الشاعر / محمد الدحيمي

السلام عليكم ورحمه الله وبركاته




غربة بلا عنوان



يعين الله يادنيا تسـوق ايّامهـا الأحــزان
. يعين الله .. وانتي مثل قفـل ٍ ضـاع مفتاحه


يعين الله ... وجروحي لها في كلّ وقتٍ شـان
كذوب اللي يقول ان الزمن بيـداوي جراحه


سقى الله يوم انا يمـّه غرير ٍ يزعج الجيران
سقى الله يوم انا طفلٍ يصج البيت بصياحه


سقى الله يوم كان اقصى طموحي .. لعبة الدنّان
نهاية يومي المغرب ... واخاف الليل واشباحه


سقى الله يوم انا البس بشت ابوي وثوبه القيطان
واقلد كلّ شيٍ فيه .. حكيه .. جدّه .. مزاحه


واشيل المسبحه مثله ليا هوجس وهو سرحان
بيشعر ...واحسب ان اللي عطاه الشعر مسباحه


سقى الله يوم كان آخر وصولي .. راعي الدكّان
براءة طفل ماتحسب صروف الوقت .. ذبّاحه


سقى الله ضيقتي لا شفت (ساره) تمدح الورعان
طفل بعيون طفله لو تذّمه .. قال مدّاحــــــــــه


سقى الله بيتـنا ذاك البسيط مشقق الجدران
شجـاع ٍ يهزم الغدراء ... بقنديله ومصباحه


تكحِّلنا القناعه .. لا طمع .. لا هم .. لا حرمـان
واذا جاء الليل تكفينا ... ثلاث اخوان .. طرّاحه


جميع الذكريات اللي غدت في قفرة النسـيان
. يحـاكي حلوها عبره ... بموق العين سبّاحه

خذتني غربـةٍ عنوانها ... غربه بلا عنوان
ابي عقب التعب راحه ... لقى فيني التعب راحه


رجعت اليوم مثل اللي رجع عقب القنص خسران
غدا طيره وجاء يسحب سلـوقيه وملواحـه


قصيده مابَعَد مرّت ببال (مسـاعد وضيـدان)
هواجـيس ابدويٍ هايـم ٍ في عشق فـلاحه


وروح ٍ تايبـه كانت تبي لذنوبـها غفـران
خطـاي انّي كتمت اسرارها بعيـون بواحه


تقولين المطر ماهـوب ... يمّـه دايمٍ هتان
اجل معذور قلبٍ في همومه ضاعت افراحه

انا يمـّه غلطت ولاني اول واحـدٍ غلطان
ابونا آدم من الجنه خرج باسباب ... تفاحه


خذلك الوقت فيني .. ماخذلتك ياأعـز انسان
. وش الدبره ؟ وحظي صار.. قفل ٍ ضاع مفتاحه

__________________

الله الله فطرة الطفوله أطلال الماضي جمال الحياة وبساطتها الحنين للواقع الذي يتوقع الشاعر أنه أجمل

شيء مر في حياته كم نحن سعيدين جدا عندما نتذكر الماضي الجميل الله من شاعر مبدع ورائع الله

دره ع هذا الخيال الواسع أخي سعد أنت رائع وصاحب ذوق بارك الله فيك ع هذا الإختيار الموفق

خالص شكري لك أخوك ..........

__________________

ارحب يا سعد

لاهنت على الاختيار والذوق الرفيع

تقبل تقديري

صح لسانك ولسان الشاعر محمد الدحيمي


مشاركاتك ياسعد دائما مميزه


لك جزيل الشكر

وتقبل التحية

من اجمل المواضيع والقصايد
ولاتحرمنا من مواضيعك الوافيه وتقبل تحياتي

سفر بن مبارك

أبو معتز

ابراهيم الرفيدي

مرعي بن لعور


شكرا على مروركم الجميل

تحياتي لكم

__________________