نايف الساطوح وثلاثين مليون نعم

بسم الله الرحمن الرحيم
السلام عليكم ورحمت الله وبركاته


اخواني رواد هاذا الصرح الشامخ ((مجالس شبكه قحطان))

المواقف الكايده مالها الا رجالها والحمول الكايده مالها الا جمالها0000000000000

موضوعي اليوم عن الشيخ نايف الساطوح العاطفي القحطاني وتدخله في قضيه ابن عمه ودفع ثلاثين مليون

وهاذا ليس بغريب على ابو سلطان حيث ان له مواقف مع ربعه والاجناب وعلومه ترفع الراس وقد تهيض الشاعر المعروف فلاح القرقاح وكتب قصيده وتهيضت وجاريت ابو محمد


وللمعلوميه كل القصايد مسجله صوت وقد انتشرت

قصيده الشاعرفلاح بن محمدالقرقاح

[poem=font="Simplified Arabic,5,red,bold,normal" bkcolor="transparent" bkimage="backgrounds/19.gif" border="double,medium,gray" type=4 line=0 align=center use=ex num="0,black"]
ياكثرالعلوم الي تقال وتجـي وتـروح=ونـاس تصدقهـا ونـاسٍ تكذبـهـا
كـلامٍ بليـا فعـل جسـمٍ بلـيـا روح=غليـثٍ يطـارد صيـدتٍ ماينيبـهـا
ولا صدق مثل العود الازرق لاقام يفوح=تعطربه ادقـون الرجـال وشواربهـا
وانا شاعرٍعن واجبي ماني بمسمـوح=واحس بمشاعر ربعي الـي تحسبهـا
والا يالجحادر سلمولي على الساطـوح=علي دربه الشيخان حفيـت ركايبهـا
ثلاثين مليون لرضا ربع واحيـا روح=عزالله العزيـز انـه تجمـل وفازبهـا
له البيض فوق النايف من الجبال تلوح=وله الشكر من حاضر ربوعه وغايبها[/poem]

مجارات الشاعرعبدالله بن صنعا العاطفي لشاعر القرقاح

[poem=font="Simplified Arabic,5,red,bold,normal" bkcolor="transparent" bkimage="backgrounds/19.gif" border="double,medium,gray" type=4 line=0 align=center use=ex num="0,black"]

ياكثر العلوم الـي تجمـع بـلا مصلـوح=وياكثـر مخطيهـا ويـاقـل صايبـهـا
كلامٍ بليـا فعـل مثـل البـروق تلـوح=ولاكـن تـروح ولاتهـمـل سحايبـهـا
ولاصدق مثل الي بناله قمـم وصـروح=ولايبلـش مـودي علومـه وجايبـهـا
ولاهنت يالقرقاح تمـدح رجـل ممـدوح=لياصعبـت الوضـاع هـون صعايبـهـا
وقف واحتما من كان تحت الخطر مطروح=ولاهابها يـوم اغلـب النـاس هايبهـا
تراذي مواقف والمواقف لهـا طحطـوح=يحـل الصعيبـه يـوم تكثـر طلايبهـا
ونايف على اسمه راعي المجلس المفتوح=ويشكر مـن صغيـر القبيلـه وشايبهـا [/poem]

__________________

للتواصل / عبدالله العاطفي
al-gentel-2008@hotmail.com

والله ماقصرت يا بن صنعا وبيض الله وجهك على القصيده الي قلتها في أبو سلطان ويستاهل المدح ولا تقاطعنا يا بن صنعاء في المسيار

__________________

الله الله صح لسانك يابن صنعا

وافي والقصيده وافيه

والساطوح وافي ويستاهل

العلم الغانم

تحياتي

__________________
[center]



alsamey2010@hotmail.com

ابو سلطان يستاهل المدح
وموقفه قليل جداً من يعمل مثله

صح الله لسان القرقاح
وصح الله لسانك يابو محسن
دايماً صاحب الجزالة ورفيق ملازم للشعر الحقيقي

بيض الله وجهك على شعور الجميل والغير مستغرب


لاهنت وبيض الله وجهك

صح لسانهم شعار قحطان ويستاهل العاطفي

شكرا للجــــــــــــــــــــميع

__________________

للتواصل / عبدالله العاطفي
al-gentel-2008@hotmail.com

بيض الله وجه

صح الله لسا نك يا بن صنعا ولاسان من جار يته وقوال يليت ادراهم عند شر وك يا صطواح

__________________

صح ألسنت الشعار
وبيض الله وجه الصاطوح

بيض الله وجه نايف الساطوح

وبيض الله وجهك يابن صنعاء وصح لسانك

وبيض الله وجه القرقاح وصح لسانه

قصائد جزلة ويستاهل الشيخ نايف الساطوح

تقبل مروري...

__________________


والله إنه صادق