ماهو لجل عين الصبي لجل عيون اخيته

قصيدة عجبتني وشـآعرهآ مميـز بقصـآيده وحبيت آني آنقلهـآ آليكَـم ..

عزاه ليت الصبر يشرى والله اني لشتريه = وياطي حالي من غرابيل الزمان وطيته

اثر الهوى يخلي الرجال ينسى امه وابيه = الا بري حاله وعزيله وممحق نيته

يصد عن بعض الوجيه ويشكي لبعض الوجيه = لاهل دمعه عند خلق الله وربي بيته

ياليتهم يدرون باللي في فوادي كلّبيه = كان اعذروني واتركو قلبي على سجيته

(مجنون خلقه ) وابتلاني واحدٍ حسبي عليه = جنيتي من يوم شفته عانقت جنيته

شرع بقلبي من يسار وقام يسحب مايليه = لرتحت من شلفاه شفت الموت من جنبيته

الله مسخّرني كذا والقلب في راحة يديه = قلبي معه بشهود ومعرّف على ملكيّته

ماغيراراقب طلعته واقول يالله تهديه = عساه ياقع في محابيل الغرام وخيته

امشي معه كني سفيه وارجع معه كني سفيه = الله معنيني معه من بيته لكليّته

لاشفت زوله من بعيد وكل شبحي لد فيه = كنه يقول اني باموت ولا عَبر محميته

انشهد انه فالحلا والملح مامثله شبيه = كن الحلا في معصمه والملح في كفيّته

ابيه من قلبي ابيه وكل مافيني يبيه = لخطيت من حسناه راضي لو تجيني سيته

لو المطالب بالتمني دون كيف ودون ليه = كم واحدٍ لامن طلب تحققت امنيته

ياليت له اخٍ صغيّر واتعذربه واجيه = لاقال وش عندك هنا طلعت له عيديته

والله لعزّه وان تعثر قلت بسم الله عليه = ماهو لجل عين الصبي لجل عيون اخيّته

ذبحت نفسي من غلاه الله يرحم والديه = واللي ذبح نفسه بنفسه كيف تِدفع ديّته

الشـآآآعر :: سـآلم بن جخير العرجـآني