يالله عسى من لامني فـ/ حب قحطان .. !!

بعد السلام عليكم جميع .




,,









[poem=font="Simplified Arabic,5,black,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
يالله عسى من لامني فـ/ حب قحطان=يصبح علاه الصبح والضيم حاديه
حتى يعرف إن الرياجيل أحيان=أطيبهم اللي لا قسى الوقت يجفيه ..!
ويا لايمي في حب الأجواد غلطان =ترى الذهب معروف غشه وصافيه
أحبهم وأهرج بهاا سر واعلان=حب النقا ماني عن الناس مخفيه
قبيلةٍ يهذي بهاا كل ميدان=شف الغريم اللي تهاوت عزاويه
أرررحب هلا حييت من منطق لسان=زين النبا يا حي من هو يحييه
فزعاتهم لا ثور الجيش دخان=لو يعترض سنجار ما تبتلش فيه
الله خلقهم للمواقيف عنوان=أقرا وغيري فالمخاليق قاريه
عدٍ يصدر وارده عنه ضميان=وعدٍ قبل يارد على الجال يرويه
وفزعة "بني قحطان" من غير تبيان=منهم سقاا هداج تيما ضواميه
سبحانه اللي شمخ الطيب سبحان=كنه على قحطان شيد مبانيه
واللي يبا ياخذ على القول برهان=شطرٍ وسمته من حلالي وأبا أبديه
ينشد ليا منه وصل آل سفران=عن موفي الحاجات مكرم عوانيه
عبدالله اللي مرتكز بين سلطان=اسمٍ قدم واسمٍ على العز تاليه
ويعاين المقصود كله على شان=أما قنع بالقول شوفه يقديه
هذا وأنا من مزبن الجود عتبان=قومٍ لهم في سلم المجد عاليه
وقفاتهم يرجح بها كل ميزان=بأدنى جهدهم يبلغ العلم قاصيه
ذباحة الحايل وللعرف بيبان=لطامةٍ يا ويل من هو تعاديه ..!
ورثة أبو عن جد عن جيل جدان=عاداتهم ما هيب سمي واسميه
العام حنا والقحاطين عدوان=واليوم كلٍ له رفيقٍ يخاويه
ولا ياصل المرقاب من غير جنحان=طيرٍ بدا .. لو قيل زانت مواريه
"وما قل دل وزبدة الهرج نيشان" =بيتٍ على راكان بأختم وأغنيه
ويالله عسى من لامني فـ/ حب قحطان=يصبح علاه الصبح والضيم حاديه[/poem]

صح لسانك ياعايض

والقصيده جزله ومن رجال جزل

تقبل مروري
وشكرااااااا

عايض المقاطي



صح لسانك مليييارات


تقبل مروري ياالغالي



تحياتي

أرحب يا المقاطي ..

صح الله لسانك ..

قصيدة جزلة من شاعر جزل ...

ما عليك زووود يا عايض ..

ومليون نعم بقبيلة عتيبة ..

ومليون نعم بالشيخ عبدالله بن سلطان بن سفران شيخ الخنافر ..

لاهنت .. وفي انتظار ما تجود به قريحتك من مثايل ..

وتستاهل سمعة ..

أخوك/ مشاري بن نملان الحبابي

صج لسانك ياعايض

والله يديم العز من بين الاخوان

جمل الله حالك ولاقلت الا الحقيقه وقحطان وعتيبه

اشهر من نار على علم

ونعم بك وبربعك وجميع القبايل حقها فيها

لاهنت وتقبل تحيات بحر

__________________

ارررررررررررررررحب يا المقاطي

والله يحييك في محلك الثاني

وصح الله لسانك واعتلاء شانك

وانت كفو وربعك كفو والممدوح ابن سفران يستاهل الطيب

والله يجمل حالك ولا يهينك
والله يديم المحبه بيننا


وننتظر جديدك وتواصلك يا الذيب

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

صح الله لسانك

__________________

أجمل ما في المووووت ..أننا حينما نمووووت
تصير بقايا أجسادنا
رمل بصحاري بلادنــــــا
يأتوووون أحفاد أحفادنا ...يبنون منا بيووووت ..!

ارحب تماتيك يا عتيبي وما عليك زود وما يستغرب الطيب منك وانت عتيبي والله لا يهينك


وصح لسانك

__________________

والنعم بك وبربعك عتيبة يالمقاطي

قصيدة رائعة

مشكور يالغالي وتقبل تحياتي

__________________

صح لسانك يا عايض

وما عليكم زود

__________________


http://www.qahtaan.com/works/up/get....fmnp1261962149