مصافحه اولى

[poem=font="Simplified Arabic,5,darkblue,bold,normal" bkcolor="transparent" bkimage="" border="none,medium,gray" type=2 line=0 align=center use=ex num="0,black"]
ليا جات الصدور ورود وان جات الورود صدور = ارحـب واتهيـا واخـذ مـن الوقـت لـذاتـه
اجر الصوت واغني على المنكوس والمجـرور = ولا ادري هو طرب والا عنـا قلبـي ووناتـه
انا طبعي كذا ليزاد هاجوسـي وضـاق الـزور = اخلـي ريشـة الفنـان تلعـب فـوق لوحاتـه
وابادل من يبادلني على نفـس الشعـور شعـور =وليقفا المقفـي مـا رجيـت احسـان نظراتـه
ولا استر ما نكشف ولا اتحرّا كشفـة المستـور = ولا ادوّر لهفـوات الرفيـق و صيـد غـراتـه
وانا ماني على خوة ضعيـف الرابعـه مجبـور = قليل الجهد جهـده فـي المقفـي تقـرع لهاتـه
و ليجا في المواقف والمحاضر ما يسـد الشـور = يروغ و ينقلـب ويبـان لـك مكنـون غاياتـه
عساه إفدا الرفيق الصادق اللي معدنـه مخبـور = سنادٍ مااختلـف عـن لازمـه رايـه ووقفاتـه
هذا مثل العلاج اللي وصفـه و قالـه الدكتـور = يجـي عنـد اللـزوم يعالـج العلـه بحبـاتـه
تموج بنا صواديف الليالي مثـل مـوج بحـور = ومـن موجاتهـا مـا حقـق الرجـال رغباتـه
تعلمنـا واخذنـا مـن تجاربنـا لنـا دستـور = ودولاب الليالـي تكشـف المجهـول دوراتــه
صحيح ان فيه حمل ظهور لكن فيه حمل صدور = ومن حمل الصدر يشكي الظهر من ظيم فقراتـه
الا يالله ياللـي بيـدك ايـام السنيـن تــدور = طلبتك بالستيـره دام بـه فـي النـاس شماتـه
انا ماني بكامل وانت عفـوك يجبـر المكسـور = وتعلم يـا الهـي بـوح قلـب العبـد وسكاتـه [/poem]

ولا استر ما نكشف ولا اتحرّا كشفة المستـور
ولا ادوّر لهفـوات الرفيـق و صيـد غراتـه

رائعه بارك الله فيك

صح لسانك وبيض الله وجهك
أتمنى لك التوفيق

__________________
ALHUBABI2007@HOTMAIL.COM

ارحب يا علي السعدي





صح لسانك





و ليجا في المواقف والمحاضر ما يسد الشـور
يروغ و ينقلب ويبـان لـك مكنـون غاياتـه





عساه افداك وفدا المطاليق شرواك





يعطيك الف عافية

__________________

صح لسانك ياعلي

قصيده وشاعر قادم بقوه

مزيد من العطاء والنجاح

وتقبل تحيات بحر

__________________

مرحبا بك ياسفر ومرورك شرف لي

صح بدنك ووجهك ابيض على كل حال

سيف يكفي القصيده شرف إطرائك ومرورك العذب

بغيت انساك جعلك تحيا العتب على النظر

لاهنت يالغالي والله يطول عمرك

صح لسانك ياعلي



شاعر مافيك كلام