مع هجعة اللي يختفون أول الليل

هذه قصيدة للشاعر الكبير وأعتبره شاعر عتيبة الأول وبلامنازع
عبدالله بن عون ..........وجميع قصائدة قوية وجزلة ولكن هذه القصيدة
شدتني كثيرا وأحببت نقلها لكم :

مـع هجعـة اللـي يختـفـون أول اللـيـل=الـغـايـبــه دايـــــم يـغـيـبــون مـعــهــا
الـنـفـس تـاقــت لـلـسـمـر والتـعـالـيـل=والعيـن أشـوف النـوم خالـف سنعـهـا
وطاب الجلوس بجانب النار ياشعيـل=وحط الحطب في ترعت مـن ترعهـا
وإليـا اسـتـوى للجـمـر فيـهـا تحامـيـل=وأقــبــل تـواهـجـهـا وقــفــى ولـعـهــا
درج على المحماس من غير تعجيـل=بـــريـــة دوب الـيـمــانــي قـطــعــهــا
أول قـطـاف سـفـوح شـــم الأكـاذيــل=اللـي جذعـهـم الـوحـش مــن فرعـهـا
شـــم يـسـاقـيـه الـسـحــاب بهـمـالـيـل=لـيــن يـتـحـدر سيـلـهـا مـــع تـرعـهــا
وتـــرى لحمسـتـهـا نـظــام ودوالـيــل=وشريعـة يمشـى بـأثـر مــن شرعـهـا
أول بـدايـتــهــا مـــدافـــع مـخــالــيــل=ومـســرى جمـامـيـل بـغـالـي سلـعـهـا
وسوقن كما سـوق الجمـال المحاميـل=مــازال حـمـوى الـنـار مـاقـد لذعـهـا
وإلـيـا تطـلـق مــن شـذاهـا زعاجـيـل=وبشت عـرق واللـون الأشقـر نشعهـا
فالـحـال سهلـهـا عــن الـنـار تسهـيـل=حتـى لـظـى المحـمـاس مــا يدّرعـهـا
وغير لها يا شعيل مسـرى الجماميـل=بـطـراق زلـبـات(ن) تـزايـد فـزعـهـا
تدريـجـة الحـيـران ومـطـارد الـخـيـل=هـــذي طـريـقــة حـمـسـهـا واتـبـعـهـا
وعقـبـه تميلـهـا عـلـى النـجـر تميـيـل=جــذاب روس الـقـوم مــن منتجـعـهـا
عوايـد لـه مـن عـلـى سـالـف الجـيـل=مــاهــي حـديــثــه تــونـــا نـبـتـدعـهـا
ومـن يــوم تنعمـهـا فــدوك الدعابـيـل=فوق أصهـب اللـون الربيـب تهزعهـا
وتضبـط قيـاس المـاء لهـا بالمكايـيـل=ضبط الخبير لصنعـت(ن) مخترعهـا
ومـن يـوم تقطـع خلهـا مثـل مـا قيـل=ترخـي علـى هدفـى السبيـل مخذعهـا
مبهـارت(ن) تذعـر بغالـي التشاكـيـل=طـــب الـعـمـس إلـيــا تـيـسـر تبـعـهـا
صفـرا كمـا القنـديـل حسـنـا تعـازيـل=مـن صنعـة الرسـلان الأول صنعـهـا
إلـيـا دارهــا الـلـي يعتـنـي بالمعامـيـل=وفـاحـت وبالفـنـجـال الأول ردعـهــا
وفيـهـا تـسـاوت خـنـة الـبـن والـهـيـل=والـنـفــس دافـعـهــا عـلـيـهـا دفـعـهــا
قـم صـب لـي ياشعيـل منهـا فناجـيـل=عـلـى سـنـا ضـــوء تـهــادى ولـعـهـا
أظـنـهــا يــامــال طــــول التـمـاهـيـل=تقـلـع هـمـومـي كـــان ربـــي قلـعـهـا
وتفتـح لهـا أبـواب بصـدري مقافـيـل=وتجمع لي أفكـار(ن) تشتـت ضيعهـا
وآخـذ بهـا عـن ضيقـت البـال تبـديـل=وصروف دنيا مـا مشـت مـع سنعهـا
دنـيــا تـصـيـد بالـشـبـك والمـحـابـيـل=نـــاس تسـايـرهـا ونــــاس تـخـدعـهـا
أحـد تـجـي لــه بالـرضـا والتساهـيـل=وهو لو تعـب فـي جمعهـا مـا جمعهـا
