مقتطفات شعريه

مقطفات من الشعر
لا تكثر المدح طيبي ما لحق طيبك
== الطيب لك وأنت مصيافه ومرباعه
من كثر ما تنفقه كثرت مطاليبك
== واللي سواتك كريم وهاذي أطباعه
عيبك كريم وشجاع وصار ذا عيبك
== وأكملتها بالسخا والجود والطاعة

**********

من عادتي ما أقلط بليا عزيمة
== ومن لا يرحبي الى أقبلت ماجيه
نفسي علي يا أبن الاكارم كريمة
== أعزها من مجلس تحتقر فيه

**********

نسعى مع الناس والتوفيق بيد الله
== والرزق مظمون والاجال مكتوبة
وان كان يالعبد مأنت بواثق بالله
== وش لون تاثق بعبد ضاق به ثوبه

**********

أنا احب الرفيق اللي يصارحني وينصحني
== الى من شافني ضليت درب الحق وأخطيته
ولا أحب الرفيق اللي على الغلطه يجاملني
== يعرف النقص فيني ويتبسم كل ما جيته


**********


أشره على الطيب ولي عنده حقوق
== وافرح اذا جاله لزوم وقضيته
وعندي خبر عنده لي الحق مطبوق
== ذخر(ن) الى مني بغيته لقيته

**********



بعض العرب لا غبت عنه نشد عنك
== يفرح بذكرك ويتحرى قدومك
وبعض العرب لا غبت عنه سلا عنك
== لا ناشد(ن) عنك ولا عن علومك

**********

وسيع البنايد ما يهمه هزيل القول
== اذا جاه من خبل(ن) هروجه مضيعها
واذا جاته الزلة من القاصد المقبول
== بجزل الجواب وهرجه الحق يقمعها

لاهنت

والله يعطيك العافية

تحياتي

__________________
:: سبحان الله وبحمده :: سبحان الله العظيم ::

شـبـكـة قـحـطـان * الموقع الرسمي لقبيلة قحطان *

../ اعتذر لقلّة تواجدي ومشاركاتي في المنتدى وذلك لظروف الاختبارات ، لا تنسوني من صالح دعائكم /..

صح الله لسانك يابو محمد


حضور راقي ومقتطفات شعرية في غاية الجمال والإبداع


بيض الله وجهك على التواصل والحضور الغير تقليدي


تحيتي

بيض الله وجهك على ذا القصيد الذرب