[[محمد الأحمد السديري]]

[poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
شى بقلبى يا ملا حايرن فيه =شىء تحير ابه العقول الفهامى

مخفيه بفوادى ولا ودى ابديه = وادور الخيرات شرقن وشامى

احترت بة ما شفت شى يحاليه = واليوم ابنشد عنة مانى بكامى

سيل حدر مع وادى غير واديه = مدرى حلال ماة والا حرامى

كانة حلال جايزن شرب صافيه = وش حللة يا مفسرين الحلامى

هاتوا تفاصيلة وهاتوا معانيه=نبى الدليل اللى علية الكلامى

نبى دليلن يفهم الدرب ماشيه = يمشى بة التاية بليل الظلامى

يمشى بة التاية ويقدى مواطيه=ويشرب قراح الما لياصار ضامى

لا شك هجسى يوم خلا مماشيه = انة حرام ومنة زود الاثامى

احرم من الزقوم مرة وحاليه = وشربة على الضامىيزيد الهيامى

اللة من قلب همومة تقزيه = تدك بة مثل الجراد التهامى

من ما جرى قامت تتلة مشاحيه = تل الرشا من فوق هدف المقامى

روابع قامت تصيبة وتخطيه= شاف الهوايل واختلاف الاسامى

ما يسمع الداعى اليا قام يدعيه =يعوم فى بحر من الهم طامى

ما ينتبة للى بصوتة يناديه = يزيد همة يوم كلن ينامى

يشوف وقتن ما عرفنا تواليه = وقت يشّيب منة ابن الفطامى

هذا زمانن كثيراتن بلاويه = الغيم يقلب فية عج وكتامى

يا بعد شرب الما على كبد راجيه= ما سيل الغبرا زعوج الجهامى

انبيك يا من كلمة الحق ترضيه = اعطيكما ينفعك وافهم كلامى

قصرن يذلك لا تقابل مبانيه =خلة عسى شامخ طويلة هدامى

خلة عسى ما صاب اغادير يفنيه= يودع منازلة الطويلة رجامى

لوزان مدخالة وطالت حواميه=شيّد على الخيبة قليل الرحامى

وحى يوريك المذلة وتغليه= أنا أشهد أنك ميت القلب عامى

من لا يودك لا تودة وترجيه= ارفع مقامك يا عزيز المقامى

ارفع مقامك عن عدوك وتوذيه = ويلحقك من تركت رفيقك ملامى

حق الرفيق وواجبة لا تخليه= يلزمك مثل الوالدين الحشامى

اختر عزيز الجار والحق يعطيه= شبل على هرجن يقولة يحامى

ما دك بة عرج المذلة وطاريه= يسبق على فعل الفضيلة شمامى

ومن قارب الاجرب بالامراض يعديه = عدواة تسطى باللحم والعظامى

درب السلامة بيناتن مماشيه= ودرب العطب يرث عليك اللكامى

ابعد وقلبك نازح البعد يشفيه = وتلقى عن الدار البغيضة مقامى

دارن بدار وداعى الذل عاصيه=ولا تقبل الذلة نفوس الكرامى

الذل موت حاميات ضواميه = ادخل على منزل فروض الصيامى

عن مقعد بالذل عينك تراعيه = الموت عند الذل امان وسلامى

يرضى المذلة من تردت هقاويه= والذل يجفل منة قلب العصامى

والعبد لة رب عن الناس يغنيه = ولولاة ما صاب الهدف كل رامى[/poem]

__________________

تسلم على نقل هذه المعلقه

وانت سالم غانم لاهنت يابو فهد ...........................

__________________

السديري ظاهره لن تتكرر شكرا يا أبا فيصل إختيار موفق لاهنت

السديري رحمه الله من الشعراء

النادرين الذين مروا على التاريخ


لاهنت يابو مبارك وبيض الله وجهك يالسنافي
على النقل المميز والراائع

__________________



ممصمنا المبدع
تركي العلياني
ألف شكر لك

لاهنت لاهنت يا ابو مبارك على النقل الموفق والاختيار الراقي دائما

وهذه الرائعة من روائع محمد الاحمد السديري احدى اختياراتك

بيض الله وجهك وتسلم يمناك لاعدمناك

لك كل الود والتقدير

اقتباس:

المشاركة الأصلية كتبت بواسطة سفر بن مبارك بسم الله الرحمن الرحيم إحدى روائع محمد الأحمد السديري .. رحمه الله .. قمة المتعه في المعنى والجزاله ... [poem=font="Simplified Arabic,6,blue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"] ارفع مقامك عن عدوك وتوذيه = ويلحقك من تركت رفيقك ملامى حق الرفيق وواجبة لا تخليه= يلزمك مثل الوالدين الحشامى اختر عزيز الجار والحق يعطيه= شبل على هرجن يقولة يحامى [/poem]

احترت بين أبيات هذه القصيدة التي هي ملحمة مترابطة المنعى
جزلة تحمل الحِكَمْ وروح الشاعر بين طياتها ..

فلك الشكر لمن أختارها ليرقى بذوقنا نحو الأفق البعيد
بالفعل من روائع محمد السديري نسأل الله له المغفرة ولجميع موتى السلمين ..

ودمت بودّ ياأبا فيصل؛؛

شكرا لك يابندر لاهنت على المرور......

__________________

شكرا لك أخي بندر لاعدمتك...........

__________________

الاخ سفر بن مبارك

السلام عليكم ورحمة الله وبركاته

قصيده من روائع الحكم

والشاعر الامير محمد الاحمد السديري ظاهره زمانه

في الشعر والجزاله والحكم

وله فضل كبيرف في تأليف كتاب ابطال من الصحرى

رصد فيه حقبه هامه في تاريح الجزيره عن طريق توثيق اعمال الفريس والشعار اناذاك

في زمن المعلومه تندثر الا مايتم حفظه عبر القصائد المتناقله على السنت العامه والشعار

اشكركم على هذه القصيده

ولعلي اضيف بيتين يصور فيها الامير السديري كبريائه وعزت نفسه وقعت على يدي اثنا مداخلتي

يقول
ان جا ينادمني وضيع من الناس=صديت عنه وقلت منت بنديمي

ماهوب كبر وكل ناس لها اجناس=وعندي عزيز النفس دايم حشيمس

انادم اللي رفقته ترفع الراس=وياقف معي دايم بوجه الخصيمي

ان كبرت القاله والارياق يباس=يضيم عدوانه ولا يستضيمي

تقبل مرروري ..تقبل تحياتي