رسالة موجهة لأصحاب العلاقات المحرمه( المعــــاكســــات)

[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]




الصبح بين فز يامكثر النوم =قم وأسمع النصاح وأفهم كلامه

قدامك التجار والسوق مزحوم =دور حلال الرزق واترك حرامه

مأنت بعلى بعض الطواريق ملزوم =لاصار قسمك من شعيل سنامه

ومن عادة الأحرار ما تكثر الحوم =تقبل على الصيده بعزم وصرامه

الفوت لامن فات ما ينفع اللوم =ما ينفعك لامنك سقت الغرامه

غيرك شرا وأفلح بها وأنته تسوم =ماتدري إن الموت تقرب سهامه

ومانته مخلد قبلك الفرس والروم =ولت حضارتها وصارت عدامه

فيالحر خل مسامر الليل للبوم =ليل الدجى شفه وغاية مرامه

وسط البحر دوم وهو يجهل العوم =ويبغى السلامه وين يلقى السلامه

يضحك معك ساعه وساعات مهموم =ما يدري إن همه سبايب غرامه

يحب له بنت لها عشرة رقوم =وصار القعود اللي بيدها خطامه

وراحت حياته كلها حلوم في حلوم =وقلبه على الصحوه يفضل منامه

ما يمسي إلا بأغنيه لأم كلثوم =وليا أصطبح يصبح براغب علامه

عشان بنت بيتها صار مهدوم =مابه ولا شخص من الناس سامه

معها شهاده جامعيه ودبلوم =لكن شرفها كيف تبني هدامه

دام الحيا والصدق في البنت معدوم =ولا همها نقد العرب والملامه

تصير مثل الكاس لا صار مشروم =على يدا راعيه يلقى حطامه

وعن مثلها الرجال يعتز ويشوم =ما يقبل بها من براسه قرامه

يقبل بها رخمة معه قطعه رخوم =لاعندهم شيمه ولابه كرامه

تخاشروا فيها وصاروا لها خدوم = وكل دفن راسه سواة النعامه

وصارت كما أرض فوقها عدة خصوم = كل عليها قام يبني خيامه

ياكبر كبر الفرق بين أمس واليوم = فعايل الشجعان صارت رخامه؟

من أول اللي في اللقا ينطح القوم = وفي ساعة الهدات يكرب حزامه

عينه على الأعراض ما تكثر السوم =تحداه عن كحل العيون الشهامه

واليوم عين الرجل كن وسطها زوم =تصور ليا مرت أم اللثامه

صوره بدقة وحدة المايكروكروم =أشد من تدقيق عين الحمامه

واللي لا مرت يلتفت كنه ملطوم =سموه رديان الروابع هلامه

مرحوم يامن غرك إبليس مرحوم =ما من ورا النسوان غير الندامه

حتى ولو تسعى لهم دايم الدوم =عليك بيشحون بالإبتسامه

فدام العسل ياواسع العرف مسموم =لا تاكله وارمه بوسط القمامه

لانيب لا غادي ولانيب موهوم =شاعر ووصف ما يشوفه أمامه

وأظن بإن القصد واضح ومفهوم =ولا يجهل إلا من براسه غشامه

لأن الرجال أنواع وأشكال وقسوم =وكل حسب عرفه يحدد مقامه

هذي بيوت كنها عقد منظوم =جت من ضمير لايع الوقت ظامه

مشاكل حطت على كبدي وسوم =وحروب هم مثل حرب الرغامه

ولاصار بين الناس معطى ومحروم =وبأمر الولي يهل مزن الغمامه

فــ(سعود) يدري بإن ماجاه مقسوم =من واحد سواه وأنشز عظامه

رب خلق شمس وقمر وأرض ونجوم =والكل منها ماشي في نظامه

هذي علومي يوم كل له علوم =لعل راع النوم يقطع منامه

وإن كان ود النايم يكمل النوم =فأنا بري منه يوم القيامه[/poem]

وسلااااااامتكم

__________________

سبحانك اللهم وبحمدك أشهد أن لا إله إلا أنت أستغفرك وأتوب إليك

صح الله لسانك

على القصيده التي تحاكي الحال المدمي

كل الشكر..

عينه على الأعراض ما تكثر السوم تحداه عن كحـل العيـون الشهامـه

صح لسانك ياسعود

وبيض الله وجهك

قل يالله ثم يالله أن الله يجعل شيبانك في الجنة

عز الله وافيه ياوافي

وصح الله لسانك يالغالي تقبل مروري

الله يبارك فيك ياسعود
والله انها قصيده وافيه وانت وافي
بيض الله وجهك مليون مره


والله ما أمل من ذا القصيده

__________________

لسماع قصائد الشاعر : سعيد بن مانع
اضغط هنا

ارحب يا الشاعر سعود
بيض الله وجهك وصح السانك . قصيده تحكي واقع الحال لكثير من الناس . احسنت
تقبل مروري

سعود

شاعر مميز وعذب


وصح الله لسانك

وبيض الله وجهك على تواجدك


تحياتي

__________________



ممصمنا المبدع
تركي العلياني
ألف شكر لك

صح لسانك يا سعود

والله يكتب لك أجرها

__________________


http://www.qahtaan.com/works/up/get....fmnp1261962149

صح لسانك يا سعود

والله يكتب لك أجرها

تحياتي00000000اخوك

ارررحب ياسعود

زانت علومك وبيض الله وجهك لاهنت يالذيب

__________________