سـعـد عـلـوش [ قصائد مهرجان دبي الدولي للشعر 2009 ]

السلام عليكم ورحمة الله وبركاته





مساء الخير على الجميع







أضع لكم قصائد المبدع الذي لا يكتب الشعر إلا للشعر


و ليس له مآرب آخرى من وراءه واكبر دليل قصيدة [ الاشجار ] و [ بالروح وبالدم ]


هنيئاً للشعر بشاعر رآقي في حجم سعد علوش







إليكم قصائد مهرجان دبي الدولي للشعر :










[ الآشجار ]





تهب الريح ولاّ ما تهب الريح يالاشجآر

أنا لازلت أشوفتس أجمل الاشياء وأعلاها


لأنتس تفرزين الاكسجين العذب والاثمآر

وحنّا نحوّل إفرآزك خبائث ونتحاشاها


يا كبر الفرق من قُعر الجحود لــ قمة "الايثآر"

ويا كثر أشياء نعرفها ولا نعرف وش معناها


كلينآك ولبسنآك وجلسنآك وشعلنا النار

يا "فضحي ".. كم خذينا عمرها ولا شكرناها


أنا آسف عن الحطّاب والحمّال والنجّار

أنا اسف على كل الخطايا اللي خطيناها


أنا أسف بقلب الشاعر الممتلي أزهار

يقيس الكائنات بفعلها ما هو بأسماها


خلقتا الله نكلّم بعضنا في الكون .. والصرصار؟

أكيد إن له فوائد بس حنّا ما عرفناها


يجوز إنه يفود أكثر من الثرثار والغدّار

ومن (كمّ) النساء اللي تفاخرها بــ أعضآها


يا بن آدم .. علام الكبر والتكبير والاكبار

ترا أجدادك تحت الارض هذي اللي أنت توطاها


يجي يوم وتكون "جدار" أو "أحجار" أو "غبار"

قبل ربي يحشر الناس ويطلّع خفاياها


ويجي يوم تتمنى تكون غصن في عآلم الاشجار

ويجي يوم تتمنى تكونها قبل تتمناها





http://www.youtube.com/watch?v=edjZDml4TqU



تحميل بصيغة الجوال 3gp

http://www.qahtaan.com/works/up/get....qruw1239978772

صوتيه

http://www.qahtaan.com/works/up/get....65se1239978772







:







[ بالروح وبالدم ]






"بالروح وبالدم وبـ الاحذيه"

نقدر نحرّر أرضنا من الطغآه !!


بالروح وبالدم وبـ "الاغنيه"

نقدر نحرّر أرضنا من الطغآه !!



بالروح وبالدم وبـ "التسويه"

نقدر نحرّر أرضنا من الطغآه !!


هذا "خماسي" مقاومتنا المخزيه

ما فيه لا توحيد ولا به صلاه


من ينصر الله ؟ ينصره .. والادعيه ؟

ما ترتفع لله ولا توصل سمآه


لأن نتمنى من الـ إيلآه الامنيه

وإليا خذيناها ؟ عصينا هــ الـ إيلآه


يا طالبين من الضحايا تضحيه ؟

الناس مقتولون من كل اتجآه


مخدّرين بحلم عصر التنميه

ومحرّبين من الجرايد والقناه


رعاة الاغنام .. صغآر التوعيه

لو زوّروا التاريخ ؟ يبقون الرعاه


أبسط كثير من الصخب والتعريه

ما يملكون من الحياه .. إلا الحياه


صرآخ وجهاد وجنون وتعزيه

يجمعهم الطبل .. وتفرّقهم عصآه




http://www.youtube.com/watch?v=9899v...eature=related



تحميل بصيغة الجوال 3gp

http://www.qahtaan.com/works/up/get....klny1239978772


صوتيه

http://www.qahtaan.com/works/up/get....opsw1239979429








:







[ يا نبيله ]






كل حاجه يانبيله في انتظارك ..
الوطن .. والناس .. وانا في انتظارك ..

والطريق العام .. والباب الرئيسي .. والممر .. وقبضة السلم ودارك

كل ابونا يانبيله بانتظارك ..

\

لو تشـوفيني شلون امشي ويديني في جيبي .. انا و أحزاني وطيبي
كان مـاخذتي قرارك ..
كان مارحتي وقلتي ترى .. مانت بحبيبي

\

ياخســاره قلبي المظلوم والا يا انتصارك ..
رحتي واخذتي معاك ابسط تفاصيل الحياة

يامزعّلة البنات .. سحقا لكل البنات ..
انا ميت فيك .. ايش ميت فيك .. !! انتي فيك حتى الموت مات

\
ياجنـــونك .. ياانتشــــارك ..
مريّ بشارعك الاول يـ الغلا الاول .. وطوفي بس / شوفي
من وقف على عيونه في انتظارك

من بعد ماخنتي وخانوا كثير احباب يوفي
هم هم رابطه جمهورك المتعصب لطله نهارك

انا .. وطيور القفص .. والباب واشجارك .. وجارك

انتي ام الحسن ..وام العاطفه ..وحنا صغارك

فلا تلومينا اليامنا وقفنا بانتظارك ..

