اهداء لمنتدى قحطان

[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
الشعر له ناس تقوله وتقراه = له ناس تطرب له وتفهم معانيه
والشعر في الاسلام لمواجه عداه = في وجه من سب النبي ما نخليه
والشعر تاريخ(ن) قديم ومن أسماه = سموه ديوان العرب عند راويه
والشعر موروث للأجداد وحماه = في وجيه رواده من اللي عبث فيه
والشعر في الاوطان يا زين مبداه = يثبت افعال وتواريخ ماضيه
والشعر لا جاء في الملوك وهل الجاه = يبين افعال الشجاع وعزاويه
والشعر له في كبار المواقف سواياه = يعتق رقاب خضر ويقدر وجيه
والشعر قوة حق وخيول وغزاه = وفرسانه اللي ترفعه ما توطيه
والشعر سيف ونتف راس تقفاه = أسرع من البارق وسبحان واليه
والشعر في مدح الرجاجيل محلاه = لا مدح رجال بطيب وهو فيه
والشعر لاهل الشعر وأهل المعاناه = وأهل القلوب الخضر تطرب لطاريه
والشعر في البل تنتشر ثورة اصداه = يشعل حماس الناس ويشوش راعيه
وأكبر دليل اليوم في الحفر شفناه = ذيدان عيال العود خيرة مناقيه
والشعر أبوابه من طرقها تعداه = لوم الرجال ان كان علا مبانيه
والشعر يابعده على اللي تمناه = ويكرم عن اللي لا بغا الشعر يشريه
والشعر أقوله وأسمعه وأتنقاه = وأختار من جزله وهزله أخليه
الشعر أنا بيني وبينه مخاواه = مر(ن) يخاويني ومر(ن) أخاويه
وليا طلبته فزعتة مد يمناه = في حزة(ن) أحتاج فيها مساعيه
واللي يقلل قيمتي أتحداه = أن كاني مروي عطاشى ضواميه
في منتدى الرجال الكرام المسماه = اللي يحبون القصيد وطواريه
لا لجلجو قرابع الشعر وأشباه = ناس يبون الشعر وهم حواليه
أقف على عده و اورد على ماه = وأغرف من صافيه واخشى المشاريه
والشعر ما جاء بالحجج والمحاماه = مواهب الرحمن والله معطيه
الشعر عطران الشوارب تقهواه = هو كيف روس(ن) كيفها ما تخليه
في مجلس(ن) صفر الدلال اتمثناه = مجلس رجال طيبهم يقتدى فيه
مجلس وقار وعز واسلوم وجباه = علامة السجود فيها مواريه
واختامها هذه القصيده ومهداه = لمنتدى قحطان شعري وأنا اهديه
لأدارته وأعضاه واللي تبناه = تحية الفهري تسابق خطاويه
والشعر عرافه تشوفه وتقراه = في عيون شعاره وتفهم معانيه[/poem]

أهنيك على النص

أخذت الموضوع من جميع أطرافه

أهنيك على النص

أخذت الموضوع من جميع أطراف

شكراااااااااااااااااااااااااا على هذي المشاركة

وتقبل مروري

صح لسانك

وبيض الله وجهك قصيدة جزلة ..

مبدع يالعبيدي ..

__________________


http://www.qahtaan.com/works/up/get....fmnp1261962149

صح الله لسانك يا ابن غـــانــم واعتلا شانك وعلى الاخرى عانك

انت كريم وحن والمنتدى كله يستاهل

والله انها قصيدة كفو وراعيها كفوووو
وخاصه انها تتكلم عن المواضيع اللي تدفع الشاعر لنظم القصيدهـ


والشعر في البل تنتشر ثورة اصـداه يشعل حماس الناس ويشوش راعيه
وأكبر دليل اليوم في الحفـر شفنـاه ذيدان عيال العـود خيـرة مناقيـه

.................................................. ..

واللـي يقـلـل قيمـتـي أتـحـداه أن كاني مروي عطاشـى ضواميـه
في منتدى الرجال الكـرام المسمـاه اللـي يحبـون القصيـد وطواريـه


وافي يا الفهري


.................................................. ..........................................


واختامهـا هـذه القصيـده ومهـداه لمنتدى قحطان شعري وأنـا اهديـه
لأدارتـه وأعضـاه واللـي تبـنـاه تحيـة الفهـري تسابـق خطاويـه


وصلت يا كحيلان
والله يبيض وجهك ويجمل حالك ولا يهينك

وتقبل مرور
اخوكـ البشري

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

أخواني
بن القيم.......... شامان العاطفي
أشكركم جزيل الشكر على مروركم وبيض الله وجيهكم ....
تقبلو تحياتي

بومعتز

صح لسانك ياغالي


ابدعت

__________________

لسماع قصائد الشاعر : سعيد بن مانع
اضغط هنا

صح الله لسانك

لأدارتـه وأعضـاه واللـي تبـنـاه تحيـة الفهـري تسابـق خطاويـه


صح لسانك ونعم والله يالفهري



وبيض الله وجهك قصيدة جزلة ..

__________________