[poem=font="Simplified Arabic,6,black,bold,normal" bkcolor="transparent" bkimage="backgrounds/1.gif" border="double,medium,black" type=2 line=0 align=center use=ex num="0,black"]
النفس لاترضى عليها عذابها=حاول تباريها وتعرف صوابها
عقلك دليلك يالبنادم ومكسبك=ميّز مفاهيم العقول ولبابها
وجعل دروبك كلها منبع النقا=ترا الليالي ماتوريك مابها
وكن قد كلمتك أن تكلمت وألتزم=حتى تبيّنها وتعرف جوابها
أوزن كلامك بالمجالس ورتبه=دقق بكلماتك وبيّن حسابها
وحلم على غيرك ترا الناس تختلف=ماكل واحد تحسب أنه درابها
أفطن على الطيّب وشرواه لاهرج=سوالفه لاجابها بذوق جابها
مهوب مجدورٍ من العيب والخزا=يكرم جنابه عن مواطي جنابها
وأصبر على زلة صحيبك إليا خطا=وأعرف ترا الأنذال ماينغزابها
راع النمايم أبتعد عن محاضبه=فرقاه عيد وشوفته لاهلابها
ولاتشتكي من جور مابك وتعترف=شكوى لغير الله مايرتضابها
تحمل أحمولك ليا زاد حملها=خلك مثل شقران وأنقل زهابها
وبعض الحلوف أبلا سنع وشتبيبها=الصدق له كلمه ومفتوح بابها
خلك حكيم أبرايك ولاتغيّره=موارد الماء تختلف عن سرابها
وأرضى بما يعطيك ربك من العطا=ترا الطمع موارده يندرابها
غيرك يدوّر لقمة العيش مالقا=صكت بوجهه كل بيّداء شعابها
أنعم بخيّراتك وخيرات غيرك=مالك شغل فيها ولا في ذهابها
يرزقك رازق مريم الواحد الأحد=اللي رزقها الله بـعيــسى وثابها
مودع مدينة لوط صمصم من الصخر=شال أسفل الواطي ودمدم ترابها
تعلمت من دنياي حكمه وموعضه=ينبيك عن بقعا معاجم خرابها
ولانيب لاعارف ولانيب راويه=جربت من عمري أمورٍ مشابها
وصلاة ربي عد ماربرب الطها=وعداد ماحن الرعد من سحابها
على الرسول الهاشمي آخر الرسل=شفيع الأمه يوم تلقا حسابها[/poem]

__________________