت بة............................


وتقبلوا فائق تحياتي


اخوك/ابن هملة

__________________
قاضي المحبة

تم شطب رابط الموقع(ادارة الموقع)

للتواصل/

alhbabi-a@hotmail.com