قصيدة في أخوي سعد الله يرده بالسلامة

السلام عليكم ورحمة الله وبركاته

هذي قصيدة في أخوي سعد العريفي الله يرده لنا بالسلامه

ويلبسه لباس الصحة والعافيه يارب

أتمنى تنال اعجابكم
[poem=font="Simplified Arabic,4,black,bold,normal" bkcolor="transparent" bkimage="backgrounds/2.gif" border="solid,medium,black" type=4 line=1 align=center use=ex num="0,black"]

تكدر الخاطر له شهور واسترْ = دنوا لي القرطاس فالراس قيفان
بجرّ كفي بالقلم فوقها جرْ = وأخلّي القرطاس بالحرف يزدان
وان كان ماجت لي على الكيف بنذر = ماأقول بيت الا ومعناه مليان
ذاوقتها ، وان كان ماجت كما الدر = أزهد وأنا من قولة القاف شبعان
إي بالله أزهد كان في أخوي ما سرْ= ومن لامني يلقى له اليوم تبيان
هذاك أبو محمد له الطيب مصدر = اللي على درب المشاكيل سلطان
ومن الكرم والجود يمناه تزخر = وعندي على قولي حقايق وبرهان
من يوم عزم بالسفر ثم قرر = تولجت بالقلب ضيقة مع أحزان
وفي صدري الزلزال ستة بـ (رختر) =وفي القلب من داخل كما ثار بركان
نوى السفر مضطر بالحيل مضطر = للي لهم فالطب عرف (ن) وبخصان
يمة أمريكا راي أبومحمد أفتر = الراي صايب والعقل فيه ميزان
يشكي بكبده ضيم فيروس يجتر = إليا خمل يازين وإليا احترك شان
و(عمر) معه لزّم خوي (ن) يسافر = أنا أشهد انك ياعمر طير حوران
روّح لـ جده جو ماهوب بالبر = وفي صالة التوديع دمعي بالأوجان
أحرم لمكة وأعتمر ثم قصّر = وعوّد لـجدة يوم وقت السفر حان
ودّع ربوع(ن) دوم بالطيب تذكر = كسابة الطولات من ماضي أزمان
وفي الطايرة سبّح وهلّل وكبّر = ثم أعلن الطيار بفراق الأوطان
أقلع بها من بعد مازرها زر = وحلّق بها والكمبيوتر لها عنان
وصْلوا أمريكا بالسلامة بلا شر = و(عمر) يجاوب للخواجات بارطان
وركْبوا لـ(بنسلفانيا) حيثها مقر = لعلاج من يشكي من الكبد تعبان
وفيها خذوا موعد على شان ينظّر = في حالهم ويبيّن العلم ماكان
وعلى الوعد والوعْد لازم يحضّر = تجمع الطاقم وفالراس( بيجان)
وأجروا فحوصات لسعد وسط مخبر = ثم قرروا جزء(ن) من الكبد ورمان
وساعة درى( نادر) تحزّم وغادر = عجل(ن) وهو دايم على الطيب عجلان
نادر على اسمه نادر الحر نادر = اللي على شدات الأيام مالان
ويوم الثلوث الكل في يديه مخطر = وقاموا على الفيروس حرب(ن) وعدوان
ونادر مع الطاقات تابع وناظر = والأجهزة مابين مشّر ورنّان
وأخوي علمه زان والهم بعثر = هم (ن) طلع ياعل ماهوب نكسان
ولفندقه من مركزه قام ظاهر = ونادر معه مايذخر الجهد زومان
وبشّر بها جدي وجدي تباشر = وطاحت هموم(ن) مثل ماقيل ضلعان
يالله يارحمن ياكاشف الضر = ياشافي (ن) من يشكي الضيم مرضان
الظاهر الباطن الأول والآخر = أنت اللطيف الواحد الرب سبحان
اشف الذي دايم عن الشر مدبر = وأنزل عليه العافية حيث ماكان
ورده لنا سالم من الضر طاهر = ويالله عسى ماجاه رحمة وغفران
وصلاة ربي عد مالنوّ ممطر = واعداد ماسالت من السيل شعبان
على النبي الهاشمي سيّد الغر = محمد المرسل على الإنس والجان[/poem]

