بعد فرقاكــ

[poem=font="Simplified Arabic,6,black,normal,italic" bkcolor="transparent" bkimage="backgrounds/15.gif" border="none,medium,gray" type=2 line=0 align=center use=ex num="0,black"]
لعل تسلم لي على قمة الذوق=يامن رسم حلو المشاعر بيده

ترجم احاسيسه مع صادق الشوق=ومديت له يمنى الوفا قبل مده

ياحبيَبي منته مثل اي مخلوق=انته سمي الطيب كل ن يوده

لاشك دنيانا تبي تسوقنا سوق=وكل ن عن الثاني تحاول تصده

وانا صراحه عقب فرقاك مسروق=قلبي ولاغيرك بيقدر يرده

تلقاه من فرقى المحبين محروق=ومن بعْد والله ماني اليوم قده

أشعر كأني يالغلا حيل مخنوق=وان الفضا من ضيقتي ضاق حده

دمعي تحدر من فراقك على الموق=جرح خفوقي بالخفى قبل خده

لولاي كاتم مابصدري بصندوق=كان انتشر سري وبيحت سده

ولولاي أدري كل مطرود ملحوق =كان أنتهيت ومت من قبل مده[/poem]

__________________

ارحب يا ناصر بن هذال

صح السانك وبيض الله وجهك على القصيده

التي تحمل بصمة ناصر المميز دائما في شعره

تقبل تحياتي

الله يبفقيك

صح كلك ياغالي
سعدت بمروك واضافتكــ

__________________

اسف على التاخير بس توني عضو جديد

القصيدة اعجبتني جدا جدا والله يوفقك اخوي ناصر

ارحب ياابن وقيان
امين
واسعدني ارتقاء النص الى ذائقتكـ

__________________

صح الله لسانك يا بو هذال ..

شاعر جزل كما عهدناك ..

ارحب يا ناصر


صح السانك على القصيده الوافيه


لاهنت

الأخوان مشاري والعبدي
شاكر ومقدر مروركم البهي .

بيض الله وجهك قصيده جزله
لو لاي كاتم مابصدري بصندوق @ كان انتشر سري وبيحت سده



تقبل مروري اخوك
عبدالعزيز محمد الخنفري