[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
راكب اللي كم تمنيته وربي و جابه = مدةٍ من يد من لجله رفعت يديّه

كل ما هوجست والماضي فتح لي بابه = اتناوش طارته ليمالت العصريه

كن لونه ليسرا لون الشفق و حجابه = وان كبست النور عالي بارق الوسميه

صنعة اللي من تواصيفه يحلق اشنابه = ما يعرف سلومنا والعاده الجديه

جكس تمثاله و لمباته و نور صطابه = لمعة فصوص الذهب بالموضه العصريه

دقمة سويكه على البصمه من السبابه = و حس ماطوره نسيم الصبح و الفجريه

في لزوم الكفو يرخص لجل نقل كتابه = وافي فيه المراجل خلقةٍ فطريه

ابن عم و تاج راس ومن خيار اللابه = راس عود وساس خال و سمعته محميه

يا سلام الله على بنك الوفا و حسابه = مسندي ليقلت حساباتي البنكيه

يابو خالد هاجسي جاني و حط ركابه = نوخت لحمولها والرحله البريه

يا علي عطني علوم الديره الجذابه = اتحسس عن علوم العطله الصيفيه

خابرٍ علم الجماعه والقرا و هضابه = و خابرٍ علم الحيا والنشره الجويه

انت تعرف وش مغيّر خاطري واسبابه = ما علي ناقص ولالي حاجةٍ سريه

و الله ان جفوا القريب لعصبته واقرابه = كيةٍ تحت الضلوع و من تحتها كيه

ووالله اني نسل عودٍ موقفه يزهابه = فزعة اللي من زمانه حالته مرثيه

شاجعٍ تشكي خصومه من فعل مخلابه = صادقٍ في كلمة لسانه و سر النيه

ان تكلمنا نشمّت عالمٍ كذابه = وان سكتنا من يداو الحاله النفسيه

زرفلت بحمولها والصيف لم ثيابه = و المواتر جاهزه و بيوتنا مبنيه[/poem]



و سلامتكم