\

اطغي .. اطغي .. خلي الغابات تتسلف خضارك ..
بس تترك اصفرارك لـ ابتسامات المجامل ولوقارك
واتركي لعشاقك الموتى حمارك .. او بالاحرى احمرارك

\

لاتلومينا مجانينك .. نحبك

لا طغيتي .. لازعلتي .. لاحكيتي .. لامشيتي

انتي مسكينه ومظلومه .. ومعذوره ..لامنك نسيتي
لانك انتي اللي فقط ماشفتي نفسك لاحكيتي
لانك انتي اللي فقط ماشفتي نفسك ليا مشيتي

\

يادمــارك

ياوقوف العالم الثالث على شُُرفة زرارك
مادريتي ؟ !!
طيب ادري يانبيله كانك اليا الحين فعلا مادريتي

انتي اكبر مشكله تواجه الشعب الكويتي
انتي مثل الظلم والاجحاف .. بس انتي لئيمه
هم طبيعتهم عدائيين .. بس انتي رحيمه
مابدر منك جريمة ..
انتي بالفطرة بدون سلاح ومقاتل .. جريمة

وانا بالفطره .. احبك ياعظيمه

بذبولك .. وانصهارك .. وازدهارك ..

يــانـبـيـله ..



انا حالياً ترى ماني [سـعـيـد] غايب وروحي /جوارك

ماعرف للعيد يوم ... وماعرف لليوم عيد

غايب .. وروحي جوارك ..

انقذيني .. كل ماوزني نقص حبك يزيد
انقذيني .. صرت اكلم نفسي ونفسي تعيد

\

كنّا اول في انتظارك

انا وطيور القفص والباب واشجارك وجارك
كلهم راحوا وملوا ..
كلهم راحووا وخلوني لحالي .. في انتظارك

انا حاليا وحيد .. انا حاليا معيد .. لامزيد ولاجديد

الا اني اسولف مع الاخ انتظارك

عند دارك

على كرسي انتظارك

اجلس انا وانتظارك

في انتظارك




http://www.youtube.com/watch?v=UnRge...eature=related




تحميل بصيغة الجوال 3gp

http://www.qahtaan.com/works/up/get....d7oq1239978772


صوتيه

http://www.qahtaan.com/works/up/get....ipsw1239978772








:











عسى الله يحفظ الجميع ,,

ارررررررررحب ياخالد وبيض الله وجهك


على الطرح الرائع

وصح السان ابو جابر



تقبل مروري نفداك

__________________

الله يرحبّك يا فلاح


ووجهك أبيض فديتك


وصح الله لسان ابو جابر ملايين


وكل الشكر على هـذا المرور الجميل


وعسى الله يحفظك ..

لاهنت ياخالد بن شايع

عز الله ماتجيب الا السمين يابو شايع

وصح الله لسان بوجابر

تقبل مروري

__________________
جـــــــــوف بني هآآآآجر

ابو شايع الله لا يهينك ويرحم والديك على النقل الرائع

ابن علوش كلمة شاعر فيه شوي الله يوفقه دنيا ودين

تحياتي000000000اخوك

ولا تهون يا سيف


وما عليك زود



وتشرّفت بمرورك


وعسى الله يحفظك ..

ولا تهون يالعبدي


ورحم الله والديك



وابن علوش يستاهل كل خير



كل الشكر على هذا المرور الجميل

ارحب ياخالد بن شايع

وارحب سعد بن علـــــــــــــــــــــــــوش


بيض الله وجهك على هذا العمل اكثر من رائع

__________________
بعــــــض البشـــر مـن طـبـعـــه مقـــدر و محشـــــوم

وبعـــــــض البشـــــر عيــب عليـــك احتـــرامــــــــــه


اللـــي ستـــــــر عيبـــه عـن النـاس بهــــــــــــدوم

وش يستــــــــــره لاصــار عيبـــــــه كــلامـــــــــــــــه

ارررررررررحب يا ابن شايع


والله يحييك ويحيي ما جيتنا به

وصح الله لسان الفنان التشكيلي للشعر

في ذمتي انها قليله في حقه ابوجابر

وسلمت يمناك من العطب وجعلها للشحم يا الذيب

ولا هنت على التغطيه السريعه لكل جديد لبن علوش يا خالد

اخوكـ

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

الله يرحبّك يا شامخ



ووجهك ابيض




وكل الشكر على هذا المرور الجميل