وأحــد ركـابـه مقـفـيـات(ن) مقـابـيـل=ولابــــاب ولا نــافــذة مــــا قـرعـهــا
وتعطيـه قـاف إليـا طمـع بالمواصيـل=وينكف معيف وسامح(ن) من طمعها
دنـيــا تـقــذل سـبــق الــحــر تـقـذيــل=وتوهنـه فــي ربـعـة(ن) مــن ربعـهـا
لو قد مضـى لـه مـن شقاهـا غرابيـل=يـوم الحرايـب مظلـمـات(ن) قطعـهـا
يوم الطلوع بها علـى الهجـن والخيـل=ما قد فهق عن طلعت(ن) مـا طلعهـا
ويوم استقـرت وأغدقـت بالمحاصيـل=صـــارت منافـعـهـا لـمــن لا نـفـعـهـا
عقبـانـهـا تـمـسـي قــوايــا مـواجـيــل=والمستـفـيـد غـرابـهـا مــــع مـرعـهــا
والـلـي مـسـار أمـورهــم بالأباطـيـل=والـلـي مـتـى مــا وافـقـت لــه بلـعـهـا
ومــن ذاق در المـرزمـات الأبـاهـيـل=أمـــا حلـبـهـا حــلــب وإلا رضـعـهــا
وحصنيها يرقص علـى هـزت الذيـل=ولـو يجتمـع قدمـه سـبـاع(ن) سبعـهـا
ولا عنـدنـا ياشعـيـل لـلـعـوج تـعـديـل=مـازال ممشاهـا علـى الـعـدل أطعـهـا
ون شفتها قامت تجانـف علـى الميـل=بـأردى ثمـن عـنـد أول الـسـوم بعـهـا
واستثن منهـا قومـت(ن) بآخـر الليـل=فـي حـزة(ن) كـل(ن) يحـب يهجعهـا
إليـا جـاء لثلـث الليـل الآخـر تراتـيـل=وقامـت ملائكـة الرضـا قمـت معـهـا
فــي سـاعـة(ن) تكبيـرهـا والتهـالـيـل=يجـنـى ثـمـار عذوقـهـا مــن زرعـهـا
وخـل اجتماعـك بالرجـال الحلاحيـل=الـلــي خــيــار المـجـتـمـع مجتـمـعـهـا
ولا تبدي الشكوى ولو ضامك الشيـل=إلا عـلــى رجـــل يــحــس بـوجـعـهـا
رجــل إلـيـا التـفـت علـيـك النشـابـيـل=أمـــا شـبـرهــا شــبــر وإلا ذرعــهــا
واختـار مفتـاح(ن) للأريـاء المقافيـل=روس الـعـلا يرقـيـك فــي مرتفـعـهـا
ومـن الزمـان اخـذ العبـر بالرحاحيـل=الــلــي مـنـازلـهـم تــهـــاوى بـقـعـهــا
يافجعـتـي لاجـيـت بـعـض المداهـيـل=ولا شفـت فيـهـا عـقـب حــي رثعـها
إلارســـوم دارســــات(ن) مـسـامـيـل=وخـرايـب يـزمـى الـسـراب بشمعـهـا
بلاقـع(ن) شهـب(ن) تهـاوى زهاليـل=الظّـاهــر أن الـلــي فجـعـنـي فـجـعـهـا
من عقـب أهلهـا لـو سقتهـا المخاييـل=مالله نـفـعـهــا وبـركـتــهــا نــزعــهــا
لاجيتـهـا جضـيـت مــن قـلـة الـحـيـل=ودنيـاي عنـدي ضــاق بــي متسعـهـا
عـلــى حـلاحـيـل تـضــد الرجـاجـيـل=حـصــن مـاعــاد إلامـقـالــع شـيـعـهـا

لاهنت لاهنت يامقبل بيض الله وجهك واختيارك موفق
قصيدة من قراها يرجع يقراها لشاعر علم
تقبل مروري

يسعد أيامك يا مقبل ويش حالك ويش حال من يعز عليك


أشكرك جزيل الشكر قصيدة جميلة ويكفي أن ناقلها أحد أركان هذا الموقع


تقبل مروري يالغالي مع تكرير شكري لك

__________________

بيض الله وجهك

بيض الله وجهك



على الاختيار الرائع


والوذق الرفيع


للشاعر الكبير


عبد الله بن عون



لاهنت يالسحيمي لاهنت