وسلامتكم

__________________

الله الله

صح لسانك وعلا ورفع شانك



لا هنت


والله يرد اخوك سالم معافى



وفقك ربي



ولا هنت

__________________

صح لساااااااااااااااانك يا صقر


و بيض الله وجهك على هذه الرائعه

اخوك سعد

اخوي مثل ما هو اخوك

اسال الله في هذا اليوم ان يرجع لنا سالم غانم و معافا

لاهنت فديتك على القصيده الرووووووووعه


تقبل مروري الله يحفظك

صح بدنك

ومن قال ماهان يا أبوغانم

بيض الله وجهك والله يجزاك خير

ونورت متصفحي بمرورك يالغالي

__________________

صح بدنك

ومن قال ماهان يا أبو راكان

وبيض الله وجهك وجزاك الله خير

وأكيد أخوي هو أخوك مثل ما أخوانك مثل أخواني

ونورت متصفحي بمرورك يالغالي

__________________

السلام عليكم ورحمة الله وبركاته
الشاعر / العريفي الخالدي . المحتـرم
أسعد الله ايامك بكل خير وبركة
قد أكون متأخر في ردي هاذا ولكن يعلم الله اني لم اراها الا الان
وكما قلت لك سلفـاً
صح لسانك .. صح لسانك .. صح لسانك
وحبيت أقولك سجلني من متابعيك
اي واحد يشوف ردي هاذا يقول آمين
الله يرد أخوك سعد معافى وغانم بكل خير وبركه
والله يكفا شر عيال الحرام ويقربه عيون أهله
الله يخليــــــه لعينــــن ترجيـــــــه
آمين .. آمين .. آمين
لك تحيتي واحترامي وتقديري

__________________



...:: بيـَض الله وجهـَـك يـَالحبـَـابـَـيَ علـَـى التوقيـَـع ::...




سلمـان أهـدائـك هــاذا يرقــع القلــب .. لا عدمتـك على التوووقيـع ..

آآآآآآآآآآآآآمين

صح بدنك

والله يرفع قدرك ياأبو مشتح

والله يجزاك خيييييييير وبيض الله وجهك على مشاعرك الفياضة

ويشهد الله اني أغلييييييييييييييك ولك مكانه خاصه بقلبي يالغالي

بس حبيت أوضح نقطة التبست عليك ومعذور لان الموضوع قديم شوي لهاأشهر

اني أنا سعد واللي كتب القصيدة هو أخوي صقر وهو اللي استخدم معرفي الخاص ونقلها لكم

والقصيدة كتبها فيني

والحمد لله أبشرك ان صحتي تمام

مشكوووووووووووووووووور على اهتمامك والله يقبل دعاك يالقرم

__________________

[grade="8B0000 B22222 8B0000 B22222 B22222"]السـلام عليكـم ورحمـة اللــه وبركاته
الاخ / العريفي الخالدي المحتــرم
أسعد الله أيامك انت واخوك مهند بالفرح والمسرات
ومادام الدعوى كذا
اللــه يجعلك بخيــرٍ دايــم وانا اشهد ياربعك ان معهم وليــده مثلك
ياعريفـــي بكـــل صراحـــه ومن دون مجاملــه
أنـــت أنســـان تفرض على الاخرين أحترامك وهذا من ذوقك ومن أحترامك القدير
أخــــــــــوي
لاهنت على الكلام اللي في ردك ويعلم الله ان الحال مثل الحال
تقبل تحياتي وأحترامي
.. سلملي على الاميــر صقـــر ..[/grade]

__________________



...:: بيـَض الله وجهـَـك يـَالحبـَـابـَـيَ علـَـى التوقيـَـع ::...




سلمـان أهـدائـك هــاذا يرقــع القلــب .. لا عدمتـك على التوووقيـع ..

ماعليك زووووووووووود ياكحيلان

شهادتك وسام على صدري يالغاالي

وهذا من طيب أصلك يطول لي عمرك

وسلامك وصل

__________________

أرحب يالعريفي نعم

فيك وفي ربعك بني خالد

وفي اخوك

صح الله لسانك قصيده وافيه وجزله

تحياتي

اخوك " مشخص الفهري

__________________
[center]



alsamey2010@hotmail.com