قصيدة / علي الشناني في ملتقى الحباب

سلام ما هلت هماليل السحاب
سحاب صيف هل من مخايله
واعدادمن صلى ومن يقرالكتاب
واعداد ماتزهى الفياض السايله
وإعداد من يلبس جديدات الثياب
ومالاح برق وكل عين تخايله
في ملتقى ربعى صناديد الحباب
حضرت فيه وواجبي مسعاي له
يامرحبا وأهلين مضمون الجواب
سلم قحطان أهل الخيول الصايله
ويامرحبا باللي دعينا وأستجاب
من كل فخذ وكل بيت وعايله
حياكم الله في المجي وفالذهاب
في الملتقى اللي مانبي بدايله
فكرة لواء شاف الهدف توه وصاب
حسين بن مفتاح راع الطايله
يعيش من سعى ومن ودى الخطاب
واللي فعل خير وبذل حصايله
ويعش شيخ في الشدايد مايهاب
شيخ كفو ماتنجحد جمايله
محمد بن مهدي مرفوع الجناب
ابن عجيان الوفاء جزاي له
فتح لطيبه وكرمه تسعين باب
ومجده رفيع فوق ماأحد طايله
كريم سبلا مايحسب لها حساب
نال الوفاء والطيب كله نايله
كل المراجل فيه طبع واكتساب
وأنا أشهد إن الطيب من خصايله
والملتقى مادام لي فيه انتساب
ماهمني كثر التعب وخطاي له
تكريم لأهله واجتماع واحتساب
وكل يشوف ربوعه وحمايله
عزالله إنه ملتقى بالعز طاب
بامن و رخاء ماتلقى مثايله
والظن صاب وظن بعض الناس خاب
والشك مهما صار كل زايله
وحنا بظل اللي على الدول حجاب
حكامنا اللي يلطمون العايله
ال السعود اللي على المجرم عذاب
إخوان نوره كاسبين الطايله
ومليكنا نسل السلاطين المهاب
غيث سحابه هملت همايله
هذاك أبومتعب لما نادى مجاب
حنا جنوده كلنا والرأي له
أقولها باثبات وعيوني حراب
في ملتقى حق علي ممشاي له
(ياناشد عنا ترى حنا الحباب
سيل تحدر تابع مسايله)
حنا الحباب أهل المواقيف الصعاب
وفعولنا وقت الملاقى هايله
الرجل منا ند عشرة بالحساب
والشيخ زايد من لسانه قايله
يالله عسى الجنة مقرة والثواب
وعسىاك ياربي قبلت دعاي له
قلت الحقيقة دون شك وارتياب
ما أقول قول إلا معي دلايله
وليا ذكرت شيوخنا نذكر جراب
شيخ الحباب اللي يعدل المايله
وحسين شيخ قرم ويحل الصعاب
هذاك ابن مهمل وذي فعايله
حنا هل الوقفات شيبان وشباب
وتاريخنا يشهد لنا بأوايله
وسيوفنا دايم مخضبها الخضاب
وميدانا يرعب صهيل أصايله
وسيوفنا لي مالت تقص الرقاب
وخصيمنا ماتنفعه وسايله
واللي يعادينا نجازيه العقاب
ويموت في الدنيا وغله غايله
على الصديق نكون سمحين الجناب
وعلى المعادي مثل شمس القايله
ويوم العرب كانت على ظهور الركاب
كم شيخ قوم نوخت رحايله
وعلى حدود الدار ناقف مانهاب
تشهد لنا يام وقبايل وايله
في مشينا ناطا علي رس الدواب
وراس وطينا بلغوا عزاي له
وأن ثار بارود الوغى مثل الضباب
نصبر على الحرب وعلى هوايله
حنا معا وقت الحضور وفالغياب
لي شب حرب وولعت فتايله
صغيرنا على الوفا والطيب شاب
وكبيرنا يبقى علي صمايله
ويوم الردي ماهمه إلا أكل وشراب
حنا المراجل همنا والطايله
من طبعنا نرسي مثل مرسى الهضاب
مثل الجبال النايفات الطايله
وكل القبايل كفو مافيهم عتاب
وحق لكل يفخر بقبايله
يالله تجعلنا على درب الصواب
يالواحد اللي نرتجي فضايله
وعسى دعانا لي دعينا مستجاب
يارب تقبل كثره وقلايله
أفتح لدعوة من لجالك كل باب
ياخير دايم والخلايق زايله
أقولها ولا أهرج هرج يعاب
آخذ جزيله تارك هزايله
الصيد مايأتيك به غير العقاب
حر قضب صيده وجابه شايله
والسيف ما أحد يقضبه بلا نصاب
وماكل من شله يمينه طايله
والذيب يبقى ذيب لأنه من ذياب
ماهو بمثل اللي نفض شلايله
قلته وأنا اللي في اللوازم مايغاب
ماغاب وأرسل عذره ورسايله
مالي عن الماجوب عذرواجتناب
ماغبت عنه صعبه وسهايله
شاعريمثل ربعه ووقف وناب
والشعر مايأخذ سوى جزايله
وأنا ابن عرفان آل شنان الحباب
وقحطان ساس وكلنا سلايله