قصيدة الشيخ/علي بن وازع بن شديد ال مخثله

قصيدة الشيخ/علي بن وازع بن شديد ال مخثله (اطال الله في عمره)
التي وجهها للشيخ/عايض بن علي بن جابر (رحمه الله) ولجماعته العطافا
وقد رد عليها المرحوم 000ومناسبتها تتضح من مضمونها.

يقول الشيخ/علي بن وازع:
[poem=font="Simplified Arabic,4,red,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
سقى الله من نو الثريا لنا ديره=خذينا بها في ماضي العمر مطوافي
سقاها رفيف مردفات مزابيره=تفاهق ربابه في عقابه وهو ضافي
سبوع عليها تنثر الماء محاويره=سقاها ويسقي كل دار والاطرافي
مرور بها ولع بقلبي تذاكيره=شقاني وانا قلبي صخيف وميلافي
تذّكر وفكر واشغلتني تفاكيره=على الرغم من بعض التفاكير ينعافي
مضى اللي مضى باهله وراحو مداويره=اسلاف تروح وبعدها ياتي اسلافي
عفى الله عن نفس تمنى لها سيره=تكمل بها لله ممضى ومحرافي
وعفى الله عن قلب كثير مشاويره=تجيبه وتقفيبه على الكدر والصافي
انا بين مايخطر على القلب في حيره=وأوجه بها للي فهيم وعرافي
اوجه بها للي اسلوبه وتعبيره=فهيم يحللها على ارياي واهدافي
حكيم يعرف رموزها في مصاديره=على النحو مايخفاه لو مصدره خافي
يحلل معانيها برايه وتدبيره=وبعد دبرة الله ماعطاني فهو كافي
مراسيلها صوب (ابن جابر) لها جيره=من العـوج ولا الغش ولا التلفلافي
تسلم عليه وتنشده عن تخابيره=واخصص معه من كان مدغـوش وسنافي
ترى اللي لهم عندي محبة وتقديره=احب العهد معهم بهرجي وسولافي
وألزم عزاز القوم شبابة النيره=لزومي على الظفران واترّك الهافي
هل الجود والمعروف والفعل والغيره=هل الطيبة وان حل بين العرب جافي
(عطافا) لهم في موسم المجد تسعيره=لما حمي سوقه يشترونه بالاكلافي
عوايد ابا واجداد فعل مظاهيره=قديم مع التاريخ في سلمه الضافي
انا اشكي لهم عظم تفاوت مجابيره=طبيب الوزارة تعب ماتم له رافي
طبيب الجراحة والمضمد عـواثيـره=قليل وفـقهم والحقوا فيه بخلافي
إلا واحد مالايم الطب تكديره=علاجه عظيم والله القادر الشافي
درس منهج طبه صعيب على غيره=يعالج وغيره يخلف الطب باوصافي
انا (يابن جابر) يوم قلبي ولع كيره=تواقد حطب ناره حريق بالانجافي
اهـدّيـه وين اغـديـه؟ بالصدر تاثيره=ساعدني برايك يوم لك موقف وافي
ترى القلب يا(عايض) حداد مواشيره=من الهم والهاجوس خطر بالاتلافي
مضى الوقت واحلامه صعاب تفاسيره=ولله مرجع كل شي والانصافي
واختم بها لله سبحة وتكبيره=وصلاة على الهادي عدد كل طوافي [/poem]
رد المرحوم الشيخ/عايض بن جابر:
[poem=font="Simplified Arabic,4,red,bold,normal" bkcolor="transparent" bkimage="" border="none,medium,gray" type=4 line=0 align=center use=ex num="0,black"]
انا ابدا بذكر الله واسمه وتقديره=محيل الشدايد نكتفي به وهو كافي
علي لابدعت القاف وزنه وتصخيره=اكمل نواقصها وللعوج عسافي
وشكوى (علي) ولعت بالحشاء نيره=حرمني لذيذ النوم والمرقـد الدافي
وشكوى (علي) تجرح القلب وتثيره=وتغير منام اللي على مرقـده غافي
كلام (ابن وازع) في محله وتعبيره=وتراني عرفت العلم من غير وصافي
يقول الوحش ماعاد تبعد مطاييره=وفروخ الدجاج تذب في كل مشرافي
ويقول الردي يلعب بدوره وتطويره=وحوّل من المنصب عزيزين واشرافي
ويقول القديم اسباب ماحل تاخيره=سقط موقف الطيب وجاء بعده الهافي
ويذكر زمان كاثرات عواثيره=وكل رماه من المقادير حذافي
ويقول القليب مهملات مصاديره=ولا مرته حم الذراء كل مشعافي
ويقول ان قليب البدو مااحد ورد بيره=وبعد العرب تذري معاطيفه السافي
ويقول العدام اللي تسلي نواويره=وطاه المحل ماجاء من الوسم هتافي
ويقول الزبار اللي زيان عثاميره=خليٍ جنابه عقب دوج العـرب عافي
ويقول الخلوف اللي تدرج مصاغيره=مداهيلها تشكي المحل عقب الاريافي
ويقول الركايب وقفت دونها الحيره=خذو خطمها واكوارها عقب الاوجافي
قضى الجيش والموتر تقارع مساميره=بعد ماتجينا بالطلبات وقافي
تصيح المكينة والكفر فيه تحجيره=متى يستوي (للويل) مدرج ومحرافي
ويقول ان صليب العظم جاء فيه تكسيره=وجاه الطبيب وقال ماهوب متعافي
وكب الطبيب وكب علمه وتقريره=يضيع الطبيب بخبرته والله الشافي
ويقول العهد غـيّب ووده بتحضيره=وتراني على عهده وقلبي معه صافي
معه مامعه من رمز خطه وتحريره=وهذا بعد رايي وهذا تصرافي
ترى العمر يفنى لو سعينا بتعميره=وعيش مرده للفناء مابه انصافي
وهذا زمان كاثرات مخاسيره=ولا خبر مخلوق على الارض متعافي
وكم مستشار بالغوى ضيع مشيره=يغشه ويبدي له معاذير واحلافي
وانا حالم حلم وعندي تفاسيره=يذكـّر بعيد غير ماهوب ينشافي
غريب مريب ينتظر قومة اميره=رمته القوالع من وراء حـد الاسيافي
وحيد لحيد كاثرات نواطيره=تشرف به اقدامه على حـد ميهافي
وماكاد من شي على الرب تيسيره=يحل العقود ويمّن العبد لاخافي
وحن في رجاء اللي يجبر العظم وينيره=جميع القضاء بيده وللضر كشافي
حفظ (يوسف) من بعد فقده وتدشيره=ومن قدرته (يعقوب) بعد العمى شافي
طلبت الخبر مني وهاذي تساريره=وتكلف معي لاصار ودك بكلافي
ولايرتفع راس قليل سعاطيره=ولاينفعك ناس روابعهم ضعافي
وصلاة على المختار عدة تذاكيره=نبي الهدى اللي بالمخاليق روافي[/poem]

بيض الله وجهك


على النقل الطيب

وقصائد وافيه ومن شعراء وافيين

لك تحياتي

__________________

الاخ ابو صقر

ووجهك مايلام0000 ومشكور على حضورك المشرف


تحياتي وتقديري