****النصيحة الصادقة****

بسم الله الرحمن الرحيم

[poem=font="Arial,6,blue,bold,normal" bkcolor="transparent" bkimage="" border="none,medium,gray" type=2 line=1 align=center use=sp num="0,black"]
يافيصل أتعبت الركايب والأصحاب=وتعبت وأتعبت القدم والنجيبه

وصبرت صبر أيوب والنور ماغاب=بأمر الله المعبود موفي طليبه

وأقدم على الشدات يابوك ماهاب=والعبد في دبرة وليه وغيبه

من أجل عز النفس نبحث للأسباب=ومن لاتعب ماذب رأس الرقيبه

الصبر ثوب العز راعيه ماخاب =وفي الصبر للأنسان عزه وهيبه

يافيصل أوصيك ياطيب طاب=إحرص على وصيتي في المغيبه

أوصيك في تقوى الولي رب الأرباب=رب خلق الأنسان والمعتنيبه

وأركان رب البيت لك نور وحجاب=يحفظك إذا كبرت عليك المصيبه

يابوك أناأوصيك في أمك والأقراب=وأخوانك إحرص لايجيهم غليبه

والعلم فإ ن العلم نور للألباب=من لاتعلم جاهلا وشتبيبه

وترى الشرف والدين يابوك غصاب=من لاحفظ لاثنين ياكبر عيبه

والمنسب الطيب ترى العرق جذاب=دور على شرواك ماهي غريبه

والجار فإن الجار له حق وحساب=من لايحسب حقوق ربي غديبه

وأحرص ترافق من تردى ومن عاب =من رافقك يابوك طيبك بطيبه

رافق هل الطاعه هل الدين وكتاب=تسلم من الأشرار وأهل المعيبه

خذ الحكم يابوك من واحد شاب =يبغي لك التوفيق والله حسيبه

هاذي وصاتي فيك ياذيب ياعقاب=يامعرب الجدين مافيك ريبه

فيك الأمل والظن يابوك ماخاب =باني عليك أمال عمر صعيبه

وصلاة ربي عد ماهب هباب =على رسول كلنا نهتديبه[/poem]

__________________

ارحب ياسفر ارحب ..

والله يصح لسانك ولا يهينك على ذا الجزله وذا الوصايا الطيبه
والله يخلي لك ولدك فيصل ويجعله عز ليمناك ومسند لظهرك ويصلحه نشالله

لاهنت

__________________

لسماع قصائد الشاعر : سعيد بن مانع
اضغط هنا

أخي الكريم الأستاذ سعيد بن مانع تحية طيبة وألف شكر لمرورك فأنت من شجعني أسأل الله الكريم أن يرفع قدرك ويجل شأنك وأن يصلح لك أيضا أبنائك وأتشرف بأي ملاحظه على الخاص لك أو لأي من القراء تقبل تحياتي ومبارك عليك دخول العشر .

__________________

تسلم على هذي النصيحه الجزله والله يصلحلك فيصل واولادك

صح لسانك ومقصرت وننتظر المزيد

مشكوور

__________________
غنيت ما قصدي طرب في حياتي لاشك من دورات الايام غنيت
يالله ياللي تعلم الخافيـــــــــاتي انك تمشـيها على ما تمنيت

أسعدني مرورك وبيض الله وجهك

__________________

يابوك أناأوصيك في أمك والأقراب
وأخوانك إحرص لايجيهم غليبه

والعلم فإ ن العلم نور للألباب
من لاتعلم جاهلا وشتبيبه

وترى الشرف والدين يابوك غصاب
من لاحفظ لاثنين ياكبر عيبه


صح الله لساااااااااانك , وترااني ظلمت نفسي يوم أخترت هالأبياات وتركت باااقي القصيدة لأنها تحير فعلاااااا....

والله يصلح لك نيتك وذريتك....

وأتحفنا بالمزيد..........

__________________
ربعي عبيدة مقضب السيف مهنود ......

أمواج رعب صافقة في بحرها ......

وياك يأبو صقر الله يبض وجهك ويصلح لك ذريتك.....

__________________

انا اشهد انها نصيحه وبيض الله وجهك

أخي تركي بارك الله فيك وشكرا ً للمرورك المميز وتقبل خالص شكري............

__________________

الاخ
سفر بن مبارك
لاهنت وصح الله لسانك وفعلاً نصيحه قيمه يستفيد منها الجميع
تقبل تحيــــــــــــــــــــــــــــاتي