مرثية

طالما اتت سيره الوالد يرحمه الله فااليكم هاذه القصيده رثاء[poem
[poem=font="Simplified Arabic,7,blue,bold,italic" bkcolor="transparent" bkimage="backgrounds/33.gif" border="solid,4,black" type=1 line=0 align=center use=ex num="0,black"]
مل قلب(ن)مايداويه المداوي = علته يانايف بن فلان عله
فيه جرح(ن) بالحنايا والعراوي = خافي(ن) كل الدكاتر ماتدله
كن معاليقه تكوى بالمكاوي =فيه نار تلتهب وسطه تمله
فيه من بقعا صواديف وبلاوي= فيه حزن باني قصر وفله
فيه هم(ن)جايع ذيبه وعاوي = فيه حلال يحلحله ويمله
وعين يا الي كنها قربة رواوي = ماتجف وتزعج الدمع وتهله
ماتنام وجالها الطاري مخاوي = ماتمل من السهر عية تمله
لا بغيت اسج جاك الطيف داوي = جاني الهاجوس والذكرى تتله
من فراقه قام يطوي الحال طاوي = طول الغيبه وجاء في القلب خله
لادخلت البيت كن البيت خاوي = البلد عفته وعفت الدار كله
قلت الحيله وحطمت الرجاوي = يازمان ميلتك ميله وفله
واعذاب اللي خدعته بالرهاوي = تبتسم له ثم تكيل الكيل كله
موت ياماخوذ ماترحم وتاوي = ليه عن ربعه وخلانه تشله
ماتشاور هادف(ن) بالليل ضاوي =يوم جينا مالقينا الا محله
ماتهاب ولاتخوفك العزاوي = من بغيته تاصله متستزله
ليتها ياموت تفداه الفداوي= والله ان اعطيك روحي فدوة(ن) له
التوجد مايفيد ولا المناوي = مايجيب ولا يودي والف لله
مايموت الصبر فيني والهقاوي = هو سلاحي بس قله بس قله
والدعا قوتي وزادي والجداوي = جعل عبد يحتسب ربي يدله
مؤمن بالقدر والامر السماوي = والله اللي يفرج الكرب ويحله
جعل قبرة روضة فيها نداوي = روضة خضرا وجنات مضلة
شايب للخير في وجهه حراوي = كل علم(ن) غانم هو هله
مايدور للطلايب والدعاوي= والرفيق يقدره مايستذله
مايجي درب اللوايا والملاوي = فيه روح (ن) طيبه ماهي مغله
مايكابر مايجامل مايراوي = مايجي علم(ن) بعد علمه يفله
عالم(ن) قاضي وفلاح(ن) وشاوي = مكرم الضيفان لانصيو محله
وان بغيت الطيب كمبودي وجاوي=وان بغيت الكيف فنجال ودله
من تتبع سيرته ماهو بغاوي=الصحيح الناس كل(ن) شاهد(ن)له
يالله المعبودياقادر وقاوي=يالطيف نرتجيه ونمتثل له
ياكريم ماعلا غيرك شكاوي=ابن بيته فالجنان المستظله
كم دعاك بخلوة(ن)فيها خلاوي=والنوافل جعلهاالله شاهد(ن)له
نايف المنعور ياطيرالنداوي=مايفيد الشعر طواله وقله
عادت الدنيا مرارات وحلاوي=ماتدوم الا لراعى الكون كله[/poem]

__________________

يرتشملا

صح لسانك وعسى عود ارثك بالجنه , الله يغفر له ولكل اباء وامهات المسلمين اجمعين امين يا رب العالمين

اخوك \ ابن شفلوت

صح اللسانك

والله يبيح منا ومنه والله يسكنه الجنه واموات المسلمين

__________________
[poem font="Traditional Arabic,6,darkblue,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
اللي يحقِّّر بالرجـال يحقَّـر=واللي يهاب من الرجال تهابه[/poem]

المشتري
رحمه الله رحمة واسعة
وقصيدة صادره من الوجدان.

اخوك
بيانلا دلو

السلام عليكم ورحمة الله وبركاته
يرتشملا .....
صح لسانك .. وجعل الشايب في الجنه

اخوك
يرهفلا يكرت

__________________

تركي الفهري

صح لسانك

وجعل ابوووك في الجنه

اخووك

ناطحق نبا

__________________

يرتشملا

صح والله لسانك عدد وبل المطر وجعل ربي يعطيك طولة العمر

وعسى امواتنا واموات المسلمين في جنات عدن

اخوك / فهد المكودر

__________________
قالها اللي مايخوجل في كلامه _عاطفي(ن) يعتزي بالعاطفيه