{{{مشكله كــــــــــــل القبايـــــــــــــل }}}

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
إسمحوا لي بتكلـم ، وبالصـوت الشهيـر=عبر موجات الحقيقه ، وفـي كـل إتجـاه
وإنشروها فالمجالس ، يصير اللي يصيـر=خصمها مغلوب وأرض الله أقرب من سماه
يامدور للأمـاره علـى النـور القصيـر =الأمـاره مركـبٍ صعـب ماكـلٍ قـواه
الأمـاره كيـف وشـداد ولسـانٍ شطيـر=ومجلسٍ مفتوح من جـا يـدور لـه لقـاه
والتواضـع والسماحـه وعقـلٍ مستنيـر=وإرتفاع النفس عـن مرتـع الظلـم ورداه
أشهد إن (المشيخه) تفضح العقل الصغيـر=وترفع اللي ربه أكمل لـه العقـل وهـداه
كم هبيلٍ جاب ختـمٍ كبـر خـف البعيـر =حصله بالواسطه لو ماهـو فـي مستـواه
مظهره بالبشت والهيكله مظهـر وزيـر =وإن طلبته علم كنك تهـرج لـك حصـاه
(الشيوخ) أصناف وإنشد عن الواقع خبيـر=بعضهم يسوى ميه ، بعضهم ماله حيـاه
مشكلة كل القبايـل مـن النـذل الحقيـر=لايجيـب حقـوق ربعـه ولايكفـي غثـاه
من خدم ربعه بصدق ونقـا هـو الأميـر=جعـل شيـال الختـوم الدعائيـه فــداه
الموفـق للرفـاقـه يشـيـر ويستشـيـر=والكـلام اللـي يقولـه يصونـه ويحمـاه
ويتواضـع بينهـم للصغـيـر وللكبـيـر=كلهـم عنـده سـوى ماظلـم هـذا لـذاه
وقفته في واجبه تجبـر العظـم الكسيـر=ذمتـه بيضـاء ولايختلـف بنـيـاً بـنـاه
الرجال يميـزون الحكيـم مـن الغريـر=ا لغرير يغر ربعـه ، ماحـد منهـم يبـاه
جنبوا عنه وقعـد فالخـلا مالـه شويـر=مثل طرقيْ لحالـه ، مامعـه إلا عصـاه
خير مافالرجل صـدق النوايـا والضميـر=والغنـاه بطاعـة الله يـاطـلاب الغـنـاه
موقف الرجـال يعـرف غنـي ولا فقيـر=ا لغنى والله غنى العقـل كـان الله عطـاه
والغنـى بالمـال يفنـى ولافالمـال خيـر=لوكنوزه تـازن طويـق وجبـال السـراه
يالله أعصمنا عن الجهـل وإجعلنـا نسيـر=في مواكب طاعة الله ونكره مـن عصـاه
يركض الإنسان والموعد الشـوط الخيـر=مادرى كم يوم قدمـه ، وكـم يـومٍ وراه[/poem]

الشاعر /فيصل الرياحي

__________________

nasser05000@hotmail.com

صح لسااااااااانك ولسان شاعرها ولاهنت نفداك على نقلها لنــا

ماكذب في كل بيتٍ قاله وانا اشهــدد ....

__________________

لسماع قصائد الشاعر : سعيد بن مانع
اضغط هنا

صح بدنك ياطويل العمر ومن قال ما يهووون ومنوور الصفحه ولا هنت على مرورك الكريم يابو مانع

__________________

nasser05000@hotmail.com

اخوي ناصر العبيدي الغامدي بيض الله وجهك ووجه الشاعر فيصل ، وقصيده طيبه بارك الله فيك وفي انتظار المزيد الله يعطيك العافيه .

ووجهك ابيض اخوي نجم الخليج ولا هنت على مرورك الكريم وعسا نجمك ما يغيب يانجم الخليج

__________________

nasser05000@hotmail.com