أول مشاركه

السلام عليكم ورحمه الله.

انه من ما يسعدني ان اكون عضوا في هذا المنتدى الجميل و اسأل الله ان يوفقنا لما يحبه و يرضيه.

أحببت ان تكون أول مشاركاتي قصيده أعجبتني جدا و امل ان تحوز على اعجابكم.

أنا لا اعرف من قال هذه القصيده لكن اذا تعرفون دلوني.

أوصـيـك ياالـلـي بالغـلـى صــرت قــده
يـاواحـدٍ حـبــه تـربــع عـلــى الـجــاش

أوصـيـك فــي ربـــك عـقـيـده وسـجــده
ورجلٍ بـدون الديـن لاعـاش ..لاعـاش

واوصيـك فـي امــك كــل وقــتٍ ومــده
ألـلـي تـحـط كفـوفـهـا عـنــدك فـــراش

والرجـل فـي عمـه ،، وخالـه،، وجــده
يافا ،، ويصبر،، وإن لحـق بالتجـراش

بـعــض الـقـرايـب كـــل مـــازاد عــــده
تزيـد شرهاتـه وتاتـي علـى أدنــاش!!!

ورفـيــق جـنـبـك بــــدة الــنــاس بــــده
فالـحـر يـرقـى فــي جناحـيـن بـريــاش

رجــــلٍ بــــلا ربــــعٍ زمــانـــه يــهـــده
حـتــى ولـــو مـالــه كـثـيــرٍ ولــدبــاش

وحــــذراك بــابـــك لـلـمـسِّـيـر تـــــرده
فلة احجـاج ..وضحكـة الوجـه ببـلاش

الوقـت فــي حـاتـم عـصـف بــه وهــده
ويمنـاهـا ضـراهــا بـقـعـدان وكـبــاش

ذاخـــرك فـــي بــيــتٍ فـعـولــه تــســده
مـا انتـه بحاتـم!! لكـن الطـيـب ينـتـاش

واحـــذر عـلــى جـــارك لـســده تـحــده
لاخـيـر فــي رجــلٍ خـــدوعٍ وغـشــاش

واحـفــظ عـنــوة كــــل عــانــي نــــوده
يقطعـه رجـلٍ عـاش عمـره تخشخـاش

واحفـظ لسانـك واعـرف الهـرج زبــده
إيـاك مـن سمـجـة فضولـيـن وخـبـاش

خلـك مـثـل بـحـرٍ عـلـى أطــراف جــده
سره عميق ،، وهيبته ترعش ارعاش

وإن جيت فـي فزعـه ، وجـوده ، ونـده
حـاول تجمـل فــي الرجاجـيـل بالـكـاش

تـــرى الـذخـيـره كـلـهـا نــقــول عــــده
وماطـلـقـة البلـجـيـك تـاتــي لـرشــاش

وتـــرى الـمـهـار بسـرجـهـا والاشـــده
وإن اصهلـت فشاجـع الـراس يـنـداش

واحــذر مــن الجـاهـل بمـزحـه وجــده
تـرى الثعـل مـع الأسـد صــار يعـتـاش

وإيــاك مــن الشمـتـه وقـولـة مـســده
يمكن يدور الوقـت ويجيـك وشـواش !

ولا كــل مـــن صـافـيـت يـبـديـك ســـده
حتى ولو قلبك له ابيـض مـن الشـاش

ولاكـــــل رجــــــالٍ صـــديـــقٍ تـــعـــده
يمـكـن إلا مـنـه بــدا الـشـان يـنـحـاش

ولاكــل سـيـفٍ لــي شـهـر بـــان حـــده
يمـكـن يـعـود فــي جفـيـره عـلــى لاش

وحـبـل الـوفـاء تــرى السنـافـي يـمـده
حتـى ولـو جـات الليـالـي عـلـى مــاش

صح الله لسان قايلها

وسلمت يمنا من نقلها من العطب

والله قصيده فيها كثير من الحكم

وبالفعل تستحق النقل


لا هنت يا محب الفيصل وجمل الله حالك

__________________

بيض الله وجه الشاعر أبو مشرف البشري على هالقصيدة ولا هو بغريب الطيب من منبعه

اشكر المصمم سلمان آل سعد على التوقيع

صح لسان الشاعر ولاهنت على النقل

قصيدة جزلة , ولكن تنتقص لشئ واحد وهو عدم ذكره لــ الأب رغم ان فضله فوق فضل العم والخال والجد (( رأي ))

مشكور على المشاركة الطيبة


تحيّاتي

__________________
سُبـ ح ـان الله وبحمده .. سُبـ ح ـان الله العظيم

~ًًًَََُ

محب الفيصل حياك الله
وانا ايضا محب الفيصل
قصيده وافيه وجزله
سلمت يداك ومشكور
لك تحيتي وتقديري
دمت بود

صح لسانك وعلا شانك