الناجحه والراسبه

السلام عليكم ..




للتواصل ..




اقبلوا هذه المتواضعه ..




[poem=font="Simplified Arabic,4,black,bold,normal" bkcolor="transparent" bkimage="" border="none,medium,gray" type=1 line=1 align=center use=sp num="0,black"]
قال إبن مانع يوم جر الصوت في تالي نهار=حزةٍ خاطره ضايق .. وإحتما الهوجاس به

احمد الله ع الشدايد يوم هي مثل إختبار=ميّز الأصحاب بين .. الناجحه .. والراسبه

أفرحوا يالناجحين وهاكم الخوه شعار=وأسرحوا يالراسبين وراجعوا المحاسبه

خوةٍ ماهي على طيب ومعزه وإفتخار ؟=ماتناسبني ولاهي للرجال مناسبه

الخوي لاعز شاني يبشر بعز وعمار=في .. " هدد ومناشبه" .. ولاّ " سعد ومناسبه "

ومن تردا في خويه ماجنا إلا كل عار=جعل رجلي ماتعتّب كل قاعٍ داس به

المخوّه ؟ تمتلك معنى بقاموس الحرار=والطلاقه ؟ بنت شيخٍ حي من هو ناسبه

والمدايح ؟ نارها حيه وتقدح بالشنار=والحطب ؟ يمنا لجزلات الفعايل كاسبه

كل عمرٍ بيتوقف غير وقّاف العمار=ولا بقا للرجل غير اللي اذكروه الناس به[/poem]

__________________

لسماع قصائد الشاعر : سعيد بن مانع
اضغط هنا

صح لسانك وبيض الله وجهك على الرائعة

وفي الحقيقه ابيات القصيده كلها وافيه من رجال وافي

وتقول


الخوي لاعز شاني يبشر بعز وعمار
في .. " هدد ومناشبه" .. ولاّ " سعد ومناسبه "


واقول كفو ياوجه اقحطان

__________________

ان جيتني مرحب وان اقفيت لاباس والله ماودي الى اقفيت تاتي

ابوعلي القحطاني

سعد


اررررررررررحب ياوجه اقحطان


وبيض الله وجهك على المرور المشرف



لاهنت جعلك في الوجود

__________________

لسماع قصائد الشاعر : سعيد بن مانع
اضغط هنا

صح الله لسانك يا ابو مانع



حكم...........درر...........ابداع



اشهد انك مبدع


والمدايح ؟ نارها حيه وتقدح بالشنار.................................ز
................................والحطب ؟ يمنا لجزلات الفعايل كاسبه


عاية الروعه

اجدت يا مانع الرفيدى /كفو ومن اصحاب الحكم وحكيم ولك منى الشكر ...وانت صاحب


خوة وفا ....وابيض وجه ...كلام جديد ومفيد ...وانت من اهله ..ونعم فيك ..!!

حسن القوافى يالرفيدى جبتها .............وانت كفو بها لها ومن اهلها

اررررررررررررررررررحب يا سعيد
صح لسانك واعتلا شانك
لاهنت على القصيده الجزله
تحياتي

ابراهيم

اررررررررررررررررررحب تراحيب الحيا



وجودك شرف
وإعجابك شرف


الله يزيدنا بشرواك ..


لاهنت نفداك

__________________

لسماع قصائد الشاعر : سعيد بن مانع
اضغط هنا

صح لسانك ياسعيد وبيض الله وجهك

قصيدة رائعه وحضورك مميز


بيض الله وجهك

صح لسانك وبيض الله وجهك

خوةٍ ماهي على طيب ومعزه وإفتخار ؟
..........................................ماتناسبن ي ولاهي للرجال مناسبه




ومن تردا في خويه ماجنا إلا كل عار
...........................................جعل رجلي ماتعتّب كل قاعٍ داس به



صح لسانك ياسعيد


وبيض الله وجهك على هذه الدرر


تقبل تقديري واعجابي الدائمين


ولك مني خالص الود

__________________
جاري البحث